ట్రైల‌ర్ తో నే ట‌బు ఇలా షాకిచ్చిందేంటి?
దీంతో ఇండియా వైడ్ ట‌బు పేరు మ‌రోసారి మోతెక్కింది.
ఇటీవ‌లే సీనియ‌ర్ హాట్ సెరైన్ హాలీవుడ్ కి సైతం ప్ర‌మోట్ అయిన సంగ‌తి తెలిసిందే. ప్రపంచవ్యాప్తంగా అశేష ఫాలోయింగ్ ఉన్న హాలీవుడ్ 'డ్యూన్' సిరీస్ లో ఛాన్స్ అందుకోవ‌డంతో ఒక్క‌సారిగా ట‌బు పేరు నెట్టింట మారు మ్రోగిపోయింది. ఇందులో అమ్మ‌డు సిస్టర్ ఫ్రాన్సెస్ గా ఎంతో కీలకమైన పాత్ర పోషిస్తుందని తేలింది. దీంతో ఇండియా వైడ్ ట‌బు పేరు మ‌రోసారి మోతెక్కింది. అస‌లే లేటు వ‌యసులో ఘాటు న‌ట‌న‌తో ఆక‌ట్ట‌కుంటోన్న అమ్మ‌డు హాలీవుడ్ కి వెళ్తే ఇంకే రేంజ్ లో చెలేరుగుతుంది? అన్న బ‌జ్ అంత‌కంత‌కు రెట్టింపు అవుతుంది.
గ్లోబ‌ల్ స్టార్ ప్రియాకం చోప్రా లా ట‌బు కూడా ఫేమ‌స్ అవుతుంద‌ని మీడియా క‌థ‌నాలు వెడెక్కిస్తున్నాయి. కానీ అమ్మ‌డు ట్రైల‌ర్ తోనే ఈ రేంజ్ లో షాకిస్తుందని ఎవ‌రూ ఊహించి ఉండ‌రు. తాజాగా ఈ సైన్స్ ఫిక్ష‌న్ సిరీస్ ట్రైల‌ర్ రిలీజ్ అయింది. ట్రైల‌ర్ ఆద్యంతం ఆక‌ట్టుకుంటుంది. ప్ర‌తీ షాట్ ఎంతో ఎంగేజింగ్ గా ఉంది. ఇండియ‌న్ ఆడియ‌న్స్ కి సైతం బాగా క‌నెక్ట్ అయ్యే స‌బ్జెక్ట్ అని తెలుస్తుంది. మ‌రి ఇందులో ట‌బు పాత్ర ప‌రిస్థితి ఏంటి? అంటే భూత‌దం పెట్టి వెతికినా ట్రైల‌ర్ లో ఎక్క‌డా ట‌బు రోల్ కనిపించ‌లేదు.
ఇది అభిమానుల్ని తీవ్ర నిరాశ‌కు గురి చేసింది. టీజ‌ర్ లో అయితే రివీల్ చేసే ఛాన్సెస్ త‌క్కువ ఉంటాయి. క‌నీసం ట్రైల‌ర్ కూడా ట‌బు పాత్ర‌ని చెప్ప‌కపోవ‌డంపై ర‌క‌ర‌క‌రాల సందేహాలు వ్య‌క్తం అవుతున్నాయి. సిస్టర్ ప్రాన్సిస్కా పాత్ర‌ని ప‌రిచ‌యం చేయ‌క‌పోవ‌డం ఏంటి? అంటూ ఆశ్చ‌ర్య‌పోతున్నారు. ఒక సెక్ష‌న్ ఆడియ‌న్స్ ఇలా ఉంటే మ‌రికొంత మంది ట‌బు పాత్ర నేరుగా తెర‌పైనే చూడాల్సి ఉంటుంద‌ని...క‌థ‌లో ఆ పాత్ర ఎంతో కీల‌క‌మని..అందుకే మేక‌ర్స్ స‌స్పెన్స్ మెయింటెన్ చేస్తున్నారంటున్నారు.
ఇంకొంత మంది ట‌బు రోల్ చాలా చిన్న‌ద‌ని అందుకే రివీల్ చేయ‌లేద‌ని..అలాంటి పాత్ర‌లు తెర‌పై అలా వ‌చ్చి వెళ్లిపోవ‌డం త‌ప్ప! ట్రైల‌ర్ రివీల్ చేయాల్సింత అవ‌స‌రం ఏముంటుంద‌ని అంటున్నారు. మొత్తానికి హాలీవుడ్ డెబ్యూతో ట‌బు ఏదో చేస్తుంది? అనుకుంటే జ‌నాల్లో ఇంకేదో జ‌రుగుతున్న‌ట్లు క‌నిపిస్తుంది. వీట‌న్నింటికి పుల్ స్టాప్ ప‌డాలంటే ట‌బు అస‌లు సంగ‌తి ఏంటి? అన్న‌ది చెప్పాలి. ఇంత‌వ‌ర‌కూ ఈ ప్రాజెక్ట్ గురించి ట‌బు ఎక్క‌డా రివీల్ చేసింది కూడా లేదు.