ఈగల్ - హనుమాన్.. ఆ విషయంలో ఒకేలా..

మాస్ మహారాజ్ రవితేజ హీరోగా కార్తిక్ ఘట్టమనేని దర్శకత్వంలో తెరకెక్కి ఫిబ్రవరి 8న ప్రేక్షకుల ముందుకి వస్తోన్న చిత్రం ఈగల్. కంప్లీట్ యాక్షన్ బ్యాక్ డ్రాప్ కథతో ఈ సినిమాని సిల్వర్ స్క్రీన్ పై కార్తిక్ ఆవిష్కరించాడు. హీరో రవితేజ క్యారెక్టర్ లో ఒక రైతు నుంచి మాఫియా లీడర్ వరకు ట్రాన్స్ ఫర్మేషన్ ని కార్తిక్ చూపిస్తున్నాడు. స్టొరీ లైన్ అయితే ఇంటరెస్టింగ్ గా అనిపిస్తోంది.

ఈ సినిమా ప్రమోషన్స్ ని రవితేజ ఇప్పటికే స్టార్ట్ చేశాడు. హనుమాన్ సినిమా ప్రమోషన్స్ కి రవితేజ సపోర్ట్ చేసినట్లుగానే ఈగల్ కి హనుమాన్ టీం సహకరిస్తోంది. తేజా సజ్జా తాజాగా రవితేజని ఇంటర్వ్యూ చేశాడు. ఈ వీడియోలో ఈగల్ మూవీ గురించి ఇంటరెస్టింగ్ విషయాలని రవితేజ షేర్ చేసుకున్నారు. అలాగే సినిమా సక్సెస్ పై చాలా నమ్మకం వ్యక్తం చేశారు.

ఈగల్ మూవీ స్టార్ట్ చేసినపుడు చాలా చిన్నగా మొదలైందని రవితేజ చెప్పాడు. కార్తీక్ వచ్చి ఒక యాక్షన్ మూవీ స్టొరీ తక్కువ రోజుల్లో పూర్తయిపోయేది ఉందని చెప్పాడు. కథ నచ్చడంతో స్టార్ట్ చేసాం. సినిమా నడుస్తున్న కాదది ఈ ప్రాజెక్ట్ స్పాన్ పెరిగిపోయింది. హనుమాన్ ఎలా అయితే చిన్నగా స్టార్ట్ అయ్యి పెద్ద ప్రాజెక్ట్ అయ్యిందో ఈగల్ కూడా అలాగే లార్జ్ స్కేల్ లోకి వచ్చేసిందని చెప్పారు.

మరింత బెటర్ అవుట్ పుట్ కోసం స్క్రిప్ట్ పరంగా కూడా కొన్ని మార్పులు చేయడం షూటింగ్ రోజులు కూడా పెరిగాయని అన్నారు. అయితే ఓవరాల్ గా అవుట్ పుట్ మాత్రం అద్భుతంగా వచ్చిందని చెప్పాడు. రవితేజ మాటలు బట్టి ఈగల్ సినిమా విజువలైజేషన్, కంటెంట్ ప్రెజెంటేషన్ మాత్రం నెక్స్ట్ లెవల్ లో ఉండే ఛాన్స్ ఉందని అర్ధమవుతోంది.

గత ఏడాది వాల్తేరు వీరయ్య తర్వాత రవితేజ రెండు సినిమాలతో ప్రేక్షకుల ముందుకొచ్చారు. ఈ రెండు కూడా ఆశించిన స్థాయిలో మెప్పించలేదు. చివరిగా వచ్చిన టైగర్ నాగేశ్వరరావు బయోపిక్ కూడా ఫ్లాప్ అయ్యింది. అయితే ఈ ఏడాది ఈగల్ తో సూపర్ హిట్ వస్తుందనే నమ్మకంతో ఉన్నారు. మరి అది ఎంత వరకు సాధ్యం అవుతుందో చూడాలి.