మ‌హేష్‌-శ్రీ‌లీల చిత‌క్కొట్టేశారు: నాగ‌వంశీ

సూపర్ స్టార్ మహేష్ బాబు క‌థానాయ‌కుడిగా త్రివిక్రమ్ శ్రీనివాస్ దర్శకత్వంలో తెర‌కెక్కుతున్న తాజా చిత్రం 'గుంటూరు కారం'. ఇది పూర్తి మాస్ యాక్షన్ ఎంటర్‌టైనర్. వచ్చే ఏడాది సంక్రాంతి సందర్భంగా జనవరి 12న ప్రపంచవ్యాప్తంగా థియేటర్లలో ఈ చిత్రాన్ని విడుదల చేయనున్నారు. మేకర్స్ ప్రచార కార్యక్రమాలను ప్రారంభించారు. ఇటీవ‌లే గుంటూరు కారం బృందం వ‌రుస‌గా సింగిల్ సాంగ్స్ ని విడుద‌ల చేయ‌గా అవి అభిమానుల్లోకి దూసుకెళ్లాయి.

ఈ చిత్రంలో శ్రీలీల, మీనాక్షి చౌదరి కథానాయికలుగా నటిస్తున్నారు. హారిక & హాసిని క్రియేషన్స్ ప‌తాకంపై ఎస్. రాధా కృష్ణ- నాగ‌వంశీ సంయుక్తంగా నిర్మిస్తున్నారు. ఈ చిత్రానికి థమన్ సంగీతం అందిస్తున్నాడు. రమ్యకృష్ణ, జగపతి బాబు, జయరామ్, ప్రకాష్ రాజ్ త‌దిత‌రులు ముఖ్య పాత్రల్లో నటిస్తున్నారు.

తాజాగా చిత్ర నిర్మాత నాగ‌వంశీ ఇన్ స్టా మాధ్య‌మంలో 'గుంటూరు కారం'లో స్పైసీ మాస్ నంబ‌ర్ గురించి వెల్ల‌డించారు. ఈ పాట‌లో మ‌హేష్, శ్రీ‌లీల మాస్ స్టెప్పుల‌తో అద‌ర‌గొట్టేశార‌ని తెలిపారు. ఇన్ స్టాలో నాగ‌వంశీ ఇలా రాసారు. ''గుంటూరు కారం స్పైసీ మాస్ నంబర్ నుండి విజువల్స్ చూశాను! సూపర్ స్టార్ మహేష్ -శ్రీలీల ఇద్దరు చితక్కోటేసారు. ఈ పాట ప్రపంచవ్యాప్తంగా తెరపై అల‌రిస్తుంది'' అని అన్నారు. మన మాస్ బాషలో చెప్పాలి అంటే...ఆ కుర్చీని మడత పెట్టీ.. అంటూ లౌడ్ స్పీక‌ర్ వాల్యూమ్ ఈమోజీల‌ను షేర్ చేసారు. మేక‌ర్స్ నుంచి ట్వీట్లు అంతకంత‌కు అంచ‌నా పెంచేస్తున్నాయి. గుంటూరు కారం మ‌హేష్ అభిమానుల‌కు స్పెష‌ల్ ట్రీట్ గా మార‌నుంద‌ని దీనిని బ‌ట్టి అర్థం చేసుకోవ‌చ్చు.