#రివ‌ర్స్ MeToo! గాయ‌కుడిని వేధించిన ఆమె!!

2017లో ప్రారంభ‌మైన #MeToo ఉద్య‌మం ప్రపంచ‌వ్యాప్తంగా ప్ర‌కంప‌నాలు సృష్టించింది. చాలామంది అగ్ర‌నటులు, ద‌ర్శ‌క‌నిర్మాత‌లపై తీవ్ర ఆరోప‌ణ‌లు వ‌చ్చాయి. మ‌హిళా తార‌ల‌పై లైంగిక వేధింపుల గురించి ఈ వేదిక బ‌హిర్గ‌తం చేసింది. అయితే ఇటీవ‌ల మీటూ అంత బ‌లంగా క‌నిపించ‌డం లేదు. అంత‌టా స్థ‌బ్ధుగా ఉంది. కానీ ఇప్పుడు రివ‌ర్స్ #MeToo ఆరోప‌ణ అంద‌రినీ ఆశ్చ‌ర్య‌ప‌రుస్తోంది. ప్ర‌ముఖ గాయ‌కుడు త‌న‌ని ఒక అభిమాని వేధించిందంటూ ఫిర్యాదు చేయ‌డం క‌ల‌కలం రేపింది.

వేదికపై ఉన్న త‌న వ‌ద్ద‌కు ప్రేక్షకుల్లోంచి దూసుకొచ్చిన‌ ఒక మహిళ అనుచితంగా ప్రవర్తించింద‌ని ప్ర‌ముఖ గాయ‌కుడు హార్డీ సంధు ఆరోపించాడు. ఈ ఘ‌ట‌న జ‌రిగినప్ప‌టి సంగీత కచేరీని గుర్తుచేసుకుంటూ... ఏడాదిన్నర లేదా రెండేళ్ల క్రితం ఒక ప్రైవేట్ వివాహ కార్యక్రమంలో ఈ ఘ‌ట‌న‌ జరిగింద‌ని అత‌డు తెలిపాడు.

నా ముందు 40 లేదా 45 ఏళ్ల మధ్య వయసు మహిళ ఉంది. ఆమె డ్యాన్స్ చేస్తూ స్టేజ్‌పైకి రావాల‌నుకుంటున్నాన‌ని చెప్పింది. ''నిన్ను పిలిస్తే వేరే వాళ్లను అనుమ‌తించాలి.. కష్టమవుతుంది'' అని చెప్పాను. కానీ ఆమె విన‌లేదు. వేదికపై తాను ఉండాలని పట్టుబట్టింది. అప్పుడు నేను 'ఆప్ ఆ జావో' అన్నాను. ఆమె వచ్చి నాతో పాటకు డాన్స్ చేయమని కోరింది. 'సరే, చేద్దాం' అన్నాను. మేము ఒక పాటకు డ్యాన్స్ చేసాము. 'సరే, ఇప్పుడు మీరు సంతోషంగా ఉన్నారా?' అని అడిగాను. ఆపై ఆమె 'నేను నిన్ను కౌగిలించుకోవచ్చా?' అని అడిగింది. ఆమె నన్ను కౌగిలించుకుంది. ఆమె నా చెవిని కొరికింది. ఇప్పుడు దాని గురించి ఆలోచించండి మీరు కూడా. రోల్స్ రివర్స్ అయితే? నేనేమి చెప్పగలను? ఇలాంటివి జరుగుతుంటాయి'' అని అన్నాడు.

తన పర్యటనలో చేదు అనుభ‌వం గురించి మాట్లాడుతూ హార్డీ పైవిధంగా క‌ల‌త చెందాడు. అభిమానులను వెయిట్ చేయించాలి. ఇంత పెద్ద ఈవెంట్‌ని ప్లాన్ చేయడానికి చాలా సమయం పడుతుందని కూడా మ‌నం అర్థం చేసుకోవాలి. అయితే అత‌డు ప్ర‌తిదీ పాజిటివ్ గా చూస్తాడ‌ని అర్థ‌మ‌వుతోంది. హార్డీ సంధు ఇంకా ఏమ‌న్నారంటే..? ''ప్రతిదానికీ ఒక టైమింగ్ ఉందని నేను గట్టిగా నమ్ముతాను. దానికి ఇదే సరైన సమయం అని భావిస్తున్నాను. నేను భారత పర్యటన(ఇండియా టూర్‌)కు వెళ్లడం ఇదే మొదటిసారి. దాని గురించి నేను చాలా ఉత్సాహంగా ఉన్నాను. మాకు గొప్ప లైనప్ ఉంది. నా ప్రేక్షకులు నాపై, నా సంగీతంపై ఎల్లప్పుడూ కురిపించిన ప్రేమను తిరిగి అందించడానికి నేను వేచి ఉండలేను. నా అభిమానులను చూడాలని నేను ఎంతగానో ఎదురుచూస్తున్నాను. వారు కచేరీకి హాజరైనప్పుడు విస్ఫోటనం చెందేలా చూడాలనేది నా పెద్ద ఆలోచన'' అని కూడా హార్డీ తెలిపాడు.

హార్డీ స్వ‌గ‌తం :

హర్ వీందర్ సింగ్ సంధు (జననం 6 సెప్టెంబర్ 1986) ఒక భారతీయ గాయకుడు, నటుడు. పంజాబీ - హిందీ చిత్రాలలో పనిచేసే మాజీ క్రికెటర్. అతడి మొదటి పాట ట‌కిల్లా షాట్. అతడు సోచ్ (2013) మరియు జోకర్ (2014)తో జనాదరణ పొందాడు. ఈ పాట‌ల్ని జానీ రాశారు. బి ప్రాక్ సంగీతం సమకూర్చారు. సంధూ యారన్ డా కట్చప్ (2014)లో తొలిసారిగా నటించాడు. అతడి పాట 'సోచ్'ను 2016 బాలీవుడ్ చిత్రం ఎయిర్‌లిఫ్ట్ కోసం రీమిక్స్ చేసారు. అతని పాట 'నా' బాలా చిత్రం కోసం గాయని స్వస్తి మెహుల్‌తో 'నా గోరియే'గా రీమిక్స్ అయింది. అతడు బ్రిటిష్ కో-ఎడ్ హై స్కూల్ లో విద్యాభ్యాసం పూర్తి చేసాడు. పాటియాలా పూర్వ విద్యార్థి. 2021లో 1983 క్రికెట్ ప్రపంచ కప్ ఆధారంగా తెర‌కెక్కిన‌ కబీర్ ఖాన్ స్పోర్ట్స్-డ్రామా 83తో న‌టుడిగా తన హిందీ చలనచిత్ర రంగ ప్రవేశం చేసాడు. అనంత‌రం స్పై యాక్షన్ డ్రామా 'కోడ్ నేమ్: తిరంగా' (2022)లో నటించాడు.