రుహానీ శర్మ..HER సస్పెన్స్​ సెన్సార్ ఓవర్​..

సుశాంత్ 'చిలసౌ'తో తెలుగు తెరకు హీరోయిన్ ​గా పరిచయమైన హాట్ బ్యూటీ రుహానీ శర్మ. ఆ తర్వాత పలు చిత్రాలతో నటించిన ఆమెకు ఆశించిన స్థాయిలో గుర్తింపు రాలేదు. కానీ సోషల్​మీడియా లో మాత్రం హాట్ హాట్ అందాల ను ఆరబోస్తూ యూత్​లో క్రేజ్​ పెంచుకుంటోంది. అయితే ఇప్పుడీ ముద్దుగుమ్మ.. ఓ ఫిమేల్ ఓరియెంటెడ్ సినిమా చేస్తున్న సంగతి తెలిసిందే.

ఆమె ప్రధాన పాత్ర లో నటించిన క్రైమ్‌, సస్పెన్స్‌ థ్రిల్లర్‌ 'హర్‌' చాప్టర్​ 1. జులై 21న ఈ చిత్రం ప్రేక్షకుల ముందుకు రానుంది. శ్రీధర్‌ దర్శకత్వం వహించారు. రీసెంట్​ గా ఈ సినిమా ట్రైలర్‌కు కూడా విడుదలై ఆకట్టుకుంది. మిస్టరీ మర్డర్‌ కేసు ను చేధించే క్రమంలో ఓ మహిళా పోలీస్‌ ఎలాంటి సవాళ్లు ఎదుర్కొందనే ఆసక్తికర అంశాల తో ఈ చిత్రం రూపుదిద్దుకన్నట్లు ఈ ప్రచార చిత్రంలో చూపించారు.

తాజాగా ఈ సినిమా రిలీజ్​ డేట్ దగ్గరపడడంతో.. సెన్సార్​ పనుల పై దృష్టిసారించింది ముూవీటీమ్. అయితే ఇప్పుడీ సెన్సార్ పనులు పూర్తయ్యాయి. U/A సర్టిఫికేట్​ ను అందుకుంది. ఈ విషయాన్ని మూవీటీమ్​ సోషల్​మీడియా లో పోస్ట్​ చేస్తూ.. ప్రతిఒక్కరిని సస్పెన్స్​ థ్రిల్ల్​కు గురిచేసేందుకు జులై 21నుంచి సినిమా రెడీగా ఉండనుంది అని రాసుకొచ్చింది.

ఇకపోతే ఈ చిత్రం లో వికాస్ వశిష్ట, ప్రదీప్ రుద్ర, జీవన్ కుమార్, అభిగ్న్య, సంజయ్ స్వరూప్, బెనర్జీ, రవివర్మ, రవి ప్రకాష్ తదితరులు ఇతర ప్రధాన పాత్రల్లో నటించారు. ఈ సినిమా కు విష్ణు బేసి సినిమాటోగ్రఫీ అందించారు. చాణక్య తూరుపు ఎడిటర్​గా వ్యవహరించారు. పవన్ సంగీతం అందించారు.

కాగా, గతం లో 'చిలసౌ'తో పరిచయమైన ఈ బ్యూటీ.. ఆ తర్వాత విశ్వక్ సేన్​ కు జోడీ గా 'హిట్' సినిమా లో నటించి ఆకట్టుకుంది. అనంతరం 'డర్టీ హరి', 'నూటొక్క జిల్లాల అందగాడు', ఓటీటీలో 'మీట్ క్యూట్' యాంథాలజీ లో మెరిసింది. ప్రస్తుతం విక్టరీ వెంకటేశ్​ హీరో గా 'హిట్' దర్శకుడు శైలేష్ కొలను తెరకెక్కిస్తున్న 'సైంధవ్'లోనూ నటిస్తోంది. ఇక 'హర్‌' చాప్టర్​ 1తో మరో రెండు రోజుల్లో సినీ ప్రియుల ముందుకు రానుంది. ఈ సినిమాతో ఎలాగైనా గిట్టి హిట్​ అందుకోవాల ని ఆశపడుతోంది. అభిమానులకు థ్రిల్ పంచాలని అనుకుంటోంది. చూడాలి మరి ఎలాంటి థ్రిల్ ఇస్తుందో రుహాని.