ఆయ‌న డ్రీమ్ ప్రాజెక్ట్ లో హీరో ఛేంజ్!

క‌ళాత్మ‌క చిత్రాల ద‌ర్శ‌కుడు సంజ‌య్ లీలా భ‌న్సాలీ చిత్రాల గురించి చెప్పాల్సిన ప‌నిలేదు. బాలీవుడ్ లో ఎన్నో హిట్ చిత్రాలు తెర‌కెక్కించిన గ్రేట్ మేక‌ర్. ఎంతో మంది స్టార్ హీరోల‌తో సినిమాలు చేసిన అనుభ‌వం ఆయ‌న సొంతం. లేడీ ఓరియేంటెడ్ చిత్రాల‌తో సైతం బాక్సాఫీస్ ని షేక్ చేసిన ద‌ర్శ‌కుడాయ‌న‌. అలాంటి గ్రేట్ మేక‌ర్ డ్రీమ్ ప్రాజెక్ట్ ఏదైనా ఉందా? అంటే అది `ఇన్షా అల్లా`.ఈ చిత్రాన్ని ఆయ‌న డ్రీమ్ ప్రాజెక్ట్ గా భావిస్తున్నారు.

ఎంతో కాలంగా ఈ చిత్రాన్ని తెర‌కెక్కించాల‌ని ప్ర‌య‌త్నిస్తున్నారు. కానీ ఇంత‌వ‌ర‌కూ అది కార్య‌రూపం దాల్చ‌లేదు. ఇన్షా అల్లాలో స‌ల్మాన్ ఖాన్ ని హీరోగానూ అనుకున్నారు. ఆయ‌న రాసుకున్న పాత్ర‌కు స‌ల్మాన్ త‌ప్ప మ‌రో న‌టుడు న్యాయం చేయ‌లేడ‌ని స‌ల్మాన్ అయితేనే బాగుంటుందని..సినిమాకి ఆ ప్ర‌తిష్ట‌త వ‌స్తుంద‌ని భావించారు. స‌ల్మాన్ కూడా అందుకు రెడీగా ఉన్న‌ట్లు తెలిసింది. కానీ ఇప్పుడా ప్రాజెక్ట్ లోకి స‌ల్మాన్ స్థానంలోకి మ‌రో స్టార్ హీరో షారుక్ ఖాన్ వ‌స్తున్న‌ట్లు తెలుస్తుంది.

ఈ సినిమాకి సంబంధించి కొన్ని నెల‌లుగా వీరిద్ద‌రి మ‌ధ్య చ‌ర్చ‌లు జ‌రుగుతున్నట్లు ఆల‌స్యంగా వెలుగు లోకి వ‌స్తుంది. దాదాపు షారుక్ ఎంట్రీ క‌న్ప‌మ్ అయింద‌ని ద‌ర్శ‌కుడి స‌న్నిహిత వ‌ర్గాల నుంచి వినిపిస్తుంది. అయితే స‌ల్మాన్ ఖాన్ ఏ కార‌ణంగా ఎగ్జిట్ అయ్యారు? అన్న‌ది మాత్రం తెలియ‌దు. త్వ‌ర‌లోనే షారుక్ ని క‌న్ప‌మ్ చేస్తూ సంజయ్ నుంచి అధికారిక ప్ర‌క‌ట‌న రానుంద‌ని స‌మాచారం.

వ‌యసు మ‌ళ్లిన హీరో.. అత‌డి క‌న్నా వ‌య‌సులో బాగా చిన్న‌దైన క‌థానాయిక మ‌ధ్య మొద‌లైన ప్రేమ ఆధారంగా ఈ చిత్రాన్ని తెర‌కెక్కించ‌నున్నారు. సినిమాలో ఈ పాయింట్ ఎంతో ఇట్రెస్టింగ్ గా అనిపి స్తుంది. దాని కి దృశ్య‌రూపం ఇస్తే ఇంకెలా ఉంటుంద‌న్న‌ది చెప్పాల్సిన ప‌నిలేదు. ఈ కాంబినేష‌న్ లో సినిమా రావ‌డం కూడా రెండు ద‌శాబ్దాల త‌ర్వాత జ‌రుగుతోన్న స‌న్నివేశంగా క‌నిపిస్తుంది.