గాజు బొమ్మ.. కంటెంట్ తో కొడుతున్న నాని!

నేచురల్ స్టార్ నాని దసరా సినిమాతో ఈ ఏడాది బిగ్ సక్సెస్ అందుకుని మంచి ట్రాక్ లోకి వచ్చేసాడు. ఇక నెక్స్ట్ హాయ్ నాన్న అనే మరొక డిఫరెంట్ సినిమా తో రాబోతున్నాడు. ఈ సినిమా లో నాని పాపకు తండ్రిగా నటించబోతున్నాడు అనే పాయింట్ హైలెట్ చేస్తూనే మరొకవైపు లవ్ స్టోరీ కూడా ఉన్నట్లుగా అప్డేట్స్ ద్వారా క్లారిటీ ఇస్తున్నారు.

హాయ్ నాన్న సినిమాలో నాని ఢీ జోడిగా మృనల్ ఠాగూర్ నటిస్తోంది. ఇక సినిమాకు సంబంధించిన ఫస్ట్ లుక్ టీజర్ కూడా ఇప్పటికే పాజిటివ్ వైబ్ క్రియేట్ చేసుకుంది. సినిమాలో అసలు కంటెంట్ ఏ విధంగా ఉండబోతుంది అనే విషయంలో చిత్ర యూనిట్ కొంత క్యూరియాసిటీ అయితే క్రియేట్ చేస్తోంది. ఇప్పటికే సమయమ అనే సాంగ్ కూడా విడుదల అయింది.

ఆ పాట అనంతరం ఇప్పుడు మరొక ఆసక్తికరమైన పాటను విడుదల చేయబోతున్నారు. అయితే ఈ సెకండ్ సాంగ్ అప్డేట్ ఇవ్వడంలో కూడా నాని చాలా డిఫరెంట్ గా ఆలోచిస్తున్నాడు. ప్రమోషన్స్ లో అయినా కూడా కంటెంట్ పర్ఫెక్ట్ గా ఉంటేనే సినిమాకు బజ్ క్రియేట్ అవుతుంది అనే విషయం బాగా ఫాలో అవుతున్నట్లు అర్థమవుతోంది.

ఇక చిన్నారి పాపతో కిచెన్ లో పనిచేసుకుంటూ ఉన్న ఒక వీడియోను విడుదల చేశారు. అందులో ఆ చిన్నారి లవ్ స్టోరీ సాంగ్ విడుదల చేశావు మరి మన పాట ఎప్పుడూ అని అడగడం ఆ తర్వాత నాని సిద్ధమే అన్నట్లుగా క్యూట్ హవా భావాలు చూపించడం బాగుంది. గాజు బొమ్మ అనే ఈ పాటను అక్టోబర్ 6న విడుదల చేయబోతున్నారు.

ఖుషి సినిమాతో ఇప్పటికే మంచి మ్యూజిక్ అందించి క్రేజ్ అందుకున్న హేషామ్ అబ్దుల్ వహాబ్ ఇప్పుడు ఈ సినిమాతో కూడా తెలుగు వారికి దగ్గరవ్వాలని అనుకుంటున్నాడు. ఇక గాజు బొమ్మ అనే ఆ పాట ఎలా ఉంటుందా అని నాని ఫ్యాన్స్ ఎదురుచూస్తున్నారు. మొత్తానికి ప్రమోషన్స్ విషయంలో కూడా కాస్త భిన్నంగా ఆలోచిస్తూ వెళుతున్న హాయ్ నాన్న టీమ్ రాబోయే రోజుల్లో మరింత డిఫరెంట్ కంటెంట్ విడుదల చేయాలని అనుకుంటుంది. ఈ సినిమాను డిసెంబర్ లో తేదీన విడుదల చేయాలని అనుకుంటున్నారు.