గొడ్డు మాంసాన్ని ఖీమా కొడుతున్న మస్తానీ రోజ్

తనదైన అందం నటనతో మంత్రముగ్ధులను చేస్తోంది హనీరోజ్. బాలయ్య - బోయపాటి కాంబో సినిమా 'వీరసింహారెడ్డి' లాంటి బ్లాక్ బస్టర్ లో నటించింది. ఈ సినిమాలో హనీరోజ్ పాత్ర యూత్ కి ఫుల్ కిక్కిచ్చింది. ఎన్బీకే బ్లాక్ బస్టర్ ఇచ్చాక హనీరోజ్ పలు ఇండస్ట్రీలో వరస చిత్రాలకు సంతకాలు చేసింది.

తాజాగా హనీరోజ్ నటించిన 'రేచెల్' ఫస్ట్ లుక్ విడుదలైంది. ఈ చిత్రంలో తన అద్భుతమైన పాత్రతో మరోసారి అభిమానుల్ని ఆకట్టుకునేందుకు సిద్ధమైంది. తాజాగా హనీరోజ్ ఇంటెన్స్ లుక్ ని విడుదల చేయగా అది యువతరంలో హాట్ టాపిక్ గా మారింది. హనీరోజ్ ఈ పోస్టర్ లో రెండు కోణాల్లో కనిపిస్తోంది. టూహాట్ గా కనిపించే మటన్ కొట్టు మస్తానమ్మగా హాటీగా హనీరోజ్ లోని కొత్త కోణం బయటపడింది.

రేచెల్ ఫస్ట్ లుక్ పోస్టర్ లో హనీ రోజ్ రక్తంతో తడిసిన కసాయి కత్తితో కర్కశంగా కనిపిస్తోంది. ఇక నేపథ్యంలో శీతలీకరణ గదిని ఎలివేట్ చేయగా హనీ పక్కనే మృతజీవులుగా పడి ఉన్న జంతు కళేబరాలు కనిపిస్తున్నాయి. ఆవులు గేదెల శిరచ్ఛేధనం క్రూరంగా కనిపిస్తోంది. అలాగే పవిటకొంగు జారిపోయినా కత్తి వాటం చూపిస్తూ హనీ రోజ్ సంథింగ్ స్పెషల్ గా కనిపించింది.

ఈ సినిమాలో భాగమైనందుకు తన ఆనందాన్ని షేర్ చేసింది హనీ రోజ్. సోషల్ మీడియాలో ఫస్ట్ లుక్ పోస్టర్ ను లాంచ్ చేస్తూ సంతోషం వ్యక్తం చేసింది. ''ఒక అద్భుతమైన ఆలోచనను పంచుకుంటున్నాను. నా ఉత్తమమైన వర్క్ ఏమిటో ఇంకా మీరు చూడలేదు! ఇదే సరైన సమయం అని నేను నమ్ముతున్నాను. నా కొత్త పర్సనాలిటీని కలవండి. RACHEL.... అబ్రిడ్ షైన్ అందించిన 'రాచెల్' ఫస్ట్ లుక్ ని విడుదల చేయడం చాలా ఆనందంగా ఉంది! దర్శకుడు ఆనందిని బాలకు తొలి చిత్రమిది. బాదుషా - షినోయ్ మాథ్యూ- అబ్రిడ్ షైన్ లు నిర్మించారు. ఈ ప్రాజెక్ట్ లో భాగమైనందుకు చాలా ఉత్సాహంగా ఉంది!'' అని తెలిపింది.

ప్రముఖ దర్శకనిర్మాత అబ్రిడ్ షైన్ 'రాచెల్' నిర్మాతలలో ఒకరు. ఒక్క పోస్టర్ తోనే గుండెల్లో గుబులు రేపుతున్న హనీరోజ్ తన కెరీర్ లో మరో విలక్షణమైన పాత్రను ఎంపిక చేసుకుందని అర్థమవుతోంది.

ఇంటెన్స్ లుక్ కాకలు పుట్టిస్తోంది. రాహుల్ మనప్పట్ట్ కథను అందించగా .. ఈ చిత్రానికి స్క్రిప్టును రాహుల్ మనప్పట్ట్ - అబ్రిడ్ షైన్ కలిసి రాశారు. అంకిత్ మీనన్ సంగీతం సమకూర్చారు. ఇందులో MR రాజకృష్ణన్ - శ్రీశంకర్- చంద్రు సెల్వరాజ్ తదితరులు నటించారు.