ఇది నిజమైతే సలార్ కు పెద్ద దెబ్బె..

పాన్ ఇండియా నెంబర్ వన్ స్టార్ హీరోగా చక్రం తిప్పుతున్న ప్రభాస్ క్రేజ్ విషయంలో అయితే అసలు తగ్గడం లేదు. టాక్ ఎలా ఉన్నా అతని ప్రతి సినిమాకు కూడా బాక్స్ ఆఫీస్ వద్ద సాలిడ్ కలెక్షన్స్ అయితే అందుతున్నాయి. విడుదలకు ముందు ఎంత నెగిటివ్ టాక్ ఉన్నా కూడా వాటన్నిటిని దాటుకుంటూ సినిమాలు బాక్స్ ఆఫీస్ వద్ద గట్టిగానే ఇంపాక్ట్ చూపిస్తున్నాయి.

ఏమాత్రం పాజిటివ్ టాక్ వచ్చినా కూడా గత మూడు సినిమాలు బాక్స్ ఆఫీస్ వద్ద ఒక రేంజ్ లో రికార్డులను క్రియేట్ చేసేవి అని ఓపెనింగ్స్ చూస్తేనే చెప్పవచ్చు. అయితే ఇప్పుడు రాబోయే సలార్ సినిమా మాత్రం అంతకుమించి అనేలా సక్సెస్ అవుతుంది అని ఫాన్స్ లో ఒక నమ్మకం అయితే ఉంది. ట్రైలర్ పై కాస్త నెగిటివ్ టాక్ వచ్చినప్పటికీ కూడా తప్పకుండా స్క్రీన్ పై ప్రభాస్ ఆశ్చర్యపరిచే విధంగా దర్శనం ఇస్తాడు అని ఆశతో ఉన్నారు.

ఎందుకంటే దర్శకుడు ప్రశాంత్ నీల్ కేజిఎఫ్ సినిమాలో హీరోను ఏ రేంజ్ లో ఎలివేట్ చేశాడో ప్రత్యేకంగా చెప్పనవసరం లేదు. తప్పకుండా ప్రభాస్ ను కూడా అంతే బలంగా చూపిస్తాడు అని నమ్ముతున్నారు. ఇక ఇప్పటికే ప్రమోషన్స్ చేసిన చిత్ర యూనిట్ త్వరలోనే ప్రభాస్ ను కూడా రంగంలోకి దింపుతుంది అని మొన్నటి వరకు అందరూ అనుకున్నారు.

కానీ ఇప్పుడు ఒక టాక్ అయితే ఫ్యాన్స్ ను కంగారు పెడుతోంది. అది ఎంతవరకు నిజమనేది తెలియదు కానీ సలార్ ప్రమోషన్స్ లో ప్రభాస్ కనిపించకపోవచ్చు అని ఒక న్యూస్ ఇప్పుడు వైరల్ అవుతుంది. గతంలో ఆదిపురుష్ సినిమాకు ఎలాగైతే ఫ్రీ రిలీజ్ ఈవెంట్ చేసి విదేశాలకు వెళ్లిపోయాడో ఇప్పుడు కూడా అదే తరహాలో ప్రభాస్ సలార్ ఈవెంట్ లో పాల్గొని సైలెంట్ అయ్యే అవకాశం ఉన్నట్లుగా తెలుస్తోంది.

ప్రమోషనల్ ఇంటర్వ్యూలు కూడా పెద్దగా చేసే అవకాశం లేదట. ప్రభాస్ మిగతా సినిమా షూటింగులతోనే ఎక్కువగా బిజీగా ఉండే ఛాన్స్ ఉన్నట్లుగా తెలుస్తోంది. ఈ విషయంపై చిత్ర నిర్మాణ సంస్థ వీలైనంత త్వరగా క్లారిటీ ఇస్తే బాగుంటుంది. ఇక ప్రభాస్ మాత్రం ప్రమోషన్స్ చేయకపోతే పాన్ ఇండియా మార్కెట్లో మాత్రం బాక్సాఫీస్ పై ఎంతోకొంత ప్రభావం చూపుతుంది.