ఇంద్ర రీ రిలీజ్.. బాక్సాఫీస్ వద్ద అదే ఊచకోత

రీరిలీజ్ ట్రెండ్ గత కొంతకాలంగా మరల జోరుగా సాగుతోంది. సూపర్ స్టార్ మహేష్ బాబు మురారి సినిమాని 4Kలో రీరిలీజ్ చేస్తే అద్భుతమైన రెస్పాన్స్ వచ్చింది. వరల్డ్ వైడ్ గా ఈ సినిమా 9 కోట్ల గ్రాస్ కలెక్షన్స్ సొంతం చేసుకున్నట్లు టాక్ వినిపిస్తోంది. కొన్ని సినిమాల రీరిలీజ్ రికార్డ్ ని కూడా మురారి బ్రేక్ చేసింది. దీంతో మరల ఈ పాత సినిమాలకి ప్రేక్షకాదరణ పెరిగిందనే విషయంపై డిస్టిబ్యూటర్స్ కి కూడా క్లారిటీ వచ్చింది.

దీంతో మెగాస్టార్ చిరంజీవి బ్లాక్ బస్టర్ మూవీ ఇంద్ర సినిమాని ఆయన బర్త్ డే సందర్భంగా ఆగష్టు 22న రీరిలీజ్ చేశారు. ఈ సినిమాకి ప్రమోషన్స్ కూడా గట్టిగానే చేశారు. మెగాస్టార్ చిరంజీవి పుట్టినరోజు కానుకగా వచ్చిన సినిమా కావడంతో ఫ్యాన్స్ నుంచి అనూహ్య స్పందన వచ్చింది. ఆ ఇంపాక్ట్ సినిమా కలెక్షన్స్ లో స్పష్టంగా కనిపించింది. మెగాస్టార్ చిరంజీవి కూడా ఇంద్ర మూవీ తనకెంతో ప్రత్యేకమైన సినిమా అంటూ వీడియో రిలీజ్ చేశారు.

దీంతో ఈ సినిమాకి ఒక్కసారిగా అద్భుతమైన ఆదరణ లభించింది. వాల్తేరు వీరయ్య తర్వాత మెగాస్టార్ నుంచి వచ్చిన భోళా శంకర్ డిజాస్టర్ అయ్యింది. దీంతో మెగా ఫ్యాన్స్ కూడా మెగా మూవీని థియేటర్స్ లో చూడాలని ఆసక్తిగా ఎదురుచూస్తున్నారు. ఇలాంటి సమయంలో ఇంద్ర మూవీ 4Kలో రీరిలీజ్ కావడంతో సూపర్ రెస్పాన్స్ వచ్చింది. మొదటి రోజే ఈ సినిమా ఏకంగా 3.05 కోట్ల కలెక్షన్స్ ని అందుకున్నట్లు చిత్ర పోస్టర్ రిలీజ్ చేశారు.

మెగా మాస్ హిస్టీరియా రిటర్న్స్ ఇన్ థియేటర్స్ అంటూ కలెక్షన్ పోస్టర్ ని ట్విట్టర్ లో పోస్ట్ చేశారు. మరో రెండు రోజుల్లో ఈ మూవీ భారీ కలెక్షన్స్ ని అందుకోవడం గ్యారెంటీ అని ఫ్యాన్స్ భావిస్తున్నారు. ఖుషి కలెక్షన్స్ రికార్డ్ ని కూడా ఇంద్ర బ్రేక్ చేస్తుందని అంచనా వేస్తున్నారు. దీని తర్వాత సెప్టెంబర్ 2న పవన్ కళ్యాణ్ బర్త్ డే సందర్భంగా గబ్బర్ సింగ్ మూవీని 4Kలో రిలీజ్ చేయబోతున్నారు.

ఈ సినిమాకి అదిరిపోయే రెస్పాన్స్ రావడం గ్యారెంటీ అని మెగా, పవర్ స్టార్స్ అంచనా వేస్తున్నారు. ఇంద్ర మూవీకి వచ్చిన ఆదరణ చూస్తూ ఉంటే మెగాస్టార్ క్రేజ్ ఏ రేంజ్ లో ఉందొ అర్థం చేసుకోవచ్చు. ఇక 2025 సంక్రాంతి కానుకగా పాన్ ఇండియా మూవీ విశ్వంభర రిలీజ్ కానుంది. మరి ఆ సినిమాతో మెగాస్టార్ ఎలాంటి రికార్డులను క్రియేట్ చేస్తాడో చూడాలి.