కియరా ఎక్కడ తేడా కొడుతుంది..?

బాలీవుడ్ భామ కియరా అద్వాని కెరీర్ లో తన దూకుడు తగ్గించింది. కెరీర్ మొదట్లోనే ఒక రేంజ్ లో పాపులారిటీ సంపాదించి ఇటు సినిమాలు అటు వెబ్ సీరీస్ లు చేస్తూ వచ్చిన అమ్మడు ఇప్పుడు సినిమాలైతే చేస్తుంది కానీ అందుకు తగిన రేంజ్ లో డిమాండ్ ని పొందట్లేదు. కియరా బాలీవుడ్ తో పాటు సౌత్ సినిమాల్లో కూడా నటించింది. ముఖ్యంగా మహేష్ బాబుతో భరత్ అనే నేను చేసింది. ఆ నెస్ట్ చరణ్ తో వినయ విధేయ రామ, గేమ్ ఛేంజర్ చేసింది.

ఐతే గేమ్ ఛేంజర్ సినిమా వర్క్ అవుట్ అయితే అమ్మడి లెక్క వేరేలా ఉండేది. కానీ అది అంచనాలను అందుకోకపోవడం వల్ల ఎఫెక్ట్ అమ్మడి మీద పడింది. లాస్ట్ ఇయర్ ఒక్క సినిమా కూడా రిలీజ్ కాలేదు. ఈ ఇయర్ మొదట్లోనే గేమ్ ఛేంజర్ షాక్ ఇవ్వడంతో కియరా కెరీర్ డైలమాలో పడింది. ఐతే కియరా నెక్స్ట్ చేస్తున్న సినిమాలు మాత్రం అదిరిపోనున్నాయి. హృతిక్ రోషన్, ఎన్టీఆర్ కలిసి చేస్తున్న వార్ 2 లో ఛాన్స్ పట్టేసిన అమ్మడు యష్ టాక్సిక్ లో కూడా నటిస్తుంది.

ఈ రెండు సినిమాలు ఈ ఇయర్ రిలీజ్ ప్లాన్ లో ఉన్నాయి. టాక్సిక్ వచ్చినా రాకపోయినా వార్ 2 మాత్రం కచ్చితంగా వస్తుంది. ఐతే ఈ సినిమాలతో కియరా కూడా తిరిగి ఫాంలోకి రావాలని చూస్తుంది. సినిమాలు చేస్తున్నా కియరా మీద ఆడియన్స్ గురి కలగట్లేదు అంటే అమ్మడు అన్ లక్కీ అని చెప్పొచ్చు. అందుకే ఇప్పుడు గేర్ మార్చి వరుస ఫోటో షూట్స్ తో కూడా వావ్ అనిపించేయాలని ఫిక్స్ అయ్యింది అమ్మడు.

వార్ 2, టాక్సిక్ రిజల్ట్ బట్టే కియరా కెరీర్ ఆధారపడి ఉంటుంది. కెరీర్ మీద ఇంకాస్త ఫోకస్ పెట్టి తన సత్తా చాటాలని చూస్తున్న కియరాకు కాస్త లక్ తోడైతే మాత్రం మళ్లీ అమ్మడు టాప్ లీగ్ లోకి వచ్చేస్తుందని చెప్పొచ్చు. రాబోయే సినిమాలతో అయినా కియరాకి కలిసి రావాలని ఆమె ఫాలోవర్స్ కూడా కోరుతున్నారు. వారి ప్రార్ధనలు అమ్మడిని తిరిగి హిట్ ట్రాక్ ఎక్కేలా చేస్తాయా లేదా అన్నది చూడాలి.