యుద్ధంలో ఇజ్రాయెల్‌కు మద్దతుగా వండ‌ర్ ఉమెన్

వండ‌ర్ఉమెన్ గా త‌న‌దైన అందం, ప్ర‌తిభ‌తో ప్ర‌పంచ‌వ్యాప్తంగా భారీ ఫాలోయింగ్ సంపాదించింది గాల్ గాడోట్. ప్ర‌స్తుతం త‌న స్వ‌దేశం ఇజ్రాయెల్‌లో జరుగుతున్న మెరుపు దాడులపై వండర్ వుమన్ స్టార్ గాల్ గాడోట్ స్పందించారు. పాలస్తీనా టెర్రర్ గ్రూప్ హమాస్ ఇజ్రాయెల్‌పై దాడి చేసిన తర్వాత, గాల్ గాడోట్ ఇన్‌స్టాగ్రామ్‌లో సుదీర్ఘమైన నోట్‌ను షేర్ చేసారు. హమాస్‌ దాడుల నేపథ్యంలో గాల్‌ గాడోట్‌ ఇజ్రాయెల్‌కు మద్దతుగా నిలిచారు. తన సోషల్ మీడియా హ్యాండిల్‌లో ఐ స్టాండ్ విత్ ఇజ్రాయెల్ అనే పోస్ట్‌ను షేర్ చేసారు. దీనికి అభిమానుల నుంచి మ‌ద్ధ‌తు ల‌భించింది.

పోస్ట్‌తో పాటు క్యాప్షన్‌లో గాల్ ఇలా రాసింది, ''పాలస్తీనా మిలిటరీ గ్రూప్ హమాస్.. దాష్ఠీకంతో 'గాజా'లో కనీసం 250 మంది ఇజ్రాయెలీలు హత్యకు గుర‌య్యారు. 1500 మందికి పైగా గాయపడ్డారు. డజన్ల కొద్దీ మహిళలు పిల్లలు పెద్దలు బందీలుగా ఉన్నారు. తెల్లవారుజామున 3000 కంటే ఎక్కువ రాకెట్లతో దాడికి దిగారు. హమాస్ తీవ్ర‌వాద సంస్థ‌ ప్ర‌జ‌ల‌ను బందీలుగా ఉంచుకుని, ఇజ్రాయెల్‌లో స్థావరాలను , నివాసాలను నియంత్రిస్తోంది. ఇక్క‌డ‌ భారీ పోరాటాలు ఇప్పటికీ కొనసాగుతున్నాయి. నేను వారి గొంతులను వింటున్నాను. వారు తలుపులు కొట్టారు. నేను నా ఇద్దరు చిన్న పిల్లలతో ఉన్నాను. నా గుండె నొప్పిగా ఉంది.. బాధలో ఉన్న వారందరి కోసం ప్రార్థిస్తున్నాను'' అని తీవ్ర ఆవేద‌న‌ను వ్య‌క్తం చేసారు. ఒక ప్రత్యేక పోస్ట్‌లో గాల్ వ్యాఖ్యానిస్తూ... ''నేను ఇజ్రాయెల్‌తో ఉన్నాను. మీరు కూడా నాతో నిలబడాలి. ఈ భయానక చర్యలు జరుగుతున్నప్పుడు ప్రపంచం కంచె మీద కూర్చోదు!'' అని వ్యాఖ్యానించారు.

ఇజ్రాయేల్ అమ్మాయి ఘ‌న‌త‌...

గాల్ గాడోట్ 30 ఏప్రిల్ 1985న జన్మించారు. ఇజ్రాయెలీ నటి కం మోడల్. ఆమె మిస్ ఇజ్రాయెల్ 2004 కిరీటాన్ని గెలుపొందింది. మిస్ యూనివర్స్ 2004 పోటీలో తన దేశానికి ప్రాతినిధ్యం వహించింది. ఆ తర్వాత ఆమె ఇజ్రాయెల్ డిఫెన్స్ ఫోర్సెస్‌లో పోరాట ఫిట్‌నెస్ శిక్షకురాలిగా రెండు సంవత్సరాలు పనిచేసింది. ఆ తర్వాత ఆమె మోడలింగ్- నటనా వృత్తిని నిర్మించుకుంటూ IDC హెర్జ్లియాలో చదువుకోవడం ప్రారంభించింది. గాల్ మొదటి అంతర్జాతీయ చలనచిత్ర ప్రదర్శన ఫాస్ట్ & ఫ్యూరియస్ (2009)లో గిసెల్ యాషర్ పాత్రలో నటించింది. ఈ భాగాన్ని ఆమె అనేక సీక్వెల్స్‌లో పునరావృతం చేసింది. బాట్‌మ్యాన్ v సూపర్‌మ్యాన్: డాన్ ఆఫ్ జస్టిస్ (2016) - వండర్ వుమన్ (2017) సహా DC ఎక్స్‌టెండెడ్ యూనివర్స్ చిత్రాలలో వండర్ వుమన్ పాత్ర పోషించినందుకు గాడోట్ గ్లోబల్ స్టార్‌డమ్ సాధించింది. అప్పటి నుండి ఆమె నెట్‌ఫ్లిక్స్ యాక్షన్-కామెడీ చిత్రం రెడ్ నోటీసు (2021) - మిస్టరీ చిత్రం డెత్ ఆన్ ది నైల్ (2022)లో నటించింది.

2018లో టైమ్ ద్వారా ప్రపంచంలోని అత్యంత ప్రభావవంతమైన 100 మంది వ్యక్తుల జాబితాలో గాడోట్ చేరింది. ప్రపంచంలో అత్యధికంగా సంపాదిస్తున్న నటీమణుల వార్షిక ర్యాంకింగ్స్‌లో రెండుసార్లు స్థానం సంపాదించింది. ఇటీవ‌లి కెరీర్ మ్యాట‌ర్ కి వ‌స్తే.. గాల్ గాడోట్ చివరిసారిగా స్పై థ్రిల్లర్ 'హార్ట్ ఆఫ్ స్టోన్‌'లో కనిపించారు. ఇది స్ట్రీమింగ్ దిగ్గజం నెట్‌ఫ్లిక్స్‌లో ప్రదర్శిత‌మైంది. ఈ చిత్రంలో జామీ డోర్నన్, అలియా భట్ త‌దిత‌రులు నటించారు. ఆలియాకు హాలీవుడ్ అరంగేట్ర చిత్ర‌మిది.