సమంత సర్ ప్రైజ్ ఇదేనా.. అందుకే చేతిలో అలా..

స్టార్ హీరోయిన్ సమంత స్పెషల్ సర్ప్రైజ్ ఇవ్వనున్నానంటూ ఇన్ స్టాగ్రామ్ లో పెట్టిన పోస్ట్ ఎంతటి వైరల్ అయిందో అందరికీ తెలిసిందే. నెటిజన్లు సామ్ అప్డేట్ గురించి ఫుల్ డిస్కస్ చేసుకున్నారు. కొత్త సినిమా లేదా వెబ్ సిరీస్ కు సంబంధించిన ఓ అప్డేట్ ఇస్తుందని ఫ్యాన్స్ కామెంట్లు పెట్టారు. అదే సమయంలో పర్సనల్ లైఫ్ కు చెందిన విషయాన్ని షేర్ చేసుకుంటుందని నెటిజన్లు అన్నారు. కానీ వాటన్నింటికీ తెరదించుతూ ఊహించని విధంగా కొత్త ప్రకటన చేసింది సమంత.

వరల్డ్ పికిల్ బాల్ లీగ్ లో చెన్నై ఫ్రాంచైజీని కొనుగోలు చేసినట్లు సామ్ తెలిపింది. చెన్నై టీమ్ కు ఓనర్ గా ఉండటం చాలా ఆనందంగా ఉందని చెప్పింది. ఈ విషయాన్ని సోషల్ మీడియాలో వెల్లడించింది. న్యూ బిగినింగ్ అంటూ హ్యాష్ ట్యాగ్ కూడా యాడ్ చేసింది. దీంతో సమంత పోస్ట్ ప్రస్తుతం నెట్టింట వైరల్ గా మారింది. ఆల్ ది బెస్ట్ అంటూ నెటిజన్లు కామెంట్లు పెడుతున్నారు. టెన్నిస్‌, టేబుల్‌ టెన్నిస్‌, బ్యాడ్మింటన్‌ లాగానే ఉంటుంది పికిల్‌ బాల్‌ గేమ్‌ కూడా.

అంతకుముందు సమంతకు సంబంధించిన ఓ వీడియో నెట్టింట చక్కర్లు కొట్టింది. అందులో సామ్ డెనిమ్ జీన్స్, పోలో టీ షర్ట్ వేసుకుని కనిపించింది. బ్లాక్ కలర్ స్పెక్ట్స్ పెట్టుకుని క్యూట్ గా సందడి చేసింది. ఆమె టీ షర్ట్ పై లోగో ఉన్నా.. క్లియర్ గా అర్థం కాలేదు. చేతిలో పికిల్ బాల్ మాత్రం ఉంది. దాంతో ఆడుకుంటూ నడుస్తూ కనిపించింది. ఆ వీడియో ఏ ఈవెంట్ కు సంబంధించిందో అప్పుడు క్లారిటీ రాలేదు. ఇప్పుడు సామ్ పోస్ట్ తో అర్థమైంది. పికిల్ బాల్ ఈవెంట్ లోనిదే ఆ వీడియో.

అయితే కొంత కాలం క్రితం సమంత మయోసైటిస్ బారినపడింది. యశోద సినిమా టైమ్ తో తాను మయోసైటిస్ బారిన పడ్డట్టు ప్రకటించింది. ఆ సినిమా పూర్తి చేసి వ్యాధికి తగ్గట్టు చికిత్స తీసుకుంది. ఆ తర్వాత టాలీవుడ్ స్టార్ హీరో విజయ్ దేవరకొండతో ఖుషీ సినిమా చేసింది. ప్రియాంక చోప్రా సిటాడెల్ సిరీస్ ఇండియన్ వెర్షన్ సిటాడెల్: హనీ బన్నీ వెబ్ సిరీస్ లో వరుణ్ ధావన్ కు జోడీగా యాక్ట్ చేసింది. ఆ రెండు ప్రాజెక్టులను పూర్తి చేసి మళ్లీ విదేశాలకు వెళ్లిపోయింది.

కొన్ని నెలల తర్వాత ఇటీవల తిరిగొచ్చింది. తాను సినిమాలు చేసేందుకు రెడీగా ఉన్నట్లు తెలిపింది. ఇప్పుడు కెరీర్ లో మళ్లీ బిజీ అయ్యేందుకు ట్రై చేస్తోంది. త్వరలోనే అమెజాన్‌ ప్రైమ్‌ వీడియో ఓటీటీలో సిటాడెల్ సిరీస్ తో సందడి చేయనుంది. ఆ సిరీస్ పై ఫ్యాన్స్ తో పాటు ఆడియన్స్ లో మంచి అంచనాలు నెలకొన్నాయి. నవంబర్ 7వ తేదీ నుంచి స్ట్రీమింగ్ కానుంది. రీసెంట్ గా తన బర్త్ డే నాడు.. మా ఇంటి బంగారం సినిమాను అనౌన్స్ చేసింది. మరి ఈ మూవీ ఎప్పుడు రిలీజ్ అవుతుందో వేచి చూడాలి.