ఫేస్ టూ ఫేస్ ఇలా క‌డిగేసాడేంటి?
ఇంత వ‌ర‌కూ జాన్ అబ్ర‌హంకి ఇలాంటి ప్ర‌శ్న ఎదురైన‌ట్లు లేదు? అందుకే అస‌హనాన్ని వ్య‌క్తం చేసిన‌ట్లు నెటి జ‌నులు అభిప్రాయ‌ప‌డుతున్నారు.
బాలీవుడ్ యాక్ష‌న్ స్టార్ జాన్ అబ్ర‌హం సినిమాల గురించి చెప్పాల్సిన ప‌నిలేదు. యాక్ష‌న్ చిత్రాల‌కు జాన్ ఓ బ్రాండ్ అంబాసిడ‌ర్. బాలీవుడ్ లో యాక్ష‌న్ స్టార్లు చాలా మంది ఉన్నారు. హృతిక్ రోష‌న్, స‌ల్మాన్ ఖాన్, అమీర్ ఖాన్, షారుక్ ఖాన్ఇలా చాలా పెద్ద జాబితానే ఉంది. కానీ ఇలా ఎంత మంది ఉన్నా జాన్ అబ్ర‌హం యాక్ష‌న్ సినిమా అంటే మార్కెట్ లో ఓ బ్రాండ్ గా వెలిగిపోతుంది.
అందుకే జాన్ యాక్ష‌న్ జాన‌ర్ వ‌ద‌ల‌కుండా చేస్తుంటాడు. తాజాగా నిఖిల్ అద్వానీ ద‌ర్శ‌క‌త్వంలో' వేద' అనే సినిమా చేస్తున్నాడు. ఇటీవ‌లే ముంబైలో ఈ సినిమా ట్రైల‌ర్ రిలీజ్ జ‌రిగింది. అయితే ఈ ట్రైల‌ర్ సాక్ష్యంగానే ఓ పాత్రికేయుడు జాన్ అబ్ర‌హంని క‌డిగేసే ప్ర‌య‌త్నంచేసాడు. ఎప్పుడు ఒకే త‌ర‌హా యాక్ష‌న్ సినిమాలు చేస్తారు? కొత్త‌గా ఎందుకు ట్రై చేయ‌డం లేదు? అని అంద‌రి ముందు జాన్ ని అడిగేసాడు.
దీంతో జాన్ అబ్ర‌హం బాగా ఫీల‌య్యాడు. 'ఇదొక చెత్త సినిమా అని నేను అనొచ్చా? మీరు మా సినిమా చూసారా? చూసిన త‌ర్వాత మాట్లాడండి. ఈ సినిమా చాలా భిన్న‌మైన క‌థాంశంతో తెర‌కెక్కింది. ప్రేక్ష‌కుల‌కు కొత్త అనుభూతిని అందిస్తుంది. నా న‌ట‌న ఇంటెన్స్ గా ఉటుంది. మీరింకా సినిమా చూడ‌లేదు. కాబ‌ట్టి చూసిన త‌ర్వాత మాట్లాడండి' అనేసాడు. దీంతో ఆ జ‌ర్న‌లిస్ట్ కి సౌండ్ లేదు.
ఇంత వ‌ర‌కూ జాన్ అబ్ర‌హంకి ఇలాంటి ప్ర‌శ్న ఎదురైన‌ట్లు లేదు? అందుకే అస‌హనాన్ని వ్య‌క్తం చేసిన‌ట్లు నెటి జ‌నులు అభిప్రాయ‌ప‌డుతున్నారు. ఈ సినిమాలో శార్వ‌రీ వాఘ్, త‌మ‌న్నా, అభిషేక్ బెన‌ర్జీ కీల‌క పాత్ర‌లు పోషిస్తున్నారు. జీస్టూడియోస్-ఎమ్మి ఎంట‌ర్ టైన్ మెంట్స్ సంయుక్తంగా నిర్మిస్తున్నాయి. ఆగ‌స్టు 15న సినిమా విడుద‌ల కానుంది.