సూపర్ హిట్ కాంబోలో మరో సినిమా..?

టాలెంట్ ని ఒడిసి పట్టడంలో ఒక్కొక్కరిది ఒక్కో స్టైల్ ఉంటుంది. అందులో నందమూరి హీరో కళ్యాణ్ రామ్ కి ఎదుటి మనిషిలో ప్రతిభ ఉందని గుర్తించే కెపాసిటీ ఉంటుంది. అందుకే అతను ఛాన్స్ ఇచ్చిన డైరెక్టర్స్ అంతా కూడా స్టార్ డైరెక్టర్స్ గా మారుతున్నారు. అతనొక్కడే సినిమా తో సురేందర్ రెడ్డిని ఇచ్చినట్టుగా 10 ఏళ్ల క్రితం పటాస్ తో అనిల్ రావిపూడిని ఇచ్చారు కళ్యాణ్ రామ్. ఇక బింబిసారా తో వశిష్ట అంటూ మరో కొత్త టాలెంట్ ని పరిచయం చేశారు. ఆ సినిమా సక్సెస్ అవ్వడమే కాదు తొలి సినిమా ఇంత బాగా ఎలా తీశాడని అనుకునేలా చేశాడు.

బింబిసారా తో డైరెక్టర్ వశిష్టలో టాలెంట్ గుర్తించిన మెగాస్టార్ చిరంజీవి రెండో సినిమానే తనని డైరెక్షన్ చేసే ఛాన్స్ ఇచ్చాడు. వశిష్ట, చిరంజీవి కలిసి విశ్వంభర సినిమా చేస్తున్నారు. షూటింగ్ పూర్తైన ఈ సినిమా పోస్ట్ ప్రొడక్షన్ వర్క్ జరుగుతుంది. ఐతే ఈ సినిమా తర్వాత వశిష్ట మళ్లీ కళ్యాణ్ రాం తోనే సినిమా చేస్తారని టాక్ వినిపిస్తుంది.

అసలైతే గ్లోబల్ స్టార్ రామ్ చరణ్ కి కూడా వశిష్ట కథ రెడీ చేయగా చరణ్ తో సినిమా అంటే మరో ఐదేళ్లు వెయిట్ చేయక తప్పదని తెలుసుకుని మళ్లీ తనకు మొదటి సినిమా ఛాన్స్ ఇచ్చిన కళ్యాణ్ రామ్ తోనే సినిమా చేసే ప్లాన్ లో ఉన్నాడట వశిష్ట. ఐతే బింబిసారా 2 చేస్తారని కొన్నాళ్లుగా డిస్కషన్ వినిపిస్తున్నా వాళ్లిద్దరు మళ్లీ కలిసి బింబిసారా 2 చేస్తారా లేదా మరో సినిమా చేస్తారా అన్నది తెలియాల్సి ఉంది.

విశ్వంభర సినిమా కూడా విజువల్ గ్రాండియర్ గా భారీ అంచనాలతో రాబోతుంది. ఈ సినిమా విషయంలో మేకర్స్ చాలా కాన్ఫిడెంట్ గా ఉన్నారు. ఒకవేళ చిరంజీవి సినిమా తర్వాత వశిష్ట కళ్యాణ్ రాం తో సినిమా చేస్తే మాత్రం ఆ సినిమా నెక్స్ట్ లెవెల్ లో ఉంటుందని చెప్పొచ్చు. ప్రస్తుతం కళ్యాణ్ రాం ప్రదీప్ డైరెక్షన్ లో సినిమా చేస్తున్నాడు. అది పూర్తయ్యాక కానీ నెక్స్ట్ సినిమా అప్డేట్ వచ్చే ఛాన్స్ ఉంది. ఐతే కళ్యాణ్ రాం వశిష్ట సినిమా ఫిక్స్ అయితే మాత్రం నందమూరి ఫ్యాన్స్ సూపర్ హ్యాపీ అని చెప్పొచ్చు.