క్వీన్ ప‌రిస్థితి కూడా ఆ హీరోలాగే ఉందే!

కిలాడీ అక్ష‌య్ కుమార్ ప్లాప్ ల ప‌రంప‌ర గురించి కొత్త‌గా చెప్పాల్సిన ప‌నిలేదు. ఈ మ‌ధ్య కాలంలో రిలీజ్ అయిన సినిమాల‌న్నీ డిజాస్ట‌ర్ల‌గానే క‌నిపిస్తున్నాయి. ఒక‌దానికొక‌టి పోటీ ప‌డి మ‌రి ఫెయిల‌వుతున్నాయి. దీంతో అక్ష‌య్ కుమార్ కూడా ఒకానొక ద‌శ‌లో తీవ్ర నిరుత్సాహానికి గుర‌య్యాడు. అయినా ఉత్సాహాన్ని నింపుకుని ముందుకెళ్తున్నాడు. కొత్త ఏడాదిలో నైనా విజ‌యం ద‌క్క‌క‌పోతాదా అని ఎంతో ఆశ‌గా ఎదురు చూస్తున్నాడు.

స‌రిగ్గా ఇదే పరిస్థితిలో క‌నిపిస్తుంది క్వీన్ కంగ‌నా ర‌నౌత్ కూడా. బాలీవుడ్ లో అమ్మ‌డి పరిస్థితి కూడా స‌రిగ్గా లేదు. వ‌రుస వైఫ‌ల్యాల‌తో అమ్మ‌డు ఇబ్బంది ప‌డుతోంది. ద‌శాబ్ధ కాలంలో అమ్మ‌డి కెరీర్ లో స‌రైన హిట్ ఒక్క‌టీ లేదు. `త‌ను వెడ్స్ మ‌ను రిట‌ర్న్స్ `త‌ర్వాత 11 సినిమాలు చేసింది. వాటిలో `మ‌ణిక‌ర్ణిక` బిలో యావ‌రేజ్ గా ఆడింది. జాన్సీ రాణి బ‌యోపిక్ కావ‌డంతోనే ఆ మాత్ర‌మైనా బ‌జ్ తో రిలీజ్ అయింది.

మిగిలిన చిత్రాల ఫ‌లితాల‌న్ని షాకింగ్ గానే అనిపిస్తున్నాయి. 'ఐల‌వ్ ఎన్వై', 'క‌ట్టిబ‌ట్టి', 'రంగూన్', 'జ‌డ్జిమెంట‌ల్ హై క్యా','పంగ్', 'త‌లైవీ','ధాక‌డ్', 'టికు వెడ్స్ షేర్', 'చంద్ర‌ముఖి-2', 'తేజస్', ఇటీవ‌ల రిలీజ్ అయిన 'ఎమ‌ర్జెన్సీ' ఇవ‌న్నీ ఎలాంటి ఫ‌లితాల సాధించాయో తెలిసిందే. పెట్టుబ‌డి కూడా రిక‌వ‌రీ తేలేని చిత్రాలుగా మిగిలిపోయాయి. అయితే ఈ వైఫ‌ల్యాలేవి కంగ‌న ఇమేజ్ ని ప్ర‌భావితం చేయ‌లేదు. వ‌రుస ఫెయిల్యూర్ త‌ర్వాత కంగ‌న నుంచి మ‌రో చిత్రం రిలీజ్ అవుతుందంటే బ‌జ్ ఏమాత్రం త‌గ్గ‌లేదు.

భారీ అంచనాల మ‌ధ్య ఆ సినిమా రిలీజ్ అవుతుంది. ఓపెనింగ్స్ భారీగానే వ‌స్తున్నాయి. అలాగే వీటిలో కంగ‌న చేసిన కొన్ని మంచి ప్ర‌య‌త్నాలున్నాయి. వాస్త‌వ సంఘ‌ట‌న‌లు ఆధారంగా కొన్ని, బ‌యోపిక్ లు కొన్ని చేసింది. క‌నీసం అవైనా స‌క్సెస్ అయి ఉంటే? కంగ‌న స్టార్ డ‌మ్ కి క‌లిసొచ్చేది. కంగ‌న బ‌లంగా న‌మ్మి చేసిన చిత్రాలు కూడా ఊహించ‌ని దెబ్బ కొట్టాయి. దీంతో కంగ‌న ఇప్పుడు అంతే వేగంగా బౌన్స్ బ్యాక్ అవ్వాల్సిన అవ‌స‌రం ఏర్ప‌డింది.