కేర‌ళ‌లో దుమ్ము దులిపేస్తున్న మ‌మ్ముట్టి సినిమా
కేర‌ళ‌లో జ‌రిగిన య‌దార్థ సంఘ‌ట‌న‌ల ఆధారంగా రూపొందిన సినిమా 'క‌న్నూర్ స్క్వాడ్‌'. మ‌మ్ముట్టి న‌టించి ఈ మూవీని నిర్మించారు.
మ‌మ్ముట్టి..మ‌ల‌యాళంలో మెగాస్టార్‌. అయినా స‌రే ఇప్ప‌టికీ విభిన్న‌మైన క‌థ‌ల‌తో స‌రికొత్త సినిమాల‌తో ఎప్ప‌టిక‌ప్పుడు ప్రేక్ష‌కుల్ని ఎంట‌ర్‌టైన్ చేయాల‌ని ప్ర‌య‌త్నిస్తున్నారు. స‌క్సెస్ అవుతున్నారు. అప్పుడ‌ప్పుడు తెలుగులోనూ 'యాత్ర', ఏజెంట్ వంటి సినిమాల్లో మెరుస్తూ తెలుగు ప్రేక్ష‌కుల్ని సైతం అల‌రిస్తున్న మ‌మ్ముట్టి తాజాగా ఓ క్రైమ్ థ్రిల్ల‌ర్‌తో ప్రేక్ష‌కుల ముందుకొచ్చారు. కేర‌ళ‌లో జ‌రిగిన య‌దార్థ సంఘ‌ట‌న‌ల ఆధారంగా రూపొందిన సినిమా 'క‌న్నూర్ స్క్వాడ్‌'. మ‌మ్ముట్టి న‌టించి ఈ మూవీని నిర్మించారు.
రాబీ వ‌ర్గీస్ రాజ్ ద‌ర్శ‌కత్వం వ‌హించిన ఈ సినిమాని రియ‌ల్ లైఫ్ క్రైమ్ యాక్ష‌న్ థ్రిల్ల‌ర్‌గా తెర‌కెక్కించారు. సెప్టెంబ‌ర్ 28న విడుద‌లైన ఈ సినిమా అక్క‌డ సంచ‌ల‌న విజ‌యాన్ని సొంతం చేసుకుని మ‌మ్ముట్టి కెరీర్‌లో మరో బ్లాక్ బ‌స్ట‌ర్ హిట్‌గా నిలిచింది. నిజ జీవిత సంఘ‌ట‌న‌ల స్ఫూర్తితో రూపొందిన ఈ సినిమా ర‌న్ టైమ్ 160 నిమిషాలు. సుధీర్ఘ ర‌న్ టైమ్ ఉన్న‌ప్ప‌టికీ ఏ విష‌యంలోనూ ప్రేక్ష‌కుల‌ని నిరుత్సాహ‌ప‌ర‌చ‌దు.
ఆద్యంతం ఆస‌క్తిక‌ర‌మైన కథ, క‌థ‌నాల‌తో సాగుతూ క్రైమ్ ఇన్వేస్టిగేటివ్ థ్రిల్ల‌ర్‌ల‌లో అత్యంత ప్ర‌జాదార‌ణ పొందుతూ బాక్సాఫీస్ వ‌ద్ద కలెక్ష‌న్‌ల సునామీని సృష్టిస్తోంది. సెకండ్ హాఫ్‌లో రెగ్యుల‌ర్ హీరోయిజానికి పూర్తి భిన్నంగా మ‌మ్ముట్టి పాత్ర‌ని చూపించిన తీరు ప్రేక్ష‌కుల‌కు ఓ ఫ్రెష్ సినిమాని చూస్తున్న ఫీల్‌ని క‌లిగిస్తుంది. రెగ్యుల‌ర్ హీరోయిజం, హై రేంజ్ బిల్డ‌ప్ షాట్లు, రొమాంటిక్ సీన్‌లు వంటివి ఏవీ లేకుండా సినిమాటిక్ ఫార్మాట్‌కి పూర్తి భిన్నంగా ఈ సినిమాని రూపొందించారు. అదే ఈ సినిమాకు ప్ర‌త్యేక ఆకర్ష‌ణ‌గా నిలిచింది.
సినిమాలో చెప్పుకోద‌గ్గ లోపాలున్నా అవన్నీ కథ, క‌థ‌నాల ముందు తేలిపోయాయి. ఇక 72 ఏళ్ల వ‌య‌సులో ఇన్వేస్టిగేటివ్ ఆఫీస‌ర్‌గా మార్టిన్ జార్జ్ పాత్ర‌లో మ‌మ్ముట్టి క‌న‌బ‌రిచిన అభిన‌యం అద్భుతం అనిపించ‌క మాన‌దు.
ఇక నిర్మాణం ప‌రంగా ఈ సినిమాని త‌క్కువ బ‌డ్జెట్‌లో చేసినా ఓ బెంచ్ మార్క్‌ని సెట్ చేశారు. ద‌ర్శ‌కుడు రాబీ వ‌ర్గీస్ రాజ్‌కిది తొలి సినిమానే అయినా ఎక్క‌డా త‌డ‌బాటు క‌నిపించ‌లేదు. చాలా చ‌క్క‌గా సినిమాని ఓ అనుభ‌వం ఉన్న ద‌ర్శ‌కుడిలా తెర‌కెక్కించాడు. సెప్టెంబ‌ర్ 28న విడుద‌లైన ఈ సినిమా అనూహ్యంగా వ‌ర‌ల్డ్ వైడ్‌గా రూ.75 కోట్ల మేర వ‌సూళ్ల‌ని రాబ‌ట్టి ట్రేడ్ వ‌ర్గాల‌ని షాక్‌కు గురి చేస్తోంది.