కీర్తి సురేష్.. బీటౌన్ లో మాజిక్ క్లిక్కయ్యేనా?

కీర్తి సురేష్ తన గ్లామర్‌తో పాటు టాలెంట్‌తో ఇండస్ట్రీలో తనకంటూ ప్రత్యేకమైన గుర్తింపు తెచ్చుకుంది. ప్రస్తుతం ఈమె తన మొదటి బాలీవుడ్ చిత్రమైన బేబీ జాన్ తో బాలీవుడ్ లో అడుగుపెడుతోంది. ఈ సినిమాలో ఆమె నటిస్తున్న లుక్ సోషల్ మీడియాలో వైరల్ అవుతోంది. ముఖ్యంగా బ్లాక్ శారీలో కీర్తి సురేష్ అందంగా కనిపిస్తూ, అభిమానుల హృదయాలను గెలుచుకుంటోంది. కోలీవుడ్ థెరి సినిమాకు ఇది రీమేక్.

మొదట తన సినీ ప్రస్థానాన్ని తెలుగులో ప్రారంభించిన కీర్తి సురేష్, ఫాస్ట్ గానే స్టార్ హీరోయిన్ స్థాయికి ఎదిగింది. నేను శైలజ వంటి హిట్ సినిమాల ద్వారా తెలుగు ప్రేక్షకుల దృష్టిని ఆకర్షించింది. తరువాత వచ్చిన మహానటి చిత్రం కీర్తి కెరీర్ లో మైలురాయిగా నిలిచింది. అందులో సావిత్రి పాత్రలో అద్భుత నటనతో ఆకట్టుకోవడంతో, ఆమెకు జాతీయ స్థాయి గుర్తింపు లభించింది. ఈ పాత్రకుగాను కీర్తి సురేష్ కి నేషనల్ అవార్డు లభించడం విశేషం.

ఇప్పటి వరకు దక్షిణాది భాషల్లో మాత్రమే పరిమితమైన కీర్తి సురేష్, ఇప్పుడు బాలీవుడ్ కి ప్రయాణం చేస్తోంది. బేబీ జాన్ చిత్రంలో వరుణ్ ధావన్ తో కలిసి స్క్రీన్ షేర్ చేసుకుంది. బాలీవుడ్ ప్రేక్షకులకు తన నటనతో పాటు తన అందం కూడా పరిచయం చేయడానికి ఆమె చాలా ఉత్సాహంగా ఉంది. ఈ సినిమాలో ఆమె పాత్ర చాలా ఇంటెన్స్ గా ఉండనుందని సమాచారం.

కీర్తి సురేష్ కెరీర్ లో ఇటీవల సర్కారు వారి పాట, దసరా లాంటి సినిమాలు బాక్సాఫీస్ వద్ద గట్టిగానే హైలెట్ అయ్యాయి. అయితే ఈ చిత్రాల ద్వారా కీర్తి తన నటనతో పాటు ఫిజికల్ ట్రాన్స్ఫర్మేషన్ లో కూడా తన ప్రత్యేకతను చాటుకుంది. ఆమె అద్భుతమైన నటనతో ప్రతి పాత్రలో కొత్తదనం చూపిస్తూ ప్రేక్షకుల హృదయాలను గెలుచుకుంటుంది. ప్రస్తుతం కీర్తి సురేష్ నార్త్ మరియు సౌత్ ఇండస్ట్రీల్లో బ్యాలెన్స్ చేస్తూ, రెండు భాషల్లో కూడ తన క్రేజ్ ను కొనసాగిస్తోంది.

బాలీవుడ్ లో తొలి సినిమాతోనే మంచి పేరు తెచ్చుకోవాలని ఆమె ఆశపడుతుంది. ఈ ఫోటో ద్వారా ప్రేక్షకులు ఆమెపై ఉన్న అంచనాలు మరింత పెరుగుతున్నాయి. బేబీ జాన్ సినిమా క్రిస్మస్ కానుకగా డిసెంబర్ 25న విడుదల కానుంది. మరి అమ్మడు అక్కడ స్టార్ హీరోయిన్స్ తో ఎలాంటి పోటీని ఎదుర్కొంటుందో చూడాలి.