ఎన్టీఆర్ తో ఛాన్స్.. హీరోయిన్ ఎదురుచూపులు..!

యంగ్ ఎన్టీఆర్ తో కలిసి నటించాలని ప్రతి ఒక్క హీరోయిన్ కు ఉంటుంది. యాక్టింగ్, డాన్స్, యాక్షన్ ఇలా అన్ని అంశాల్లో ది బెస్ట్ ఇస్తున్నాడు తారక్. అంతేకాదు క్లాస్ మాస్ అనే తేడా లేకుండా అదరగొట్టేస్తున్నాడు. ఈ తరం హీరోల్లో ఎలాంటి సినిమా అయినా చేసే స్టార్స్ లో ఎన్టీఆర్ ఒకరని చెప్పొచ్చు. అలాంటి స్టార్ తో జత కట్టే అవకాశం కోసం హీరోయిన్స్ అంతా వెయిట్ చేస్తుంటారు. తారక్ తో నటించాలని ఉందన్న కోరికని బయట పెట్టిన హీరోయిన్స్ చాలామంది ఉన్నారు. ఇప్పుడు ఈ లిస్ట్ లో మహానటి కీర్తి సురేష్ కూడా చేరిపోయింది. ఈమధ్యనే ఇచ్చిన ఒక ఇంటర్వ్యూలో ఎన్ టీ ఆర్ తో కలిసి చేస్తే మా ఇద్దరిది మంచి జోడీ అవుతుందని అన్నది కీర్తి సురేష్.

మహానటి సినిమా టైం లో ఒక ఈవెంట్ కు ఎన్టీఆర్ గెస్ట్ గా వచ్చారు. ఆయన చాలా ఎనర్జీతో కనిపిస్తారు అంతేకాదు చాలా సరదాగా ఉంటారని కీర్తి సురేష్ ఎన్టీఆర్ పై తన అభిమానాన్ని పంచుకుంది. కచ్చితంగా ఎన్టీఆర్, కీర్తి సురేష్ ఇద్దరు కలిసి నటిస్తే తమ సహజ నటనతో ఆకట్టుకునే ప్రయత్నం ఉంటుంది. కీర్తి సురేష్ కూడా మంచి పాత్ర పడితే చాలు తన నటనతో ఆకట్టుకుంటుంది.

మహానటి తర్వాత దసరాలో వెన్నెల పాత్రలో కీర్తి మరోసారి మెప్పించింది. దసరా తర్వాత మళ్లీ తెలుగులో అమ్మడికి అవకాశాలు రాలేదు. ఎన్టీఆర్ తో కీర్తి సురేష్ ఈ కాంబో సెట్ అయితే మాత్రం నెక్స్ట్ లెవెల్ క్రేజ్ ఉంటుందని చెప్పొచ్చు. ప్రస్తుతం ఎన్టీఆర్ చేస్తున్న సినిమాల్లో హీరోయిన్స్ దాదాపు ఫిక్స్ అయ్యారు. ఒకవేళ ఛాన్స్ ఉంటే ప్రశాంత్ నీల్ తో తారక్ చేసే సినిమాలో అవకాశం ఉంటుందేమో చూడాలి.

కీర్తి సురేష్ తెలుగులో దూకుడు చూపించట్లేదు కానీ అమ్మడికి తమిళంలో వరుస ఛాన్సులు వస్తున్నాయి. అక్కడ కీర్తి సురేష్ నటించిన రఘు తాత రిలీజ్ కి రెడీ అవుతుండగా కన్నివేడి, రివాల్వర్ రీటా సినిమాలు సెట్స్ మీద ఉన్నాయి. మరో పక్క అమ్మడు బాలీవుడ్ ఎంట్రీ ఇస్తూ బేబీ జాన్ సినిమాలో నటిస్తుందని తెలిసిందే. ఈ సినిమాలో కీర్తి కెరీర్ లో ఎప్పుడు చేయని గ్లామర్ షో చేస్తుందని టాక్.