జాన్వీ క‌పూర్ చెల్లెలు డెబ్యూ ఇదే!

అతిలోక సుంద‌రి శ్రీదేవి చిన్న కుమార్తె ఖుషీ క‌పూర్ డెబ్యూ ఫిక్సైందా? 2024 లో అమ్మ‌డు హీరోయిన్ గా ప‌రిచ‌యం కాబోతుందా? అంటే అవున‌నే తెలుస్తోంది. ఇటీవ‌లే `ది అర్చిస్` తో ఖుషీ క‌పూర్ లాంచ్ అయిన సంగ‌తి తెలిసిందే. ఇందులో అమ్మ‌డి రోల్ చిన్న‌దే. తెర‌పై క‌నిపించినంత సేపు న‌టిగా మంచి మార్కులు ప‌డ్డాయి. కానీ త‌న‌తో పాటు ఇంకా బాలీవుడ్ నుంచి చాలా మంది స్టార్ కిడ్స్ ఉండ‌టంతో ఖుషీ క‌ది ప‌ర్పెక్ట్ లాంచింగ్ కాలేక‌పోయింది.

దీంతో ఖుషీ క‌పూర్ హీరోయిన్ గా క‌నిపించేది ఎప్పుడు అన్న అంశంగా ఆస‌క్తిక‌రంగా మారింది. తాజాగా ఖుషీ అందుకు ఎక్కువ స‌మ‌యం తీసుకోలేద‌ని తెలిపోయింది. `ది అర్చిస్` తో లాంచ్ అవుతూనే హీరోయిన్ గా ప్రాజెక్ట్ ని ఫైన‌ల్ చేసుకుంది. అక్క జాన్వీ క‌పూర్ త‌ర‌హాలోనే చెల్లెలు సైతం ప్ర‌ఖ్యాత నిర్మాణ సంస్థ ధ‌ర్మ ప్రొడ‌క్ష‌న్స్ లోనే హీరోయిన్ గా ప‌రిచ‌యం కాబోతుంది. ఈ చిత్రాన్ని ప్ర‌తిష్టాత్మ‌కంగా నిర్మించ‌డానికి క‌ర‌ణ్ జోహార్ ముందుకొచ్చారు.

ఇదే సినిమాతో బాలీవుడ్ హీరో సైప్ అలీఖాన్ కుమారుడు ఇబ్ర‌హీం అలీఖాన్ కూడా హీరోగా ప‌రిచ‌యం అవుతున్నాడు. ఆ యంగ్ హీరోకి జోడీగానే ఖుషీ క‌పూర్ ని క‌ర‌ణ్ ఫైన‌ల్ చేసారు. శౌనా గౌత‌మ్ ఈ చిత్రానికి ద‌ర్శ‌క‌త్వం వ‌హిస్తున్నారు. ఇదొక రొమాంటిక్ కామెడీ ఎంట‌ర్ టైన‌ర్. ఇప్ప‌టికే స్క్రిప్ట్ కూడా సిద్ద‌మైంది. వ‌చ్చే ఏడాది చిత్రీక‌ర‌ణ ప్రారంభించాల‌ని నిర్మాణ సంస్థ ప్లాన్ చేస్తోంది. అందుకు త‌గ్గ ఏర్పాట్లు జ‌రుగుతున్నాయి.

మొత్తానికి క‌ర‌ణ్ ఈ సారి ఇద్ద‌రు వార‌సుల్ని ఈసారి వెండి తెర‌కు ప‌రిచ‌యడం విశేషంగానే భావించాలి. సైఫ్ అలీఖాన్ బాలీవుడ్ లో స్టార్ హీరోగా కొన‌సాగుతున్నారు. ఇప్పుడాయ‌న వార‌స‌త్వాన్ని పుణ‌కి పుచ్చుకుని ఇబ్ర‌హీం అలీఖాన్ మ్యాక‌ప్ వేసుకుంటున్నాడు. శ్రీదేవి పెద్ద కుమార్తె జాన్వీ ఇప్ప‌టికే హీరోయిన్ గా రాణిస్తోంది. ఇప్పుడు చెల్లెలు కూడా మ్యాక‌ప్ వేసుకోవ‌డంతో శ్రీదేవి కోరిక కూడా నెర‌వేరు తున్న‌ట్లే. తండ్రిగా బోనీక‌పూర్ కుమార్తెల బాధ్య‌త‌ల్ని అన్ని ర‌కాలు గా ప‌రిపూర్ణం చేస్తున్నారు.