ఆ గౌరవం వద్దన్న హీరో... ఫిదా అవుతున్న ఫ్యాన్స్
తాజాగా మరోసారి ఈ కన్నడ రియల్‌ స్టార్ వార్తల్లో నిలిచాడు. ఈసారి ఆయనకు ప్రతిష్టాత్మక గౌరవ డాక్టరేట్ ను ఇచ్చేందుకు ప్రముఖ కన్నడ యూనివర్సిటీ ముందుకు వచ్చిందట.
సెలబ్రిటీల్లో ఎక్కువ శాతం మంది పావల సేవ చేసి పది రూపాయల గుర్తింపు మరియు పబ్లిసిటీ ని కోరుకోవడం మనం చూస్తూ ఉంటాం. కొద్ది మంది మాత్రమే ఒక చేతితో చేసిన సాయం ను మరో చేతికి తెలియకుండా చేస్తున్నారు. అలాంటి వారిలో కన్నడ స్టార్ హీరో 'ఈగ' విలన్‌ కిచ్చా సుదీప్ ఒకరు అనడంలో సందేహం లేదు. ఆయన ఫ్యాన్స్ మరియు కన్నడ మీడియా వర్గాల కథనం అనుసారం ఆయన ఎన్నో సేవా కార్యక్రమాలు నిర్వహిస్తూ ఉంటాడు. కానీ ఆయన మాత్రం పబ్లిసిటీ తక్కువ చేసుకుంటాడు.
తాజాగా మరోసారి ఈ కన్నడ రియల్‌ స్టార్ వార్తల్లో నిలిచాడు. ఈసారి ఆయనకు ప్రతిష్టాత్మక గౌరవ డాక్టరేట్ ను ఇచ్చేందుకు ప్రముఖ కన్నడ యూనివర్సిటీ ముందుకు వచ్చిందట. ఆ డాక్టరేట్ ను సున్నితంగా తిరస్కరించాడట. ఆ డాక్టరేట్ ను అగౌరవ పరచకుండానే తన స్థాయిని తగ్గించుకోకుండా ఇంకా నేను చాలా చేయాల్సి ఉంది అని చెప్పకనే చెప్పాడట. కన్నడ మీడియాలో ఈ విషయం ప్రస్తుతం ప్రధానంగా చర్చ జరుగుతోంది. సోషల్ మీడియాలో సుదీప్ ఫ్యాన్స్ తెగ వైరల్‌ చేస్తున్నారు.
పూర్తి వివరాల్లోకి వెళ్తే.... కర్ణాటక లోని ప్రముఖ తుమకూరు యూనివర్సిటీ వారు కిచ్చా సుదీప్ చేసిన సేవలను గుర్తించి ఆయనకు గౌరవ డాక్టరేట్ ను ఇచ్చేందుకు సిద్ధం అయ్యింది. యూనివర్శిటీ వైస్ ఛాన్స్‌లర్‌ విషయాన్ని పీఏ ద్వారా కిచ్చా సందీప్ కి తెలియజేయడం జరిగిందట. రెండు రోజుల తర్వాత స్వయంగా సుదీప్ నుంచి సమాధానం వచ్చిందట. మీరు నాకు గౌరవ డాక్టరేట్ ఇచ్చేందుకు నిర్ణయం తీసుకోవడం చాలా సంతోషాన్ని ఇచ్చింది. అంతటి గౌరవం కు నన్ను అర్హుడిగా మీరు భావించినందుకు కృతజ్ఞతలు అన్నాడట.
సమాజంలో సేవ చేస్తున్న వారు ఇంకా చాలా మంది ఉన్నారు. నా కంటే కూడా ఎన్నో మంచి పనులు చేస్తున్న వారు, గొప్ప వారు, నలుగురికి మంచి చేసే వారు చాలా మంది ఉన్నారు. వారిలో మంచి వారిని గుర్తించి ఈ డాక్టరేట్ ఇవ్వాలంటూ యూనివర్శిటీ వారికి విజ్ఞప్తి చేశాడట. నేను ఇంకా డాక్టరేట్ తీసుకునే స్థాయికి వచ్చినట్లుగా భావించడం లేదు. మీరు నాపై చూపించిన అభిమానం ను చాలా గౌరవంగా భావిస్తాను అంటూనే సున్నితంగా గౌరవ డాక్టరేట్ ను తిరస్కరించాడట.
డాక్టరేట్ ను కావాలని, డబ్బులకు కొనుగోలు చేసే వారు చాలా మంది ఉంటారు. అలాంటి వారి మధ్య డాక్టరేట్ ఇస్తాం అంటూ అది కూడా ప్రముఖ యూనివర్శిటీ నుంచి ఆఫర్‌ వస్తే తిరస్కరించడం విడ్డూరంగా ఉందని కొందరు కామెంట్ చేస్తే మరి కొందరు మాత్రం సుదీప్ నిర్ణయాన్ని అభినందిస్తున్నారు. ఇంత గొప్ప వ్యక్తి కనుకే ఇండస్ట్రీతో పాటు జనాల్లో కూడా మంచి పేరును సుదీప్ తెచ్చుకున్నాడు అంటూ ఫ్యాన్స్ కామెంట్స్ చేస్తున్నారు. సుదీప్ సినిమాలతోనే కాకుండా అప్పుడప్పుడు బుల్లి తెరపై కూడా సందడి చేస్తూ వినోదాన్ని పంచుతున్న విషయం తెల్సిందే.