స్వీటీ డబుల్ ఫోర్స్ తో కంబ్యాక్..?

సౌత్ ఆడియన్స్ కు స్వీటీ అనుష్క శెట్టి టాలెంట్ తెలిసిందే. తన వల్ల కేవలం కమర్షియల్ సినిమాలే అవుతుంది అనుకున్న వారికి అరుంధతి, రుద్రమదేవి, భాగమతి సినిమాలు చేసి సత్తా చాటింది అనుష్క. సరైన స్టోరీ తో చేస్తే అనుష్క అద్భుతాలు చేస్తుందని ఆ సినిమా ఫలితాలు ప్రూవ్ చేశాయి. కొన్నాళ్లుగా అనుష్క సినిమాల విషయంలో కాస్త వెనకడుగు వేస్తుంది. ఆమె చేయాల్సిన సినిమాలన్నీ వేరే వాళ్ల దగ్గరకు వెళ్తున్నాయి.

అయితే కొద్దిపాటి గ్యాప్ తర్వాత మిస్ శెట్టి మిస్టర్ పొలిశెట్టితో ప్రేక్షకుల ముందుకు వచ్చింది అనుష్క. గ్యాప్ ఎక్కువ అవ్వడం వల్ల ఆమెను తెర మీద చూసిన ఫ్యాన్స్ అంతా కూడా ఖుషి అయ్యారు. ఇదిలా ఉంటే అనుష్క ప్రస్తుతం క్రిష్ డైరెక్షన్ లో సినిమా చేస్తుంది. ఘాటి అంటూ ఒక ప్రయోగాత్మక సినిమాకు సైన్ చేసింది అమ్మడు. ఈ సినిమాతో మరోసారి అనుష్క తన సత్తా చాటుతుందని అంటున్నారు.

క్రిష్ డైరెక్షన్ లో అనుష్క వేదం సినిమా చేసింది. ఆ సినిమా 2010 లో రిలీజైంది. మళ్లీ 14 ఏళ్ల తర్వాత క్రిష్ తో అనుష్క సినిమా చేస్తుంది. కొన్నాళ్లుగా అనుష్క కంబ్యాక్ కోసం ఎదురుచూస్తున్న ఫ్యాన్స్ అందరికీ ఈ సినిమా సాటిస్ఫై చేస్తుందని అంటున్నారు. స్వీటీ అనుష్క ఘాటి సినిమాతో డబుల్ ఫోర్స్ తో కంబ్యాక్ ఇస్తుందని చెబుతున్నారు.

క్రిష్ డైరెక్షన్ లో సినిమా అంటే కచ్చితంగా భారీ అంచనాలు ఏర్పరచుకుంటుంది. అంతేకాదు క్రిష్ ఈ కథను ఎంతో ప్రేమించి చేస్తున్నట్టు తెలుస్తుంది. ఫిమేల్ సెంట్రిక్ సినిమాల్లో అనుష్క స్టామినా తెలుసు కాబట్టి అందుకు ఏమాత్రం తగ్గకుండా ఆమె ఫ్యాన్స్ ని సర్ ప్రైజ్ చేసేలా ఈ ఘాటి మూవీని తెరకెక్కిస్తున్నారట క్రిష్.

ఈ సినిమా కోసం పవన్ కళ్యాణ్ తో చేయాల్సిన హరి హర వీరమల్లు సినిమాను కూడా పక్కన పెట్టి వచ్చాడు క్రిష్. ఆ సినిమా మొదలై 4 ఏళ్లు దాటినా ఇంకా పూర్తి కాకపోవడంతో క్రిష్ వీరమల్లు నుంచి బయటకు వచ్చి అనుష్కతో సినిమా చేస్తున్నాడు. భాగమతి తర్వాత అనుష్క చేసిన రెండు మూడు సినిమాలు తన మార్క్ చూపించడంలో ఫెయిల్ అవ్వగా ఈ ఘాటి మరోసారి వింటేజ్ అనుష్కని గుర్తు చేస్తుందని అంటున్నారు. అనుష్క కూడా ఈ సినిమా కోసం చాలా హార్డ్ వర్క్ చేస్తున్నట్టు తెలుస్తుంది.