బేబమ్మ బోల్డ్ అటెంప్ట్.. అదే నిజమైతే మాత్రం..!

ఉప్పెనతో తెలుగు తెరకు పరిచయమైన మంగుళూరు భామ కృతి శెట్టి ఫస్ట్ సినిమాతోనే 100 కోట్లు సాధించి బ్లాక్ బస్టర్ అనిపించుకుంది. ఆ తర్వాత రెండు సినిమాలు కూడా సక్సెస్ అందుకోవడంతో అమ్మడికి ఇక తిరుగులేదని అనుకున్నారు. కానీ ఫోర్త్ మూవీ నుంచి అసలు సినిమా మొదలైంది. వరుస సినిమాలు చేస్తున్నా కూడా కృతి శెట్టికి ఒకదాన్ని మించి మరోటి అన్నట్టుగా ఫ్లాపులు పలకరించాయి. వరుస హిట్లు పడితే లక్కీ అనుకునే ఇండస్ట్రీ కాస్త అదే వరుస ఫ్లాపులు వస్తే అన్ లక్కీ అనేస్తుంది. అలానే బేబమ్మ కెరీర్ కూడా సందిగ్ధంలో పడింది.

ప్రస్తుతం అమ్మడు శర్వానంద్ తో మనమే సినిమాలో నటిస్తుంది. అయితే కెరీర్ మళ్లీ గాడిన పడాలంటే టాప్ గేర్ వేయాలని ఫిక్స్ అయ్యింది అమ్మడు. అందుకే ఈమధ్య ఫోటో షూట్స్ విషయంలో కూడా తన గ్లామర్ సైడ్ ఓపెన్ అవుతుంది. అంతేకాదు ఇక మీదట రొమాంటిక్ సినిమాలకు కూడా ఓకే అనేస్తుందని టాక్. రీసెంట్ గా కృతి శెట్టి ఒక బోల్డ్ మూవీకి ఓకే చెప్పిందని చెబుతున్నారు. కంప్లీట్ రొమాంటిక్ ఎంటర్టైనర్ గా యువ దర్శకుడు చెప్పిన కథకు కృతి శెట్టి గ్రీన్ సిగ్నల్ ఇచ్చిందట. సినిమాలో కృతి ఎప్పుడు చూడని విధంగా లిప్ లాక్ కు సైన్ అనేసిందని టాక్.

కృతి శెట్టి గ్లామర్ సైడ్ రెచ్చిపోవాలే కానీ అమ్మడికి వరుస అవకాశాలు వచ్చే ఛాన్స్ ఉంటుంది. ఈ క్రమంలోనే ఒక రొమాంటిక్ సినిమాకు కృతి శెట్టి సైన్ చేసిందని చెబుతున్నారు. అదే జరిగితే మాత్రం కృతి శెట్టి కెరీర్ ట్రాక్ లో పడినట్టే అని చెప్పొచ్చు. కొందరు హీరోయిన్స్ కి మాత్రమే కేవలం అభినయం తో మెప్పించడానికి లక్ కలిసి వస్తుంది. అయినా గ్లామర్ ఫీల్డ్ లో కేవలం ఒకే రకమైన సినిమాలు చేయాలని అనుకోవడం కూడా సరైన పద్ధతి కాదు.

అందుకే బేబమ్మ ఇక మీదట గ్లామర్ రోల్స్ తో కూడా ప్రేక్షకులను ఎట్రాక్ట్ చేయాలని ఫిక్స్ అయ్యింది. ఇప్పటికే తన ఫోటో షూట్స్ తో వావ్ అనిపించేస్తున్న అమ్మడ్ సిల్వర్ స్క్రీన్ పై కూడా అదే గ్లామర్ డోస్ తో కనిపించాలని చూస్తుంది. ఇంతకీ కృతి శెట్టితో రొమాన్స్ చేసే హీరో ఎవరు. అమ్మడు ఈ నిర్ణయం తీసుకోవడం వల్ల ఆమె కెరీర్ కు ఏమాత్రం హెల్ప్ అవుతుంది. అసలు కృతి శెట్టి తన కెరీర్ ని ఎలా ప్లాన్ చేసుకోవాలని అనుకుంటుంది అన్నది చూడాలి.