కాజోల్ అక్క స్పూర్తితో జాతీయ ఉత్త‌మ న‌టి!
బాలీవుడ్ ప‌రిశ్ర‌మ‌లో కాజోల్ జ‌ర్నీ గురించి చెప్పాల్సిన ప‌నిలేదు.
బాలీవుడ్ ప‌రిశ్ర‌మ‌లో కాజోల్ జ‌ర్నీ గురించి చెప్పాల్సిన ప‌నిలేదు. మూడు ద‌శాబ్ధ‌లుగా ప్రేక్ష‌కుల్ని అల‌రిస్తు న్నారు. న‌టిగా త‌న‌కంటూ ప్ర‌త్యేక ఇమేజ్ ని క్రియేట్ చేసుకుని ముందుకు సాగుతున్నారు. కాజోల్ స్పూర్తితో ఇండ‌స్ట్రీకి వ‌చ్చిన భామ‌లెంతో మంది. అలాంటి వారిలో నేను ఒక‌రిని అంటోంది అందాల కృతిస‌న‌న్. ప్ర‌స్తుతం కృతిస‌న‌న్ కెరీర్ బాలీవుడ్ లో వెలిగిపోతున్న సంగ‌తి తెలిసిందే.
వ‌రుస‌గా లేడీ ఓరియేంటెడ్ చిత్రాల‌తో హిట్లు అందుకుంటుంది. ఇటీవ‌లే `ది క్రూ`తో మ‌రో స‌క్సెస్ ఖాతాలో వేసుకుంది. అంత‌కు ముందు జాతీయ ఉత్త‌మ న‌టిగాను ఎంపికై దేశం మొత్తం త‌న‌వైపు చూసేలా చేసింది. అలాంటి కృతి స‌న‌న్ ఇండ‌స్ట్రీలో ఎద‌గడానికి కార‌ణం కాజోల్. ఇప్పుడు కాజోల్ తోనే `దో ప‌త్తీ` అనే సినిమాని నిర్మించిది కృతి స‌న‌న్. ఇందులో ఆమె తో క‌లిసి కూడా న‌టించింది.
ఈ సంద‌ర్భంగా కాజోల్ తో త‌న‌కున్న అనుబంధాన్ని గుర్తు చేసుకుంది. `దిల్ వాలే షూటింగ్ రోజులు ఇంకా గుర్తున్నాయి. ఇది నా కు రెండ‌వ చిత్రం. అప్పుడు నాకు సినిమాల‌పై పెద్ద‌గా అవ‌గాహాన లేదు. సెట్ లో ఎలా మాట్లాడాలో కూడా తెలియ‌దు. ఇందులో ఇద్ద‌రం అక్కా-చెల్లిగా క‌లిసి న‌టించాం. అప్ప‌టికే కాజోల్ అగ్ర క‌థానాయిక‌గా చిత్ర ప‌రిశ్ర‌మ‌లో రాణిస్తోంది. ఆ స‌మ‌యంలో ఆమెతో క‌లిసి ప‌నిచేయ‌డం గ‌ర్వంగా భావించాను.
ఆమె నుంచి ఎన్నో కొత్త విష‌యాలు తెలుసుకున్నాను. తొమ్మిదేళ్ల త‌ర్వాత ఇద్ద‌రం క‌లిసి ప‌నిచేస్తున్నాం. నాకు న‌ట‌న‌లో స్పూర్తి కాజోల్ అక్క. ఇప్ప‌టికీ..ఎప్ప‌టికీ నాకు త‌నే స్పూర్తి. గ‌డిచే ప్ర‌తీ సంవ‌త్స‌రం అక్క ఎంతో ఉత్సాహంగా క‌నిపిస్తుంది` అని తెలిపింది. వ‌న్ సినిమాతో కృతిస‌న‌న్ టాలీవుడ్ లో లాంచ్ అయిన సంగ‌తి తెలిసిందే.