ప్రేమ ఉన్న చోట కథ వేరుగా ఉంటుంది..!

బాలీవుడ్ టాలెంటెడ్ డైరెక్టర్ ఆనంద్ ఎల్ రాయ్ డైరెక్షన్ లో కోలీవుడ్ స్టార్ హీరో ధనుష్ లీడ్ రోల్ లో ఒక సినిమా వస్తుంది. ఆల్రెడీ ఈ కాంబోలో సినిమాలు వచ్చాయి. ముఖ్యంగా ఆనంద్ ఎల్ రాయ్ మొదటి సినిమా రాంజానా కూడా ధనుష్ చేశాడు. రాంజానా సినిమా వచ్చి పదేళ్లు అవుతుంది. ఇప్పుడు మరోసారి ఈ కాంబినేషన్ లో క్రేజీ సినిమా రాబోతుంది. ధనుష్, ఆనంద్ ఎల్ రాయ్ కాంబోలో వస్తున్న లేటెస్ట్ సినిమాకు రెరే ఇష్క్ మైన్. సైలెంట్ గా సెట్స్ మీదకు వెళ్లిన ఈ సినిమా నుంచి ఇప్పటిదాకా ఎలాంటి అప్డేట్స్ రాలేదు.

అంతేకాదు ఈ లవ్ స్టోరీలో నటించే హీరోయిన్ గురించి కూడా బాలీవుడ్ లో రకరకాల వార్తలు వచ్చాయి. యానిమల్ బ్యూటీ త్రిప్తి డిమ్రి ఈ సినిమాలో నటిస్తుందని బీ టౌన్ లో న్యూస్ వచ్చింది. కానీ లేటెస్ట్ గా మేకర్స్ నుంచి తెరే ఇష్క్ మైన్ నుంచి టీజర్ వచ్చింది. ఈ టీజర్ తో డౌట్లన్నీ క్లియర్ చేశారు. ముఖ్యంగా హీరోయిన్ ఎవరన్నది క్లారిటీ వచ్చింది.

తెరే ఇష్క్ మెయిన్ ఫస్ట్ గ్లింప్స్ హీరోయిన్ ని రివీల్ చేస్తూ రిలీజ్ చేశారు. చుట్టుపక్కన అంతా మంటలతో అల్లర్లతో ఉంటుంది. ఆ టైం లో ఒక క్యాన్ లో పెట్రోల్ తీసుకుని హీరోయిన్ నడుచుకుంటూ వస్తుంది. ఒక చోట ఆగి ఆ పెట్రోల్ ని మీద పోసుకుంటుంది. ఆ తర్వాత సిగరెట్ నోట్లో పెట్టుకుని లైటర్ తో వెలిగిస్తుంది. ప్రేమ ఉన్న చోట కథ వేరుగా ఉంటుంది అంటూ మేకర్స్ రిలీజ్ చేసిన వీడియో ఇది. ఈ టీజర్ లో హీరోయిన్ గా కృతి సనన్ ని రివీల్ చేశారు.

ధనుష్ తో కృతి సనన్ జోడీ కడుతున్న తెరే ఇష్క్ మైన్ సినిమా గ్లింప్స్ తోనే ఇది చాలా పెద్ద కథగా వస్తుందని అర్థమవుతుంది. అంతేకాదు వరల్డ్ ఆఫ్ రాంజానా అంటూ ఆనంద్ ఎల్ రాయ్, ధనుష్ కాంబోని సంథింగ్ స్పెషల్ గా ప్రమోట్ చేస్తున్నారు. తప్పకుండా ఈ సినిమా కూడా నెక్స్ట్ లెవెల్ లో ఉండబోతుందని చెప్పొచ్చు. ఎలాగు ధనుష్ కి సౌత్ లో భారీ మార్కెట్ ఉంది కాబట్టి ఈ సినిమా పాన్ ఇండియా రిలీజ్ చేసినా ఆశ్చర్యపోవాల్సిన పనిలేదు. ఈ సినిమా గ్లింప్స్ లో రిలీజ్ డేట్ కూడా ఇచ్చారు. ఈ ఇయర్ నవంబర్ 28న రిలీజ్ లాక్ చేశారు. కృతి సనన్ ఈ సినిమాలో ముక్తి పాత్రలో నటిస్తుంది. సినిమాకు ఏ.ఆర్.రెహమాన్ మ్యూజిక్ అందిస్తున్నారు.