ఖుషిలో అలాంటి క్లైమాక్స్

విజయ్ దేవరకొండ, సమంత జోడీగా శివ నిర్వాణ దర్శకత్వంలో తెరకెక్కిన చిత్రం ఖుషి. సెప్టెంబర్ 1న ఈ చిత్రం ప్రేక్షకుల ముందుకి రాబోతోంది. పాన్ ఇండియా రేంజ్ లో ఈ చిత్రాన్ని రిలీజ్ చేయబోతున్నారు. ప్రస్తుతం సినిమా ప్రమోషనల్ యాక్టివిటీస్ లో యాక్టర్స్ ఉన్నారు. డిఫరెంట్ ప్రమోషనల్ అప్రోచస్ తో ఖుషి సినిమాపై హైప్ తీసుకొని వస్తున్నారు. ఖుషి మూవీతో విజయ్, సమంత, శివ నిర్వాణ ముగ్గురుకి కచ్చితంగా హిట్ పడాలి.

సినిమాపై ప్రస్తుతానికి మంచి పాజిటివ్ బజ్ ఉంది. సాంగ్స్, ట్రైలర్ కూడా జనాల్లోకి బాగా రీచ్ అయ్యాయి. దీంతో ఖుషి చిత్రానికి విజయ్ దేవరకొండ కెరియర్ లోనే సాలిడ్ ఓపెనింగ్స్ వస్తాయని అంచనా వేస్తున్నారు. ఇక మూవీ స్టోరీ కూడా ఫ్యామిలీ ఆడియన్స్ అందరూ కలిసి చూడగలిగే విధంగా ఉండటంతో కచ్చితంగా వారి నుంచి ఎక్కువ ఆదరణ ఉంటుందని ఎక్స్ పెక్ట్ చేస్తున్నారు.

విజయ్ దేవరకొండకి ఫ్యాన్స్ ఉన్న కూడా భారీ యాక్షన్స్ బ్లాక్స్ లాంటివి ఆశిస్తూ సినిమాకి రారు. జీరో అంచనాలతో విజయ్ దేవరకొండ పెర్ఫార్మెన్స్ ని ఎంజాయ్ చేయడానికి మాత్రమే వస్తారు. అందుకే ఖుషి సినిమా కచ్చితంగా అదిరికి నచ్చుతుంచని చిత్ర యూనిట్ భావిస్తోంది. ఇదిలా ఉంటే ఈ సినిమాకి సంబందించిన మరో ఇంటరెస్టింగ్ టాక్ తెరపైకి వచ్చింది.

సినిమా క్లైమాక్స్ చాలా ఎమోషనల్ ఎండింగ్ గా ఉంటుందంట. ముఖ్యంగా సోషల్ ఎలిమెంట్ ని తీసుకొని భార్యాభర్తల బంధంలో బావోద్వేగాలని శివ నిర్వాణ సున్నితంగా తెరపై ఆవిష్కరించారంట. ఈ సీక్వెన్స్ ప్రతి ఒక్కరిని ఆలోచింపజేయడంతో పాటు కన్నీరు పెట్టించడం ఖాయం అనే మాట వినిపిస్తోంది. ప్రేమ, పెళ్లి, వివాహబంధంలో మనస్పర్థలు అన్నింటిని ఖుషి చిత్రంలో శివ నిర్వాణ ఆవిష్కరించారు.

అంతే స్థాయిలో భార్యాభర్త బంధం గొప్పతనం చెప్పడంతో పాటు ఏ జెనరేషన్ లో అయిన కలిసి బ్రతకాలంటే ఇద్దరి మధ్య ఎలాంటి అండర్ స్టాండింగ్ ఉండాలనే విషయాన్ని ఖుషి చిత్రంలో చూపించబోతున్నారంట. అందుకే క్లైమాక్స్ కాస్తా ఎమోషనల్ టచ్ తో ముగించబోతున్నట్లు టాక్ వినిపిస్తోంది. మరి ఇది ఎంత వరకు కరెక్ట్ అనేది సినిమా రిలీజ్ అయితే తెలుస్తోంది.