PLUTO వీడ్కోలు.. మ‌హేష్ చాలా కోల్పోయాడు!

సూపర్ స్టార్ మహేష్ బాబు గత రాత్రి ఇన్‌స్టాలో ఒక రేర్ ఫోటోగ్రాఫ్ ని షేర్ చేసారు. ఈ ఫోటోలో త‌న పెట్ డాగ్ తో ఎంతో ఆప్యాయంగా క‌నిపిస్తున్నారు ఆయ‌న‌. ఇటీవల మరణించిన తన పెంపుడు కుక్క ప్లూటోని ఆయ‌న మ‌ర్చిపోలేక‌పోతున్నార‌ట‌. కొంత కాలం క్రితం ప్లూటో హాయిగా ఆనందంగా ఉండేది. ప్రేమ‌గా ఇంట్లో అంద‌రితోను తిరిగేది.

అలా మ‌హేష్‌ చెంత‌కు చేరి గారాలు పోతున్న‌ప్ప‌టి ఫోటో ఇది. మ‌హేష్ కి 7 సంవత్సరాల సుదీర్ఘ అనుబంధం ఫ్లూటోతో ఉంది. చివరిసారిగా వీడ్కోలు పలికిన మహేష్ ప్లూటోపై త‌న ప్రేమ‌ను దాచుకోక‌పోయారు. ప్లూటోతో త‌న అనుబంధానికి సంబంధించిన ఫోటోల‌ను షేర్ చేస్తూ రెడ్ హార్ట్ ఇమోజీలను పోస్ట్ చేశాడు.

మహేష్ భార్య నమ్రత .. కుమార్తె సితార ఇన్‌స్టాగ్రామ్‌లో ప్లూటో మ‌ర‌ణ‌వార్త‌ల‌ను ధృవీక‌రించారు. ప్లూటో అంద‌మైన ఫోటోలతో పాటు హార్ట్ ట‌చింగ్ నోట్ ని షేర్ చేసుకున్నారు. మా హృదయాలలో ప్లూటో ఎప్పటికీ... నిన్ను కోల్పోతున్నాం'' అని నమ్రత పోస్ట్ చేసింది. సితార ప్లూటో విష‌యంలో చాలా ఎమోష‌న‌ల్ అయ్యింది. ''ప్లూటో.. నేను నిన్ను చాలా మిస్ అవుతున్నాను. 7 సంవత్సరాల అనుబంధం...'' అని వ్యాఖ్యానించింది.

మహేష్ అత‌డి కుటుంబ సభ్యులు ప్లూటోను ఎంతగానో ఆరాధిస్తారో దీనిని బ‌ట్టి అర్థమ‌వుతోంది. అప్పుడప్పుడు ఇన్‌స్టాగ్రామ్‌లో ప్లూటో ఫోటోలను షేర్ చేస్తుంటారు. ఘట్టమనేని ఫ్యామిలీ ఇటీవలే మహేష్ పుట్టినరోజును విదేశాల్లో సెల‌బ్రేట్ చేసుకుని హైదరాబాద్‌కు తిరిగి వచ్చింది. త‌దుప‌రి త్రివిక్ర‌మ్ ద‌ర్శ‌క‌త్వంలో మ‌హేష్ బాబు న‌టిస్తున్న సంగ‌తి తెలిసిందే. త‌న మేకోవ‌ర్ లుక్ కోసం మ‌హేష్ జిమ్ లో తీవ్రంగా శ్ర‌మిస్తున్న ఫోటోలు అంత‌ర్జాలంలో వైర‌ల్ అవుతున్నాయి.