జీవితంలో గంద‌ర‌గోళంపై ఓపెన్‌గా మంచు ల‌క్ష్మి

తాను ఇటీవ‌లి ప‌రిణామాల‌తో కొంత గంద‌ర‌గోళంలో ఉన్నాన‌ని, నియంత్ర‌ణ కోల్పోయాన‌ని అన్నారు మంచు ల‌క్ష్మి. ఇటీవ‌లి కొన్ని విషాదాలు, మైగ్రేన్ వంటి స‌మ‌స్య‌లు త‌న‌ను ఊపిరాడ‌నివ్వ‌లేద‌ని తెలిపారు. హోస్ట్, నిర్మాత కం న‌టిగా మంచు ల‌క్ష్మి సుప‌రిచితురాలు.

తాజాగా ల‌క్ష్మీ మంచు సోష‌ల్ మీడియా పోస్ట్ వైర‌ల్ గా మారింది. ''గ‌డిచిన రెండు వారాల్లో ఘ‌ట‌న‌లు న‌న్ను ఒక ఎడ్జ్ కి న‌డిపించాయి. ప్రియమైన స్నేహితులు గతి(మృతి) చెంద‌డం .. వెంటాడే మైగ్రేన్ ని గుర్తించాను. అల్లకల్లోలమైన పని ఒప్పందాలు ఒత్తిడిని పెంచాయి. దీని వలన నేను నా సాలోచ‌న‌ను కోల్పోయాను. జీవితం.. త‌ర‌చుగా పరిపూర్ణత‌తో కూడిన‌ సమతుల్యతను తప్పించుకుంటుంది. ఈ క్షణం నేను పరిశీలకునిగా చూడ‌టానికి మాత్ర‌మే ప్రయత్నిస్తున్నాను. ముగుస్తున్న గందరగోళంలో అర్థాన్ని వెతుకుతున్నాను'' అని లక్ష్మి మంచు రాసారు. జీవితంలో అనూహ్యంగా నన్ను కదిలించిన సందర్భాలు ఉన్నాయి. ప్రతిదీ నియంత్రణలో లేదు. ఆ క్షణాలలో వివరించలేని సంఘటనలకు పూర్తిగా లొంగిపోవడమే నాకు ఉన్న మార్గం. ఇది దైవిక ప్రణాళికపై నా అవగాహనను సవాల్ చేస్తుంది. ఇది పూర్తిగా అర్ధంలేనిదిగా కనిపిస్తుంది... అని న‌ర్మ‌గ‌ర్భ‌మైన పోస్ట్ ని షేర్ చేసారు.

గత రెండు వారాలుగా అనేక సంఘటనలు నన్ను ఒక‌ ఎడ్జ్‌కు తీసుకువచ్చాయని మంచు ల‌క్ష్మి తెలిపారు. విప‌త్తులు, కోల్పోవ‌డం వంటివి ఆలోచించేలా చేశాయి. అనిశ్చితి కొనసాగుతూనే ఉంది. నేను అస్పష్టతతో పోరాడుతున్నాను. ఏం జరిగిందో అర్థం చేసుకోలేకపోయాను. జీవితంలోని అద్భుతాలను చిత్రించే నా సాధారణ సోష‌ల్ మీడియా పోస్ట్‌లకు భిన్నంగా.. ఈ రోజు నేను ఏమీ అర్థం కాని వైపు విష‌యాల‌ను షేర్ చేస్తున్నాను. అయినప్పటికీ ఈ గందరగోళంలో జీవిత రహస్యాలు నా అవగాహనకు మించినవి అని అంగీకరించడంలో నేను శాంతిని పొందుతున్నాను. స్పష్టత లేకపోయినా ఫర్వాలేదు.. ఎందుకంటే, అన్నింటి మధ్య నా జీవితంలో నా చుట్టూ ఉన్న ప్రేమ‌తో నేను కృతజ్ఞత కలిగి ఉన్నాను'' అని రాసారు.

వ్యక్తిగత విషాదాల మధ్య యోగా ఎలా ఓదార్పునిస్తుందనే దానిపైనా నోట్ రాసారు. కొన్ని యోగా ఆసనాల ఫోటోల‌ను షేర్ చేసారు. వీటిలో అర్ధ ధనురాసనాన్ని ప్రదర్శించిన ఫోటో క‌నిపించింది. దీనిని సగం-విల్లు భంగిమ అని కూడా పిలుస్తారు. మ‌రో ఫోటోలో లక్ష్మి ధనురాసనాన్ని అభ్యసిస్తూ క‌నిపించారు. దీనిని సాధారణంగా విల్లు భంగిమ అని పిలుస్తారు. చక్రాసనం వేసిన ఫోటోలు ఉన్నాయి.