చీరలో మీనాక్షి.. ఆహా! ఏమి అందం!

టాలీవుడ్ యంగ్ బ్యూటీ మీనాక్షీ చౌదరి వరుస సినిమాలతో బిజీ బిజీగా గడుపుతోంది. అక్కినేని సుశాంత్ హీరోగా తెరకెక్కిన ఇచ్చట వాహనములు నిలుపరాదు సినిమాతో టాలీవుడ్ ఇండస్ట్రీలోకి ఎంట్రీ ఇచ్చిన ఈ అమ్మడు.. రెండో సినిమాలో రవితేజతో నటించే ఛాన్స్ కొట్టేసింది. ఇక మాస్ మాహారాజాతో కలిసి ధమాకాలో నటించి తన గ్లామర్ షోతో మంచి గుర్తింపు సంపాదించుకుంది. కానీ ఈ చిత్రం బాక్సాఫీస్ వద్ద పెద్దగా వర్కౌట్ కాలేదు.

ఆ తర్వాత అడివి శేష్ తో కలిసి హిట్-2లో యాక్ట్ చేసి అదరగొట్టేసింది. లిప్ లాక్ సీన్లలో ఓ రేంజ్ లో నటించి ఆకట్టుకుంది. ఇటీవల గుంటూరు కారం సినిమాలో మహేశ్ బాబుతో నటించింది ఈ బ్యూటీ. ఈ సినిమా మిక్స్ డ్ టాక్ దక్కించుకున్న విషయం తెలిసిందే. అయితే మీడియం రేంజ్ హీరోలతో కెరీర్ స్టార్టింగ్ లో నటించిన ఈ బ్యూటీ.. ఇప్పుడు స్టార్ కథానాయకుల సరసన యాక్ట్ చేస్తూ క్రేజీ బ్యూటీగా మారిపోయింది.

ఇదంతా పక్కన పెడితే.. మీనాక్షీ చౌదరి సోషల్ మీడియాలో ఫుల్ యాక్టివ్ గా ఉంటోంది. కొత్త కొత్త పిక్స్ షేర్ చేస్తూ అలరిస్తుంటోంది. తాజాగా సింపుల్ ప్లెయిన్ కాటన్ శారీలో దిగిన ఫొటోలను షేర్ చేసింది మీనాక్షీ చౌదరి. సూర్యాస్తమయం, ఒక మంచి బుక్, ఒక కప్పు చాయ్.. వన్ అండ్ ఓన్లీ సూపర్ కాంబో అంటూ క్యాప్షన్ ఇచ్చింది. ప్రస్తుతం మీనాక్షి కొత్త పిక్స్ సోషల్ మీడియాలో వైరల్ గా మారాయి.

సన్ సెట్ లో మీనాక్షి మెరిసిపోతుందని నెటిజన్లు కామెంట్లు పెడుతున్నారు. ఏమా అందం.. అంటూ రచ్చ రచ్చ చేస్తున్నారు. అమ్మడు బ్యూటీ నెస్ కు ఫిదా అయ్యామని చెబుతున్నారు. అప్ కమింగ్ స్టార్ హీరోయిన్ అంటూ నెట్టింట సందడి చేస్తున్నారు. ప్రస్తుతం మీనాక్షి.. ది గ్రేటెస్ట్‌ ఆఫ్‌ ఆల్‌ టైమ్స్‌ మూవీతో పాటు వరుణ్ తేజ్‌ మట్కా, దుల్కర్‌ సల్మాన్ లక్కీ భాస్కర్‌, విశ్వక్‌ సేన్‌ మెకానిక్ రాకీలో హీరోయిన్ గా నటిస్తోంది.

ఇటీవల టాలీవుడ్ సీనియర్ హీరో వెంకటేష్ మూవీలో హీరోయిన్ గా ఈమెకు ఛాన్స్ రాగా.. ఓకే చెప్పినట్లు తెలుస్తోంది. వెంకీ మామ, అనిల్ రావిపూడి దర్శకత్వంలో తెరకెక్కుతున్న సినిమాకు హీరోయిన్‌ గా మీనాక్షిని ఫైనల్ చేసిందట మూవీ టీమ్‌. విలేజ్‌ బ్యాక్‌ డ్రాప్‌ లో తెరకెక్కుతున్న మూవీ కావడంతో ఈ బ్యూటీ పర్ఫెక్ట్ ఛాయిస్ అని మేకర్స్ ఫీల్ అవుతున్నారట. మరి వరుస చిత్రాలతో మీనాక్షి స్టార్ లీగ్‌ లోకి ఎంట్రీ ఇస్తుందో లేదో చూడాలి.