గుంటూరు ఘాటు కి అప్పుడే లేడీ ఓరియేంటెడ్!

హ‌ర్యానా బ్యూటీ మీనాక్షి చౌద‌రి క్రేజ్ మామూలుగా లేదిప్పుడు. 'గుంటూరు కారం' త‌ర్వాత పుల్ బిజీ అయి పోయింది. ఒక్క స‌క్సెస్ అమ్మ‌డిని ఏకంగా స్టార్ హీరోల‌కి ప్ర‌మెట్ చేసింది. ప్ర‌స్తుతం కోలీవుడ్ ..టాలీవుడ్ స్టార్ హీరోల‌తో సినిమాలు చేస్తోంది. రెండు భాష‌ల్లోనూ ఐదారు సినిమాల్లో న‌టిస్తోంది. మెగాస్టార్ 'విశ్వంభ‌ర‌'లో సైతం కీల‌క పాత్ర‌పోషిస్తుంది. ఈ నేప‌థ్యంలో తాజాగా అమ్మ‌డు లేడీ ఓరియేంటెడ్ చిత్రానికి సైతం ప్ర‌మోట్ అయింది.

కోలీవుడ్ చిత్రం 'డీడీరిట‌ర్న్స్ -2' లో ఛాన్స్ అందుకుంది. మెయిన్ లీడ్ కి మీనాక్షినే ఎంపిక చేసిన‌ట్లు చిత్ర వర్గాల నుంచి తెలుస్తుంది. 'డీడీ రిట‌ర్న్స్' కి సీక్వెల్ గా ఈ చిత్రాన్ని ఎస్ ప్రేమ్ ఆనంద్ తెర‌కెక్కిస్తున్నారు. తొలుత మెయిన్ లీడ్ కోసం కొంత మంది భామ‌ల్ని ప‌రిశీలించి చివ‌రిగా ఆపాత్ర‌కు మీనాక్షి సూట్ అవు తుంద‌ని ఫైన‌ల్ చేసారుట‌. ఇదొక హార‌ర్ కామెడీ నేప‌థ్యంతో కూడిన చిత్రమ‌ని తెలుస్తోంది.

మొద‌టి భాగం అదే నేప‌థ్యంతో తెర‌కెక్కించి హిట్ అందుకున్నారు. మీనాక్షి కెరీర్ ఆరంభంలోనే ఇలాంటి ఛాన్స్ అందుకోవ‌డం విశేషం. లేడీ ఓరియేంటెడ్ చిత్రాల‌కు ప్ర‌మోట్ అవ్వాలంటే? చాలా సినిమాల్లో ప‌నిచేసి ఉండాలి. స్టార్ హీరోల‌తో చాలా సినిమాలు చేసిన అనుభ‌వం అవ‌సరం. ముఖ్యంగా బాక్సాఫీస్ వ‌ద్ద సోలోగా స‌త్తా చాట‌గ‌ల‌గాలి. ఈ విష‌యంలో మీనాక్షి ఇంకా ఎదిగే ద‌శ‌లో ఉంది.

అయినా వాటితో ప‌నిలేకుండా అమ్మ‌డిని ఎంపిక చేయ‌డం విశేషం. అయితే ఈ చిత్రాన్ని త‌మిళ్ లోనే తెర‌కెక్కిస్తారా? తెలుగులోనూ చేస్తారా? అన్న‌ది చూడాలి. ప్ర‌స్తుతం త‌మిళ్ లో త‌ల‌ప‌తి విజ‌య్ స‌ర‌స‌న 'గ్రేటెస్ట్ ఆఫ్ ఆల్ టైమ్' లో న‌టిస్తోంది. ఇది కోలీవుడ్ లో రెండ‌వ చిత్రం. గ‌త ఏడాది కోలై అనే చిత్రంలో న‌టించింది. కానీ అది పెద్ద‌గా ఆడ‌లేదు. మూడ‌వ ఛాన్స్ ఏకంగా లేడీ ఓరియేంటెడ్ చిత్ర‌మే ద‌క్కించుకుంది.