అనుష్క కోసం ఆ టీమ్ ఎదురుచూపులు..!

స్వీటీ అనుష్క నిశ్శబ్ధం సినిమా తర్వాత 3 ఏళ్లు గ్యాప్ తీసుకుని మిస్ శెట్టి మిస్టర్ పొలిశెట్టి సినిమా చేసింది. నవీన్ పొలిశెట్టి సరసన హీరోయిన్ గా ఛాన్స్ అందుకున్న అనుష్క సినిమా రిలీజ్ దగ్గర పడుతున్నా కూడా ప్రమోషన్స్ లో పాల్గొనడం లేదు. మహేష్ డైరెక్షన్ లో యువి క్రియేషన్స్ బ్యానర్ లో తెరకెక్కిన మిస్ శెట్టి మిస్టర్ పొలిశెట్టి సినిమా ఫన్ ఫిల్డ్ ఎంటర్టైనర్ గా వస్తుంది. ఈ సినిమాను ఇప్పటివరకు నవీన్ పొలిశెట్టి మాత్రమే ప్రమోట్ చేస్తూ వస్తున్నాడు. సెప్టెంబర్ 7న రిలీజ్ అవుతున్న ఈ సినిమా ప్రమోషన్స్ లో ఇప్పటివరకు అనుష్క ప్రమోషన్స్ కు రాలేదు.

ముఖ్యంగా అనుష్క ఇమేజ్ తోనే సినిమా మార్కెట్ జరిగింది. నవీన్ కూడా రీసెంట్ గా డబుల్ హిట్స్ తో సూపర్ ఫాం లో ఉన్నా అతని మీద కన్నా అనుష్క మీదే గురితో ఈ సినిమా బిజినెస్ జరిగింది. కేవలం అనుష్క ఉందని సినిమాకు వచ్చే క్రేజీ ఫ్యాన్స్ ఉన్నారని తెలిసిందే. నవీన్ అనుష్క ఈ వెరైటీ కాంబోలో వస్తున్న ఈ సినిమా విషయంలో మేకర్స్ మాత్రం చాలా కాన్ఫిడెంట్ గా ఉన్నారు.

బాహుబలి, భాగమతి తర్వాత కూడా నిశ్శబ్ధం కోసం అనుష్క గ్యాప్ తీసుకుంది. ఇక మిస్ శెట్ట్ మిస్టర్ పొలిశెట్టి కూడా 3 ఏళ్ల కెరీర్ గ్యాప్ తో చేసింది. రిలీజ్ దగ్గర పడుతుంది కాబట్టి ఇక మీదట అయినా అనుష్క ప్రమోషన్స్ లో పాల్గొంటే సినిమాకు హెల్ప్ అవుతుంది లేకపోతే మాత్రం చాలా ఎఫెక్ట్ పడుతుంది. ఈరోజు ట్రైలర్ రిలీజ్ కూడా ఉంది. మరి అనుష్క కేవలం సోషల్ మీడియాలో మెసేజ్ ప్రమోషన్స్ కాకుండా డైరెక్ట్ ప్రమోషన్స్ లో పాల్గొంటే చూడాలని ఫ్యాన్స్ కోరుతున్నారు.

అయితే అనుష్క ఇమేజ్ తన సినిమాకు ఎంత ప్లస్ అవుతున్నా సినిమా చూసిన ఆడియన్స్ నవీన్ టాలెంట్ గుర్తించేలా కూడా తన పాత్ర ఉంటుందని నవీన్ నమ్మకంగా ఉన్నాడు. ఏజెంట్ సాయి శ్రీనివాస్ ఆత్రేయ, జాతిరత్నాలు ఈ రెండు సినిమాల తర్వాత నవీన్ పొలిశెట్టి చేస్తున్న ఈ సినిమా ఆ సక్సెస్ ని రిపీట్ చేస్తుందా లేదా అన్నది చూడాలి. తన మార్క్ ఎంటర్టైనింగ్ సినిమాలతో కెరీర్ ప్లానింగ్ లో ఉన్న కొత్త కథలతో ప్రేక్షకులను అలరించాలని చూస్తున్నాడు. ఈ సినిమా తర్వాత నవీన్ పొలిశెట్టి అనగనగా ఒక రాజు సినిమా చేస్తున్నాడు. సితార ఎంటర్టైన్మెంట్స్ బ్యానర్ లో తెరకెక్కుతున్న ఈ సినిమాను కళ్యాణ్ శంకర్ డైరెక్ట్ చేస్తున్నారు.