అనుష్క‌తో న‌వీన్ రొమాన్స్..లోలోప‌ల ఆనందం!
అనుష్క ఇప్పుడు సినిమాలు త‌గ్గించొచ్చు. కానీ ఆమె తెలుగు ప‌రిశ్ర‌మ‌లో ఎంత ఫేమ‌స్ అన్న‌ది తెలిసిందే.
అనుష్క ఇప్పుడు సినిమాలు త‌గ్గించొచ్చు. కానీ ఆమె తెలుగు ప‌రిశ్ర‌మ‌లో ఎంత ఫేమ‌స్ అన్న‌ది తెలిసిందే. అమ్మ‌డిని కోట్లాది మంది అభిమానిస్తారు. న‌వ నాయిక‌ల‌కు అమ్మ‌డు ఓ రోల్ మోడ‌ల్ లా నిలించింది. స్టార్ హీరోలంద‌రితో న‌టించింది. లేడీ ఓరియేంటెడ్ చిత్రాల్లోనూ స‌త్తా చాటింది. అలాంటి అనుష్క‌తో న‌వీన్ పొలిశెట్టి సినిమా అంటే? అంతా ఒకింత ఆశ్చ‌ర్యానికి గురైన సంగ‌తి తెలిసిందే.
అనుష్క స‌ర‌స‌న న‌వీన్ ఏంటిని విమ‌ర్శించిన వాళ్లు లేక‌పోలేదు. స్టార్ హీరోలు మాత్రమే న‌టించాల్సిన స్థానంలో న‌వీన్ క‌నిపించేస‌రికి కొంత మందికి క‌న్ను కుట్టింది. `మిస్ శెట్టి..మిస్ట‌ర్ పొలిశెట్టి` సినిమాలో ఇద్ద‌రు జంట‌గా న‌టిస్తోన్న సంగ‌తి తెలిసిందే. మ‌రి ఇలాంటి ఛాన్స్ అందుకున్న న‌వీన్ మ‌న‌సులో ఏమ‌నుకుంటున్నాడో? తెలుసా? అనుష్క స‌ర‌స‌న ఛాన్స్ అనేస‌రికి తాను కూడా షాక్ అయ్యాడుట.
ఆనందంతో ఉబ్బి త‌బ్బిబ్బాడుట. త‌న ఆనందాన్ని పైకి చెప్ప‌లేక‌పోయాడు కానీ లోలోప ఎంత సంతోష ప‌డ్డాను త‌న‌కు మాత్రమే తెలుసని...ఆ విష‌యం తెలిసిన త‌ర్వాత తాను గురైన అనుభూతి ఎప్ప‌టికీ గుర్తుండిపోతుంద‌న్నాడు. అనుష్క న‌టించిన అరుంధతి సినిమా అంటే ఎంతో ఇష్ట‌మ‌ట. ఇప్ప‌టివ‌ర‌కూ ఆ సినిమా ఎన్నోసార్లు చూసాడుట. అయితే ఈ సినిమా ద్వారా ఇద్ద‌రు ఎందుకు క‌లిసి న‌టించాము? అన్న‌ది సినిమా చూసిన త‌ర్వాత ప్రేక్ష‌కుల‌కు తెలుస్తుంద‌న్నాడు.
ఇందులో న‌వీన్ స్టాండ‌ప్ క‌మెడియ‌న్ పాత్ర పోషిస్తున్నాడు. ఇంత‌వ‌ర‌కూ ఇలాంటి ప్ర‌య‌త్నం ఎవ‌రు చేయ‌లేదు. తొలిసారి ఓ కొత్త ప్ర‌య‌త్నం చేస్తున్నామ‌ని..ఆ పాత్ర‌కోసం చాలా రీసెర్చ్ చేయాల్సి వ‌చ్చింద‌ని న‌వీన్ తెలిపాడు. `జాతిర‌త్నాలు` సినిమాతో న‌వీన్ పొలిశెట్టి బాగా ఫేమ‌స్ అయిన సంగ‌తి తెలిసిందే. అంత‌కు ముందు చేసిన రెండు సినిమాలు మంచి గుర్తింపును తీసుకొచ్చాయి. న‌టుడిగా త‌న‌కంటూ ఓ ఐడెంటీని సంపాదించుకున్నాడు.