మిస్ శెట్టి.. మిస్టర్ పొలిశెట్టి.. మెగా రివ్యూ

నవీన్ పోలిశెట్టి అనుష్క శెట్టి జంటగా నటించిన మిస్ శెట్టి మిస్టర్ పోలిశెట్టి సినిమా ఈనెల 7వ తేదీన గ్రాండ్గా విడుదల కాబోతోంది. చాలాసార్లు ఈ సినిమా వాయిదా పడిన విషయం తెలిసిందే. ఇక ఇప్పుడు పోటీగా జవాన్ సినిమా ఉన్నప్పటికీ కూడా ఈసారి వెనుకడుగు వేయకుండా ప్రేక్షకులను ఆకట్టుకునేందుకు సిద్ధమైంది. ఇక ఈ సినిమా ప్రమోషన్స్ మొత్తం కూడా మొత్తం నవీన్ పోలిశెట్టి తన భుజాల పైనే మూసుకొని వెళుతున్నాడు.

అనుష్క శెట్టి ఇప్పటివరకు పెద్దగా ప్రమోషన్స్ అయితే చేయలేదు. కానీ నవీన్ మాత్రం ఈ సినిమాకు మంచి బాక్సాఫీస్ ఓపెనింగ్స్ రావాలి అని గ్యాప్ లేకుండా గత నెల రోజుల నుంచి అన్ని రకాల ప్రమోషన్స్ చేసే ప్రయత్నాలు అయితే చేస్తున్నాడు. ఇప్పటికే ఆంధ్రలో చాలా ఏరియాలలో తిరిగిన అతను రీసెంట్గా కొన్ని కాలేజీలలో కూడా యువతను ఆకట్టుకునే విధంగా స్పీచ్ లు కూడా ఇచ్చాడు.

అయితే సినిమాకు కేవలం నవీన్ శెట్టి ఆధారంగానే హైప్ వస్తోంది అని చెప్పాలి. ట్రైలర్ పర్వాలేదు అనే విధంగా కట్టుకుంది. ఇక సాంగ్స్ అయితే ఏమంత మాత్రం అట్రాక్ట్ చేయలేదు. ఇక ఇప్పుడు విడుదల తర్వాతనే టాక్ ను బట్టి సినిమా రిజల్ట్ ఆధారపడి ఉంటుంది అని చెప్పవచ్చు. ఈ సినిమాకు కొంచెం బూస్ట్ ఇచ్చే విధంగా మెగాస్టార్ చిరంజీవి సోషల్ మీడియా ద్వారా తన రివ్యూ ను అందించాడు. ఇప్పటివరకు సెలబ్రిటీలలో ఆయనే ఈ సినిమాను మొదట చూడడం విశేషం.

మిస్ శెట్టి - మిస్టర్ పోలిశెట్టి' చూశాను.. మొదటి నుంచి చివరి దాకా ఎంతగానో ఆకట్టుకున్న హిలేరియస్ ఎంటర్టైనర్. నేటి యువత ఆలోచనా విధానాన్ని రిఫ్లెక్ట్ చేస్తూ తీసుకున్న సరికొత్త కధాంశం, 'జాతి రత్నాలు' కి రెట్టింపు ఎనర్జీ ని, వినోదాన్ని అందచేసిన నవీన్ పోలిశెట్టి, కొంచెం గ్యాప్ తర్వాత కనిపిస్తున్నా మరింత అందంగా, బ్యూటిఫుల్ గా వున్న మనందరి 'దేవసేన', అనూష్క శెట్టి లు ఈ చిత్రానికి ప్రాణం పోశారు.

ఫుల్ లెంగ్త్ ఎంటర్టైనర్ అవటంతో పాటు ఎమోషన్స్ ని కూడా అద్భుతంగా మిక్స్ చేసి రక్తి కట్టించేలా రూపుదిద్దిన డైరెక్టర్ మహేష్ బాబుని ని అభినందించాల్సిందే. ఈ చిత్రానికి తొలి ప్రేక్షకుడ్ని నేనే.. ఆ హిలేరియస్ మూమెంట్స్ ఎంతగానో ఎంజాయ్ చేశాను. మరోసారి థియేటర్ లో ప్రేక్షకులందరి తోనూ ఎంజాయ్ చేయాలన్న బలమైన కోరిక నాకు కలిగింది. మిస్ శెట్టి - మిస్టర్ పోలిశెట్టి 100% ఆడియన్స్ ని నవ్వుల బాట పట్టిస్తారనటంలో సందేహం లేదు. అని మెగాస్టార్ చిరంజీవి సోషల్ మీడియాలో వివరణ ఇచ్చారు.