మోక్షజ్ఞ విలన్.. మన హీరోనే?

నందమూరి నటసింహ బాలకృష్ణ వారసుడిగా మోక్షజ్ఞ టాలీవుడ్ లోకి ఎంట్రీ ఇస్తున్నాడు. ప్రశాంత్ వర్మ దర్శకత్వంలో సూపర్ హీరో కథాంశంతో తెరకెక్కనున్న సినిమాతో పాన్ ఇండియా స్థాయిలో గ్రాండ్ గా లాంచ్ కాబోతున్నాడు. రీసెంట్ గా ఈ సినిమా ఎనౌన్సమెంట్ జరిగింది. ప్రస్తుతం మూవీ ప్రీప్రొడక్షన్ వర్క్ జరుగుతున్నట్లు తెలుస్తోంది. అలాగే క్యాస్టింగ్ ని ఫైనల్ చేసే పనిలో ప్రశాంత్ వర్మ ఉన్నారు.

ప్రశాంత్ వర్మ సినిమాటిక్ యూనివర్స్ నుంచి రాబోతున్న ఈ సూపర్ హీరో సినిమా కోసం ఎలాంటి కథని తీసుకుంటున్నారనేది క్లారిటీ లేదు. ఇదిలా ఉంటే ఈ చిత్రంలో మోక్షజ్ఞకి జోడీగా బాలీవుడ్ స్టార్ వారసురాలిని ఎంపిక చేయాలని ప్రశాంత్ వర్మ అనుకుంటున్నారు. అందులో భాగంగా చాలా మంది పేర్లు పరిశీలిస్తున్నారు. అయితే ఇంకా ఎవరిని కన్ఫర్మ్ చేయలేదు. ఇప్పుడు ఈ సినిమా గురించి మరో న్యూస్ తెరపైకి వచ్చింది.

సినిమాలో ప్రతినాయకుడిగా టాలీవుడ్ హీరో రానా దగ్గుబాటిని తీసుకోవాలని ప్రశాంత్ వర్మ ప్లాన్ చేస్తున్నాడంట. ఇప్పటికే అతనితో సంప్రదింపులు జరిపినట్లు టాక్ వినిపిస్తోంది. అయితే రానా ఇంకా దీనిపై ఎలాంటి క్లారిటీ ఇవ్వలేదని అనుకుంటున్నారు. మోక్షజ్ఞ సినిమా మూవీ కోసం రానా పేరు తెరపైకి రావడంతో ఈ చిత్రంపై బజ్ క్రియేట్ అయ్యింది. ఒక వేళ ఈ సినిమాలో రానా విలన్ గా నటించడానికి ఒకే చెబితే మాత్రం పాన్ ఇండియా లెవల్ లో మోక్షజ్ఞ చిత్రానికి మంచి క్రేజ్ లభిస్తుంది.

గత కొంతకాలంగా రానా కూడా మంచి ప్రాధాన్యత ఉన్న క్యారెక్టర్స్ లలో ఇతర హీరోలతో కలిసి స్క్రీన్ షేర్ చేసుకోవడానికి ఆసక్తి చూపిస్తున్నారు. ‘వేట్టయన్’ మూవీలో రానా విలన్ గా నటించారు. అలాగే దుల్కర్ తో కలిసి ఒక సినిమా చేస్తున్నారు. మరికొన్ని సినిమాలు డిస్కషన్ స్టేజ్ లో ఉన్నాయి. ఇప్పుడు మోక్షజ్ఞ సినిమా కోసం రానా పేరు తెరపైకి రావడం ఆసక్తికరంగా మారింది.

నవంబర్ నెల ఆఖరుని మోక్క్షజ్ణ సినిమాలో క్యాస్టింగ్ ఎవరనేది ఒక స్పష్టత వచ్చే అవకాశం ఉందనే మాట టాలీవుడ్ సర్కిల్ లో వినిపిస్తోంది. అలాగే డిసెంబర్ లో ఈ సినిమా రెగ్యులర్ షూటింగ్ స్టార్ట్ చేయొచ్చని అనుకుంటున్నారు. సుధాకర్ చెరుకూరి, తేజస్విని నందమూరి మోక్షజ్ఞ చిత్రాన్ని భారీ బడ్జెట్ తో నిర్మిస్తున్నారు. వచ్చే ఏడాది ఆఖరులో లేదంటే 2026 ప్రథమార్ధంలో ఈ మూవీ థియేటర్స్ లోకి వచ్చే అవకాశం ఉంది.