నాన్న కోసం ఇంకాస్త టైం కేటాయించలేవా..?

నాని హీరోగా రూపొందిన హాయ్‌ నాన్న సినిమా విడుదలకు సిద్ధం అయింది. డిసెంబర్ 7న విడుదల అవ్వబోతున్న హాయ్ నాన్న సినిమా ప్రమోషన్ కార్యక్రమాల్లో నాని సోలోగా కనిపిస్తున్నాడు. నెల రోజుల ముందు నాని మరియు మృణాల్ ఠాకూర్ లు కలిసి ఇంటర్వ్యూలు ఇచ్చారు. అలాగే సరదా చిట్ చాట్‌ ల్లో పాల్గొన్నారు. ఇప్పుడేమో నాన్న నానికి మృణాల్‌ హ్యాండ్‌ ఇచ్చింది.

ముందుగా ప్లాన్‌ చేసిన షూటింగ్‌ అవ్వడం తో విజయ్ దేవరకొండ ఫ్యామిలీ స్టార్‌ కోసం మృణాల్‌ ముంబయిలో ఉందట. హైదరాబాద్‌ లో అయినా ఏదో ఒక సమయంలో హాయ్ నాన్న ప్రమోషన్ కార్యక్రమాల్లో పాల్గొనే అవకాశం ఉండేది. కానీ మృణాల్‌ కి ఆ అవకాశం లేదు అంటూ చిత్ర యూనిట్‌ సభ్యులు ఆవేదన వ్యక్తం చేస్తున్నారు.

హాయ్‌ నాన్న సినిమా షూటింగ్‌ కోసం ముందుగా చెప్పిన డేట్ల కంటే మృణాల్ అదనంగా కేటాయించారు అంటూ యూనిట్‌ సభ్యుల ద్వారా తెలుస్తోంది. అలాంటిది ఇప్పుడు ప్రమోషన్ కోసం వారం రోజుల సమయం కేటాయించలేవా అంటూ నాని అభిమానులు మృణాల్ కు విజ్ఞప్తి చేస్తున్నారట.

విడుదలకు ఇంకా రెండు వారాల సమయం ఉంది. కచ్చితంగా చివరి వారంలో అయినా మృణాల్‌ మీడియా ముందుకు నాన్న కోసం వస్తుందని నాని ఫ్యాన్స్ నమ్మకంగా ఉన్నారు. సీతారామం సినిమా తర్వాత మృణాల్ నుంచి రాబోతున్న తెలుగు సినిమా ఇదే అనే విషయం తెల్సిందే. ఈ సినిమా తో మృణాల్ తన క్రేజ్, స్టార్ డమ్‌ ను మరింత పెంచుకోవడం ఖాయంగా కనిపిస్తోంది. కనుక ప్రమోషన్ చేసి తన వంతు సినిమా పబ్లిసిటీకి సహకారం అందించాల్సిన అవసరం ఉంది.