మిస్ శెట్టితో ఈసారి పక్కా అంటున్న పొలిశెట్టి

రిలీజ్ డేట్ విషయంలో చాలా రోజులుగా కన్ఫ్యూజన్ క్రియేట్ చేస్తున్న మిస్ శెట్టి మిస్టర్ పోలిశెట్టి సినిమా ఎట్టకేలకు మరొక కొత్త రిలీజ్ డేట్ ను ఫిక్స్ చేసుకుంది. అసలైతే ఈ సినిమాను ఈ ఏడాది సమ్మర్ లోనే ప్రేక్షకుల ముందుకు తీసుకురావాలని అనుకున్నారు. చాలాకాలం తర్వాత అనుష్క నుంచి వస్తున్న సినిమా కావడంతో ఓవర్గం ఆడియన్స్ లో కూడా ఈ సినిమాపై అంచనాలు పెరిగాయి.

అంతేకాకుండా జాతి రత్నాలు సినిమాతో మంచి సక్సెస్ అందుకున్న నవీన్ పోలిశెట్టి హీరోగా నటించిన ఈ సినిమాకు మంచి పాజిటివ్ వైబ్రేషన్స్ అయితే పెరిగాయి. పి మహేష్ బాబు దర్శకత్వంలో తెరపైకి వస్తున్నా ఈ సినిమాను యు.వి క్రియేషన్స్ నిర్మిస్తోంది. ఇక సినిమాను ఆగస్టు మొదటి వారంలోనే విడుదల చేయాలని కూడా అనుకున్నారు.

కానీ మిగతా సినిమాల నుంచి పోటీ ఎక్కువగా ఉండడం అలాగే కాస్త పోస్ట్ ప్రొడక్షన్ పనుల్లో కూడా జాప్యం జరగడంతో నిర్మాతలు ఆలస్యంగా ఈ సినిమాను విడుదల చేయాల్సి వస్తోందని అన్నారు. ఇక ఎట్టి పరిస్థితుల్లోనూ ఈ సినిమాను ఈసారి అనుకున్న టైమ్ కు విడుదల చేయాలి అని ఫిక్స్ అయ్యారు. ఇక డిఫరెంట్ స్టైల్ లో హీరో నవీన్ రిలీజ్ డేట్ ను కూడా ప్రకటించేసాడు.

రంగస్థలం ఫేమ్ మహేష్ తో ఒక స్పెషల్ వీడియో ద్వారా ఈ ప్రకటన ఇచ్చారు. ఆ కామెడీ వీడియోలో మహేష్ అయితే నీ సినిమాకు వేరే సినిమాలు క్లాష్ అవుతాయని అందుకే 2009లో విడుదల చేసుకోమని చెప్పడంతో నవీన్ ఏ కృష్ణ అనడం, ఆ తర్వాత ఉట్టి కొట్టి మరి సెప్టెంబర్ 7వ తేదీన శ్రీకృష్ణ జన్మాష్టమి సందర్భంగా మిస్ శెట్టి మిస్టర్ పోలీస్ షెట్టి సినిమా గ్రాండ్ గా విడుదల కాబోతోంది అని వివరణ ఇచ్చాడు. ప్రమోషన్ లో తన స్టైల్ యూనిక్ అని మరోసారి పొలిశెట్టి నిరూపించాడు.

ఎట్టకేలకు సినిమాపై అధికారికంగా క్లారిటీ రావడంతో మళ్లీ నవీన్ పోలీశెట్టి హడావిడి మొదలు కాబోతున్నట్లు అర్థమవుతుంది. కాకపోతే అదే సమయానికి బాలీవుడ్ బిగ్ మూవీ జవాన్ కూడా విడుదల కాబోతోంది. అయితే ఈ డేట్ మిస్ అయితే మళ్ళీ మరొక డేట్ కు మరికొన్ని సినిమాలతో క్లాష్ అయ్యే ఛాన్స్ ఉంది కాబట్టి జవాన్ తోనే పోటీకి సిద్ధం అవ్వడం బెటర్ అని యూవి క్రియేషన్స్ ఫిక్స్ చేసుకుంది. మరి ఈ సినిమా బాక్స్ ఆఫీస్ వద్ద ఎలాంటి ఫలితాన్ని అందుకుంటుందో చూడాలి.