జూనియర్ ఫ్యాన్స్ కు నందమూరి హీరో మాస్ వార్నింగ్!

నందమూరి ఫ్యామిలీ నుంచి హీరోగా మరో వారసుడు కొన్ని నెలల క్రితం ఇండస్ట్రీలోకి ఎంట్రీ ఇచ్చిన విషయం తెలిసిందే. దివంగత ఎన్టీఆర్ పెద్ద కుమారుడు జయకృష్ణ కొడుకు చైతన్య కృష్ణ.. బ్రీత్ మూవీతో హీరోగా మారారు. అయితే 2003లో ధమ్ సినిమాతో ఇండస్ట్రీకి పరిచయమైన ఆయన.. 20 ఏళ్ల తర్వాత హీరోగా బ్రీత్ మూవీ చేశారు. గత ఏడాది డిసెంబర్ 2వ తేదీ విడుదలైన ఈ చిత్రం బాక్సాఫీస్ వద్ద డిజాస్టర్ గా మిగిలింది.

డైరెక్టర్ వంశీ కృష్ణ ఆకెళ్ల దర్శకత్వం వహించిన బ్రీత్ సినిమా రిలీజ్ సమయంలో చైతన్య కృష్ణపై చాలా ట్రోల్స్ వచ్చాయి. చెప్పాలంటే ఓ రేంజ్ లో నెటిజన్లు ఆడుకున్నారు. అయితే సోషల్ మీడియాలో చైతన్య కృష్ణ.. ఎప్పుడూ యాక్టివ్ గా ఉంటారు. తెలుగుదేశం పార్టీకి మద్దతుగా పోస్టులు పెడుతుంటారు. కొన్నిసార్లు తనపై ట్రోల్స్ చేసిన వారికి గట్టిగా కౌంటర్లు ఇస్తుంటారు. ఇప్పుడు మరోసారి వార్తల్లో నిలిచారు చైతన్య కృష్ణ.

తాజాగా చైతన్య కృష్ణ.. సంచలన పోస్ట్ పెట్టారు. జూనియర్(తారక్) ఫ్యాన్స్ కు సోషల్ మీడియా వేదికగా వార్నింగ్ ఇచ్చారు. "వైసీపీ నేతలు కొడాలి నాని, వల్లభనేని వంశీకి సపోర్ట్ చేసిన జూనియర్ ఫ్యాన్స్ కు ఇదే నా వార్నింగ్. మీరు సపోర్ట్ చేశారు అని అంటున్నారు. మీరు ఎవరు నా బొ*చ్చు కూడా పీకలేరు. నేను ఉండగా చంద్రబాబు మావయ్య, నందమూరి బాలకృష్ణ బాబాయ్ ను ఎవరు టచ్ చెయ్యలేరు" అని ఘాటు వ్యాఖ్యలు చేశారు.

తన సినిమా రిలీజ్ సమయంలో జూనియర్ ఫ్యాన్స్, వైఎస్సార్ సీపీ వాళ్లు తనను బాగా ట్రోల్ చేశారని తెలిపారు చైతన్య కృష్ణ. ఇప్పుడు జాగ్రత్త గా ఉండాలని ఆయన మాస్ వార్నింగ్ ఇచ్చారు. ప్రస్తుతం చైతన్య కృష్ణ పోస్ట్ నెట్టింట వైరల్ గా మారింది. దీంతో జూనియర్ ఎన్టీఆర్ ఫ్యాన్స్ రకరకాలుగా స్పందిస్తున్నారు. సోషల్ మీడియాలో ఈ పోస్ట్ కోసమే చర్చ నడుస్తోంది. వైసీపీ ఫ్యాన్స్ కూడా ట్వీట్లు చేస్తున్నారు.

ఇటీవల తారక్ బర్త్ డే సందర్భంగా.. గుడివాడ వైసీపీ అభ్యర్థి కొడాలి నాని సోషల్ మీడియాలో విషెస్ చెప్పిన విషయం తెలిసిందే. తారక్ తో పాటు తాను సన్నిహితంగా ఉన్న ఓల్డ్ పిక్ ను ఆయన షేర్ చేశారు. పలుమార్లు.. టీడీపీ, తారక్ ను ఉద్దేశించి ఆసక్తికర వ్యాఖ్యలు కూడా చేశారు. అప్పట్లో ఆ వ్యాఖ్యలు.. ఓ రేంజ్ లో వైరల్ అయ్యాయి. ఇప్పుడు చైతన్య కృష్ణ పోస్ట్ తో మరోసారి వైరల్ అవుతున్నాయి.