నాని మూవీ... రూమర్స్ వద్దు ప్లీజ్‌
నేచురల్‌ స్టార్ నాని బ్యాక్ టు బ్యాక్ సక్సెస్‌ లతో దూసుకు పోతున్నాడు. తాజాగా వచ్చిన సరిపోదా శనివారం సినిమా కు మంచి రెస్పాన్స్ వచ్చింది.
నేచురల్‌ స్టార్ నాని బ్యాక్ టు బ్యాక్ సక్సెస్‌ లతో దూసుకు పోతున్నాడు. తాజాగా వచ్చిన సరిపోదా శనివారం సినిమా కు మంచి రెస్పాన్స్ వచ్చింది. మంచి ఓపెనింగ్స్ వచ్చిన ఈ సినిమా భారీ వసూళ్లు నమోదు చేసే అవకాశాలు ఉన్నాయని భావిస్తున్న సమయంలో తెలుగు రాష్ట్రాల్లో వర్షాలు, వరదల కారణంగా కాస్త డల్ అయింది. పరిస్థితి కుదుట పడ్డ తర్వాత మళ్లీ సినిమాకు మంచి వసూళ్లు నమోదు అయ్యే అవకాశాలు ఉన్నాయని బాక్సాఫీస్ వర్గాల వారు అభిప్రాయం వ్యక్తం చేస్తున్నారు. ఇదే సమయంలో నాని తదుపరి సినిమా గురించి సోషల్‌ మీడియాలో పుకార్ల మీద పుకార్లు షికార్లు చేస్తున్నాయి.
నాని తదుపరి సినిమా ఇప్పటికే శ్రీకాంత్ ఓదెల దర్శకత్వంలో అంటూ కన్ఫర్మ్‌ అయ్యింది. గత సంవత్సరం నాని, శ్రీకాంత్ ఓదెల కాంబోలో వచ్చిన దసరా సినిమా పాజిటివ్ రెస్పాన్స్ దక్కించుకుంది. అయితే కమర్షియల్‌ గా మాత్రం ఆశించిన స్థాయిలో సంతృప్తి పరచలేక పోయింది. దసరా పాన్‌ ఇండియా భారీ హిట్‌ ను సొంతం చేసుకుంటుందని భావిస్తే ప్రశంసల వరకు వచ్చి, కలెక్షన్ తగ్గాయి. కానీ ఈసారి ఏమాత్రం తప్పు జరగకుండా నానితో ఒక కమర్షియల్‌ బ్లాక్‌ బస్టర్‌ ను తీసేందుకు దర్శకుడు శ్రీకాంత్ ఓదెల ప్లాన్‌ చేస్తున్నాడు. ఇప్పటికే సినిమాకు సంబంధించిన అధికారిక ప్రకటన వచ్చిన విషయం తెల్సిందే.
సినిమా గురించి ఇప్పటి వరకు సోషల్‌ మీడియాలో జరుగుతున్న తప్పుడు ప్రచారం, సినిమా గురించి వస్తున్న పుకార్ల గురించి చిత్ర యూనిట్‌ సభ్యుల నుంచి స్పందన వచ్చింది. సినిమా గురించి తప్పుడు ప్రచారం వ్యాప్తి చేయవద్దంటూ టీం ఒక ప్రెస్‌ నోట్‌ ను విడుదల చేయడం జరిగింది. అందులో... సినిమా గురించి పుకార్లు ప్రచారం చేయడం ద్వారా ఆసక్తి దెబ్బతింటుంది. సోషల్‌ మీడియాలో జరుగుతున్న తప్పుడు ప్రచారం చూస్తూ ఉంటే చాలా బాధగా ఉంది. నాని - ఓదెల కాంబోలో వస్తున్న సినిమాకు మాకు అత్యంత ప్రతిష్టాత్మకమైనది. పాన్‌ ఇండియా రేంజ్ లో ఈ సినిమా భారీ ఎత్తున విడుదల చేసేందుకు మేము ప్లాన్‌ చేస్తున్నాం.
తెలుగు ప్రేక్షకులు మాత్రమే కాకుండా అన్ని భాషల ప్రేక్షకులు కూడా ఈ సినిమా కోసం వెయిట్ చేస్తున్నారు. దర్శకుడు బెస్ట్‌ అవుట్‌ పుట్ ఇచ్చేందుకు చాలా కష్టపడుతున్నాడు. ఫేక్ న్యూస్ వల్ల టీం మెంబర్స్ ఫోకస్‌ తగ్గే అవకాశం ఉంది. ఇప్పటి వరకు మీడియాలో వచ్చిన వార్తలు, పుకార్లు పట్టించుకోకండి. సినిమాకు సంబంధించిన ఏ విషయం అయినా మేము అధికారికంగా ప్రకటించే వరకు నమ్మవద్దు. ముందు ముందు మా నుంచి ఆసక్తికర అప్‌డేట్స్ మీ అందరి కోసం వస్తాయి. తప్పకుండా సినిమా ది బెస్ట్‌ గా ఉండే విధంగా ప్లాన్‌ చేస్తున్నాం అంటూ మేకర్స్‌ ప్రెస్‌ నోట్‌ లో పేర్కొన్నారు.