నితిన్ వెంకీ మ్యాజిక్ రిపీట్ చేస్తారా..?

భీష్మ సినిమాతో హిట్ అందుకున్న డైరెక్టర్ హీరో కాంబో మరో సినిమాతో వస్తున్నారు. ఈసారి రాబిన్ హుడ్ అంటూ ఒక సరికొత్త కథతో వస్తున్నారు. ఛలో, భీష్మ సినిమాలతో డైరెక్టర్ గా వెంకీ కుడుముల ఒక మార్క్ సెట్ చేసుకున్నాడు. భారీ బడ్జెట్.. నానా హంగామా లేకుండా జస్ట్ ఆడియన్స్ కు కావాల్సిన ఎంటర్టైన్మెంట్ అందిస్తే చాలు వారు సినిమా హిట్ చేస్తారనే కాన్సెప్ట్ ఫాలో అవుతున్నాడు వెంకీ కుడుముల. ఆ క్రమంలోనే మొదటి సినిమా ఛలో.. రెండో సినిమా భీష్మ హిట్ అందుకున్నాడు.

భీష్మ సినిమాతో నితిన్ కి మంచి హిట్ ఇచ్చిన వెంకీ మరోసారి ఆ హీరోతోనే సినిమా చేస్తున్నాడు. ఈసారి రాబిన్ హుడ్ అంటూ ఒక క్రేజీ సినిమాతో వస్తున్నాడు వెంకీ. రాబిన్ హుడ్ ఫస్ట్ గ్లింప్స్ తోనే సినిమాపై బజ్ ఏర్పడేలా చేసిన డైరెక్టర్ ఈ సినిమాతో హ్యాట్రిక్ హిట్ టార్గెట్ పెట్టుకున్నాడు. ఆడియన్స్ ని ఎంటర్టైన్ చేయడంలో నితిన్ కి ఒక స్పెషల్ స్టైల్ ఉంది.

ఆ స్టైల్ ని ఫాలో అయ్యి మంచి కథ కథనం ఉంటే చాలు సినిమా సక్సెస్ అయినట్టే. వెంకీ తో ఆల్రెడీ భీష్మ తీసిన అనుభవం ఎలాగు ఉంది కాబట్టి రాబిన్ హుడ్ కి అది కలిసి వచ్చే అంశమే అని చెప్పొచ్చు. నితిన్, వెంకీ కలిసి భీష్మ మ్యాజిక్ ని రిపీట్ చేయాలని చూస్తున్నారు. ప్రస్తుతం సెట్స్ మీద ఉన్న ఈ సినిమా అవుట్ పుట్ పై మేకర్స్ సూపర్ సాటిస్ఫైడ్ గా ఉన్నట్టు తెలుస్తుంది.

మైత్రి మూవీ మేకర్స్ నిర్మిస్తున్న ఈ సినిమాలో హీరోయిన్ గా ముందు రష్మిక మందన్నని అనుకున్నారు. అయితే సినిమా నుంచి అమ్మడు ఎగ్జిట్ అయినట్టు టాక్. సినిమా ఓ పక్క షూటింగ్ జరుపుకుంటున్నా సరే హీరోయిన్ ఎవరన్న కన్ ఫ్యూజన్ మాత్రం క్లారిటీ రాలేదు. నితిన్ తో వెంకీ చేస్తున్న ఈ మలి ప్రయత్నం ఎలా ఉండబోతుందో చూడాలి. మెగాస్టార్ చిరంజీవితో సినిమా మిస్ చేసుకున్న వెంకీ నితిన్ తో హిట్ కొట్టి మరోసారి తన సత్తా చాటాలని చూస్తున్నాడు. ఎక్స్ ట్రాడినరీ మ్యాన్ తో ఆడియన్స్ మెప్పు పొందడంలో విఫలమైన నితిన్ రాబిన్ హుడ్ తో పక్కా హిట్ టార్గెట్ పెట్టుకున్నాడని తెలుస్తుంది.