శ్రీలీల బెస్ట్‌.. ఆ విషయాన్ని ఒప్పేసుకున్న నితిన్
నితిన్, శ్రీలీల జంటగా వక్కంతం వంశీ దర్శకత్వంలో రూపొందిన ఎక్స్‌ట్రా ఆర్డినరీ సినిమా విడుదలకు సిద్ధం అయింది.
నితిన్, శ్రీలీల జంటగా వక్కంతం వంశీ దర్శకత్వంలో రూపొందిన ఎక్స్‌ట్రా ఆర్డినరీ సినిమా విడుదలకు సిద్ధం అయింది. డిసెంబర్‌ 8న ప్రేక్షకుల ముందుకు రాబోతున్న ఈ సినిమా ప్రమోషన్ కార్యక్రమాల స్పీడ్‌ పెంచారు. ఇప్పటికే విడుదల అయిన పోస్టర్స్ మరియు వీడియోలు అందరి దృష్టిని ఆకర్షించడంతో పాటు సినిమా కు బజ్ ని తెచ్చి పెట్టాయి.
తాజాగా హీరో నితిన్ సినిమా ప్రమోషన్ లో భాగంగా చిట్ చాట్‌ లో హీరోయిన్‌ శ్రీలీలతో వర్క్ ఎక్స్‌పీరియన్స్ గురించి కామెంట్స్ చేశాడు. ముఖ్యంగా శ్రీలీల డాన్స్ విషయంలో అందరి నుంచి ప్రశంసలు దక్కించుకుంటుంది. అలాగే నితిన్ నుంచి కూడా ప్రశంసలు దక్కించుకుంది.
ఈ సినిమాలో ఒక భారీ మాస్ సాంగ్ ఉంటుందట. ఆ పాట కోసం ఏకంగా రెండు కోట్లు ఖర్చు చేశారని సమాచారం అందుతోంది. జానీ మాస్టర్ ఆ సాంగ్ ని కంపోజ్ చేశాడు. ఆ పాటలో శ్రీలీల డాన్స్ సూపర్ గా ఉంటుందని కూడా ప్రచారం జరుగుతుంది. ఆ పాట గురించి నితిన్ మాట్లాడుతూ శ్రీలీల బెస్ట్‌ డాన్సర్‌ అన్నట్లుగా కామెంట్స్ చేశాడు.
వయసు విషయంలో శ్రీలీల 20 లో ఉంది, నేను 40 లో ఉన్నాను. ఆమెతో డాన్స్ పరంగా మ్యాచ్ చేయడం అంటే సాధ్యం అయ్యే విషయం కాదు. ఆమె ఎనర్జీ లెవల్స్ సూపర్ అన్నట్లుగా నితిన్ కామెంట్స్ చేశారు. సాధారణంగా హీరోలు తమ డాన్స్ గురించి హీరోయిన్స్ డాన్స్ తో పోల్చుతూ ఇలాంటి వ్యాఖ్యలు చేయడం చాలా రేర్ గా చూస్తూ ఉంటాం. కాని నితిన్ మొహమాటం లేకుండా ఒప్పుకోవడం అభినందనీయం అంటున్నారు.
శ్రీలీల మాస్ స్టెప్పులతో ఇప్పటికే చాలా సినిమాల్లో దుమ్ము రేపింది. నితిన్ మాటలను బట్టి చూస్తూ ఉంటే ఈ సినిమాలో కూడా ఆ పాటలో ఏ రేంజ్ లో దుమ్ము రేపి ఉంటుందో అర్థం చేసుకోవచ్చు. జానీ మాస్టర్ కొరియోగ్రఫీ అంటే మరింత మాస్ ఖాయం. సినిమాకు ఆ పాట కచ్చితంగా అదనపు బలం, ఆకర్షణ అవ్వడం ఖాయం అనిపిస్తోంది.