'దేవర' 'ఫియర్'.. చిన్న సర్‌ప్రైజ్ ఇచ్చిన తారక్

'దేవర' చిత్ర బృందం ఎన్టీఆర్ అభిమానులకు పుట్టినరోజు కానుకగా మే 19న 'ఫియర్ సాంగ్' ను విడుదల చేయడానికి రెడీ అవుతున్న విషయం తెలిసిందే. అనిరుద్ సంగీత దర్శకత్వంలో రూపొందిన ఈ మొదటి సింగిల్ ప్రేక్షకులపై దీర్ఘకాలం పాటు గుర్తుండిపోతుందని చిత్ర యూనిట్ ధీమాగా ఉంది. జూనియర్ ఎన్టీఆర్ తన ట్విట్టర్ ద్వారా ఈ పాట యొక్క పవర్ఫుల్ ప్రమోను రిలీజ్ చేశాడు.

ఈ ప్రమోలో ఎన్టీఆర్ భయానికి గాడ్ గా కనిపిస్తున్నాడు. సముద్రంలో పడవలలో పవర్ఫుల్ గా కనిపిస్తున్నాడు. అనిరుద్ సంగీతం ఈ పాటలో మెరుపులు సృష్టిస్తుందని తెలుస్తోంది. ఇక లిరికల్ వీడియోలో అనిరుద్ కూడా కనిపించనున్నారని క్లారిటీ ఇచ్చేశారు. ప్రముఖ నిర్మాత నాగ వంశీ ఈ పాట గురించి మాట్లాడుతూ, జైలర్ లోని హుకుం పాటను వింటారు మరియు 'ఫియర్ సాంగ్' విన్నాక దానిని మర్చిపోతారని ఒక స్టేట్మెంట్ ఇచ్చిన విషయం తెలిసిందే.

అనిరుద్ తన సంగీతంతో ఒక ట్రెండ్ సృష్టించారు, అయితే భారీ అంచనాలను ఆయన అందుకోగలరా లేదా అనేది చూడాలి. కొరటాల శివ దర్శకత్వం వహించిన ఈ చిత్రంలో జాన్వీ కపూర్ హీరోయిన్ గా నటిస్తుండగా, సైఫ్ అలీ ఖాన్ ప్రతినాయకుడిగా కనిపించనున్నారు. ఈ చిత్రాన్ని ఎన్టీఆర్ ఆర్ట్స్ మరియు యువసుధ ఆర్ట్స్ సంయుక్తంగా నిర్మిస్తున్నాయి.

కరణ్ జోహర్ మరియు అనిల్ థాదాని ఈ యాక్షన్ డ్రామాను హిందీలో విడుదల చేస్తున్నారు. ఇక 'దేవర' చిత్రం విడుదలకు ముందే ఎంతో క్రేజ్ సొంతం చేసుకుంది. ఈ చిత్రంలో ఎన్టీఆర్ పాత్రను బిగ్ స్క్రీన్ పై చూసేందుకు ప్రేక్షకులు ఎంతగానో ఎదురు చూస్తున్నారు. 'ఫియర్ సాంగ్' ఈ క్రేజ్ ను మరింత పెంచే అవకాశం ఉంది. మరి అనిరుద్ మ్యూజిక్ అభిమానులను ఏ మేరకు ఆకట్టుకుంటుందో చూడాలి.

ఇక దేవర సినిమా షూటింగ్ ఇప్పటికే తుది దశకు చేరుకుంది. సినిమాను అక్టోబర్ 10న విడుదల చేయబోతున్న విషయం తెలిసిందే. మొదట ఏప్రిల్ లోనే విడుదల చేయాలని అనుకుమనప్పటికి కుదరలేదు. ఇక ఈసారి మాత్రం అనుకున్న టైమ్ కు విడుదల చేయాలని ఫిక్స్ అయ్యారు. ఇక జాన్వీ కపూర్ కు ఇది మొదటి తెలుగు సినిమా. ఈ సినిమాతో మంచి సక్సెస్ అందుకొని టాలీవుడ్ లో కూడా బిజీ అవ్వాలని అనుకుంటోంది. మరి సినిమా బాక్సాఫీస్ వద్ద ఎలాంటి సెన్సేషన్ క్రియేట్ చేస్తుందో చూడాలి.