'వార్ -2' కోసం టైగ‌ర్ డేట్..టైమ్ ఫిక్స్ చేసాడా?

బాలీవుడ్ స్టార్ హృతిక్ రోష‌న్- యంగ్ టైగ‌ర్ ఎన్టీఆర్ ల‌తో భారీ యాక్ష‌న్ థ్రిల్ల‌ర్ `వార్-2`ని ఆయాన్ ముఖ‌ర్జీ తెరెక్కిస్తున్న సంగ‌తి తెలిసిందే. ఇప్ప‌టికే సినిమా షూటింగ్ కూడా మొద‌లైపోయింది. కానీ హృతిక్ కానీ... టైగ‌ర్ కానీ ఇంకా రంగంలోకి దిగ‌లేదు. ఆయ‌న్ వాళ్లిద్ద‌రు లేని స‌న్నివేశాలు చిత్రీక‌రిస్తున్నారు. తాజాగా స్పెయిన్ లో మొద‌టి షెడ్యూల్ కూడా పూర్త‌యింది. మ‌రి హృతిక్..తార‌క్ టీమ్ తో ఎప్పుడు క‌ల‌వ‌బోతు న్నారు? అంటే..

హృతిక్ ఏ క్ష‌ణ‌మైనా ప్లైట్ ఎక్కొచ్చు. ఇప్ప‌టికే ఆయ‌న న‌టిస్తోన్న `ఫైట‌ర్` తుది ద‌శ‌కు చేరుకుంది. `వార్ -2` కి సంబంధించి హృతిక్ క‌స‌ర‌త్తులు మొద‌లు పెట్టి నెల‌లు గ‌డుస్తోంది. ఈ నేప‌థ్యంలో హృతిక్ ఎంట్రీ ఎప్పుడైనా ఉండొచ్చు. మ‌రి యంగ్ టైగ‌ర్ యుద్ద భూమిలోకి దిగేది ఎప్పుడు అంటే? అందుకు కూడా స‌మ‌యం ఆస‌న్న‌మైన‌ట్లే క‌నిపిస్తోంది. తాజా అప్‌డేట్ ప్రకారం ఎన్టీఆర్ జనవరి 2024 నంచి డేట్లు కేటాయించినట్లు వినిపిస్తుంది.

భారీ యాక్ష‌న్ థ్రిల్ల‌ర్ కావ‌డంతో పాటు ఎన్టీఆర్ పాత్ర కీల‌కం కావ‌డంతో చాలా రోజులు డేట్లు కేటాయిం చిన‌ట్లు తెలుస్తోంది. ఇందులో ఆయ‌న నెగిటివ్ షేడ్ ఉన్న పాత్ర పోషిస్తున్న‌ట్లు వినిపిస్తుంది. దీనిపై క్లారిటీ రావాల్సి ఉంది. ఈ ఏడాది చివ‌ర‌క‌ల్లా ఎన్టీఆర్ దేవ‌ర షూటింగ్ పూర్తిచేసి ఫ్రీ అయిపోతాడు. అనంత‌రం సంక్రాంతి త‌ర్వాత వార్ -2 సెట్స్ కి వెళ్లే అవ‌కాశం ఉందని తెలుస్తోంది.

అలాగే `వార్ -2` చిత్రం వ‌చ్చే ఏడాది మొత్తం కేవ‌లం షూటింగ్ స‌హా పోస్ట్ ప్రొడ‌క్ష‌న్ ద‌శ‌లోనే ఉంటుం దిట‌. 2025 జ‌న‌వ‌రిలో చిత్రాన్ని ప్రేక్ష‌కుల ముందుకు తీసుకురానున్న‌ట్లు స‌మాచారం. ఇందులో కియారా అద్వానీ హీరోయిన్ ఎంపికైంది. ఇంకా కొంత మంది కీక‌ల న‌టులు తీసుకోవాల్సి ఉంది. ఈ చిత్రాన్ని యష్ రాజ్ ఫిలిమ్స్ ప్ర‌తిష్టాత్మ‌కంగా భారీ బ‌డ్జెట్ తో నిర్మిస్తోంది.