పిక్ టాక్ : అందాల తివారీ క్యూట్‌ షో

బుల్లితెర ప్రేక్షకులకు సుపరిచితురాలు అయిన శ్వేతా తివారీ వారసురాలిగా ఇండస్ట్రీలో అడుగు పెట్టిన ముద్దుగుమ్మ పాలక్‌ తివారీ. ఈ అమ్మడు 2021 లో రోసీ అనే వెబ్‌ సిరీస్‌ తో ఇండస్ట్రీలో అడుగు పెట్టింది. మొదటి వెబ్‌ సిరీస్ తోనే ఇండస్ట్రీ వర్గాల వారి దృష్టిని ఆకర్షించింది. అంతే కాకుండా అందం విషయంలో తన తర్వాతే ఎవరైనా అనే స్థాయిలో సోషల్‌ మీడియాలో పాలక్ తివారీ అందాల ప్రదర్శణ చేయడంతో పాటు, క్యూట్‌ లుక్ ఫోటోలను షేర్‌ చేస్తూ విమర్శకుల ప్రశంసలు అందుకుంటూ ఉంది.

పాలక్ తివారీ తాజాగా ఒక హిందీ సినిమాకు కమిట్ అయ్యిందనే వార్తలు వచ్చాయి. వెబ్‌ సిరీస్ లో నటించిన అనుభవంతో ముందు ముందు భారీ చిత్రాల్లో నటించే అవకాశాలు ఉన్నాయి. ఇదే సమయంలో ఈ అమ్మడు అందాల ప్రదర్శణ చేయడం ద్వారా గ్లామర్‌ పాత్రలు చేసేందుకు సిద్ధం అన్నట్లుగా ఫిల్మ్‌ మేకర్స్ కి హింట్ ఇస్తుంది అంటూ కొందరు కామెంట్స్ చేస్తున్నారు. గతంలో ఈ అమ్మడు సోషల్‌ మీడియాలో షేర్‌ చేసిన పోటోలతో పోల్చితే ఈ మధ్య కాలంలో షేర్ చేస్తున్న ఫోటోల్లో మరింత అందంగా కనిపిస్తుందని నెటిజన్స్ కామెంట్స్ చేస్తున్నారు.

తాజా ఫోటో షూట్‌ లో చాలా క్యూట్‌ అండ్‌ బ్యూటీఫుల్ గా ఉంది అంటూ నెటిజన్స్ కామెంట్స్ చేస్తున్నారు. సింపుల్ అండ్‌ ట్రెండీ రెడ్‌ ఔట్ ఫిట్ లో పాలక్ తివారీ ఈసారి మెరిసింది. ఒక రెస్టారెంట్‌ లో తీసుకున్న ఫోటోలను షేర్‌ చేసిన పాలక్ తివారీ నెటిజన్స్ దృష్టిని ఆకర్షించింది. ఇంత అందంగా ఉన్న పాలక్ తివారీ ఇండస్ట్రీలో ఎప్పుడు బిజీ అవుతుందో అంటూ మీడియా వర్గాల వారితో పాటు ఆమెను సోషల్‌ మీడియాలో ఫాలో అయ్యే వారు మాట్లాడుకుంటూ ఉన్నారు.

నటన విషయంలో పాలక్ ఇంకాస్త శ్రద్ధ పెట్టి మంచి కథలను ఎంపిక చేసుకుంటూ, మంచి పాత్రలో కనిపించినట్లయితే కచ్చితంగా భవిష్యత్తులో మంచి ఆఫర్లు వస్తాయి అనే అభిప్రాయం వ్యక్తం అవుతోంది. వెబ్‌ సిరీస్‌ ల్లో నటించినా కూడా నటనకు ఆస్కారం ఉన్న పాత్రలో కనిపించి, అందమైన లుక్ లో కనిపించడం ద్వారా కూడా ఇండస్ట్రీలో ప్రముఖుల దృష్టిని ఆకర్షించవచ్చు అంటున్నారు. పాలక్ తివారీ హీరోయిన్ గా రాబోయే రోజుల్లో మోస్ట్‌ బిజీ హీరోయిన్ గా మారే అవకాశాలు ఉన్నాయి అనేది చాలా మంది అభిప్రాయం.

పాలక్ తివారీ తల్లి అయిన శ్వేతా తివారీ ఆనే వాలా పల్ అనే సీరియల్‌ తో 2000 సంవత్సరంలో నటిగా పరిచయం అయ్యి సుదీర్ఘ కాలంగా టెలివిజన్ రంగంలో కొనసాగింది. ఇప్పటికి కూడా బుల్లితెర ప్రేక్షకుల్లో ఆమెకు ఎంతో మంది అభిమానులు ఉన్నారు. బిగ్‌ బాస్‌ లో కూడా శ్వేతా తివారి సందడి చేసిన విషయం తెల్సిందే. కామెడీ సర్కస్‌ కా నయా దౌర్‌ రియాల్టీ షో లో కూడా శ్వేతా తివారి పాల్గొని విజేతగా నిలిచింది. బుల్లి తెరపై శ్వేతా తివారీ స్టార్‌ గా ఎదిగిన తీరు మాదిరిగా పాలక్ తివారీ కూడా సినీ రంగంలో స్టార్‌ గా ఎదగడం ఖాయం అనే అభిప్రాయంను ఆమె సన్నిహితులు వ్యక్తం చేస్తున్నారు.