పవర్ స్టార్ ఈజ్ బ్యాక్..!

పవర్ స్టార్ పవన్ కళ్యాణ్ ప్రస్తుతం ఏపీ రాజకీయాల్లో బిజీ బిజీగా ఉన్నారు. ఏపీ డిప్యూటీ సీఎంగా తనకు ప్రజలు ఇచ్చిన బాధ్యతను సమర్ధవంతంగా చేసేందుకు అన్ని విధాలుగా ప్రయత్నిస్తున్నారు పవన్ కళ్యాణ్. జనసేనానిగా తన సేనని సంతృప్తి పరుస్తున్నా సరే పవర్ స్టార్ ఫ్యాన్స్ గా మాత్రం కొందరు అసంతృప్తిగా ఉన్నారు. అలా ఎందుకు అంటే పవర్ స్టార్ పవన్ కళ్యాణ్ సెట్స్ మీద మూడు సినిమాలు ఉంచారు. హరి హర వీరమల్లు సినిమా అయితే దాదాపు 4 ఏళ్లుగా సెట్స్ మీద ఉంది. ఈ సినిమా విషయంలో ఫ్యాన్స్ దాదాపు ఆశలు వదులుకున్నారు.

ఇక హరీష్ శంకర్ తో చేస్తున్న ఉస్తాద్ భగత్ సింగ్ అయితే ఎప్పుడు పూర్తవుతుందో చెప్పడం కష్టం అనేలా ఉంది. పవర్ స్టార్ ఎప్పుడు డేట్స్ ఇస్తే అప్పుడు ఆ సినిమా పూర్తి చేస్తానని చెబుతున్నాడు హరీష్ శంకర్. ఇదే కాకుండా సుజిత్ డైరెక్షన్ లో ఓజీ సినిమా కూడా సగానికి పైగా కంప్లీట్ అయినట్టు తెలుస్తుంది. డివివి దానయ్య నిర్మాణంలో తెరకెక్కుతున్న ఈ సినిమాతో పాన్ ఇండియా అటెంప్ట్ చేస్తున్నారు పవర్ స్టార్.

అసలైతే ఈ సినిమాను సెప్టెంబర్ 27న రిలీజ్ చేయాలని అనుకున్నా గెలిచాక వెంటనే సినిమాలంటే ప్రత్యర్ధులు విమర్శిస్తారని చెప్పి పవన్ సినిమాలు సెకండ్ పాలిటిక్స్ ఫస్ట్ అని చెబుతున్నాడు. ఐతే ఓజీ కోసం కూడా ఒక నెల రోజుల షూటింగ్ చేయాల్సి ఉంది. అక్టోబర్ లో పవన్ కళ్యాణ్ తను చేస్తున్న సినిమాలకు డేట్స్ ఇస్తున్నాడని టాక్. ఐతే లేటెస్ట్ గా పవన్ లుక్ చూసి పవర్ స్టార్ ఈజ్ బ్యాక్ ఓజీ లుక్ తో కనిపిస్తున్నారని ఫ్యాన్స్ హంగామా చేస్తున్నారు.

రీసెంట్ గా శ్రీహరి కోట షార్ కేంద్రంలో సైంటిస్ట్ లతో చర్చించారు పవన్ కళ్యాణ్. ఐతే ఆ మీటింగ్ లో పవన్ కళ్యాణ్ లుక్ చూసి ఓజీ కోసం పవర్ స్టార్ రెడీ అవుతున్నాడని. త్వరలోనే సినిమా మొదలవుతుందని హడావిడి చేయడం మొదలు పెట్టారు. పవర్ స్టార్ ఫ్యాన్స్ అంతా కూడా ఈ ఫోటోలతో ఖుషి అవుతున్నారు. ఫ్యాన్స్ అంతా కూడా పవర్ స్టార్ మళ్లీ ఎప్పుడు సెట్స్ లోకి వస్తారా అని ఎదురుచూస్తున్నారు. మరి అక్టోబర్ కల్లా అయినా పవన్ కళ్యాణ్ తన టైం ను సినిమాలకు కేటాయిస్తారా లేదా అన్నది చూడాలి.