శ్రీలీల‌ను నెట్టేసి పూజాహెగ్డే కొట్టేసిందా చాన్స్!
శ్రీలీల బిజీ షెడ్యూల్ కార‌ణంగా డేట్లు ఆ చిత్రానికి డేట్లు సర్దుబాటు చేయ‌డం వీలు ప‌డ‌లేదంట. దీంతో ఆమె స్థానంలో పూజాహెగ్డేని తీసుకున్నట్లు స‌మాచారం.
సినిమా ఛాన్సులు ఒక్కోసారి చేతులు మారుతుంటాయి. హీరోలు..హీరోయిన్ల నుంచి క్యారెక్ట‌ర్ ఆర్టిస్టుల వ‌ర‌కూ సెట్స్ కి వెళ్లే వ‌ర‌కూ చాలా మార్పులు జ‌రుగుతుంటాయి. ఒక హీరో కోసం అనుకున్న క‌థ మ‌రో హీరోకి వెళ్తుంది. ఒక హీరోయిన్ కోసం అనుకున్న పాత్ర మ‌రో హీరోయిన్ చేతికి వెళ్తుంది. తాజాగా యువ క‌థానాయిక శ్రీలీల‌ను రీప్లేస్ చేసారు. ఆమె స్థానంలో ముంబై బ్యూటీ పూజాహెగ్డేని ఎంపిక చేసిన‌ట్లు తెలుస్తోంది.
ఇంత‌కీ ఎంటా సినిమా? వివ‌ర‌ల్లోకి వెళ్లాల్సిందే. వ‌రుణ్ ధావ‌న్, మృణాళ్ ఠాకూర్ జంట‌గా డేవిడ్ ధావ‌న్ ఓ రొమాంటిక్ ల‌వ్ స్టోరీకి స‌న్నాహాలు చేస్తున్నాడు. ఇందులో ఓ కీల‌క పాత్ర కోసం శ్రీలీల‌ను ఎంపిక చేసారు. అది చిత్ర స్వ‌రూప‌మే మార్చే పాత్ర. అంత‌టి బ‌ల‌వంత‌మైన పాత్ర కావ‌డంతో నే హీరోయిన్ రోల్ కాపోయినా శ్రీలీల అంగీక‌రించింది. అయితే ఇప్పుడా పాత్ర నుంచి ఆమె త‌ప్పుకుంది.
శ్రీలీల బిజీ షెడ్యూల్ కార‌ణంగా డేట్లు ఆ చిత్రానికి డేట్లు సర్దుబాటు చేయ‌డం వీలు ప‌డ‌లేదంట. దీంతో ఆమె స్థానంలో పూజాహెగ్డేని తీసుకున్నట్లు స‌మాచారం. దీంతో పూజాహెగ్డే ఖాతాలో మ‌రో బాలీవుడ్ చిత్రం చేరింది. ఇప్ప‌టికే అమ్మ‌డు తెలుగులో ఓ సినిమా..త‌మిళ్ లో ఓ సినిమాకి సంత‌కం చేసింది. టాలీవుడ్ నుంచి వెళ్లిన త‌ర్వాత కంబ్యాక్ లో అందుకున్న రెండు అవ‌కాశాలివి. తాజాగా హిందీలోనూ మ‌రో ఛాన్స్ షురూ అవ్వ‌డంతో అమ్మ‌డు ఫుల్ హ్యాపీలో క‌నిపిస్తుంది. అయితే శ్రీలీల ఇప్ప‌టివ‌ర‌కూ బాలీవుడ్ లో ఎంట్రీ ఇవ్వ‌లేదు.
ఇదే తొలి అవ‌కాశం కావ‌డంతో? ఎగిరి గంతేసింది. కానీ ఇప్పుడా ప్రాజెక్ట్ నుంచి త‌ప్పుకోవ‌డం ఆస‌క్తిక‌రంగా మారింది. ప్ర‌స్తుతం శ్రీలీల లైన‌ప్ లో రెండు సినిమాలే ఉన్నాయి. ఉస్తాద్ భ‌గ‌త్ సింగ్ ..ర‌వితేజ్ 75వ చిత్రం. ఉస్తాద్ ఇప్ప‌ట్లో షూటింగ్ చేసే ప‌రిస్థితి లేదు. మ‌రి శ్రీలీల ఎందుకు డేట్లు సర్దుబాటు చేయ‌లేకపోయింది అన్న‌ది ఆస‌క్తిక‌రంగా మారింది.