డార్లింగ్ కోసం ఫ్యాన్స్ అదిరిపోయే ట్రీట్

డార్లింగ్ ప్రభాస్ ఇమేజ్ ప్రస్తుతం ఇండియన్ వైడ్ గా ఎస్టాబ్లిష్ అయ్యింది. బాహుబలి సిరీస్ తర్వాత అమాంతం ప్రభాస్ బ్రాండ్ ఇమేజ్ పెరిగిపోయింది. బాలీవుడ్ స్టార్స్ ని సైతం బీట్ చేసే స్థాయికి చేరింది. అందులో ప్రభాస్ మూవీ రిలీజ్ అవుతోంది అంటే మిగిలిన హీరోలు ఎంత పెద్ద స్టార్స్ అయిన సైలెంట్ గా వెనక్కి తప్పుకుంటున్నారు.

ఇతర హీరోలకి యాంటీ ఫ్యాన్స్ ఎక్కువ ఉంటారు. అయితే ప్రభాస్ కి మాత్రం అందరి హీరోల అభిమానులు కూడా ఫ్యాన్స్ గా ఉంటారు. కాంట్రవర్సీలకి దూరంగా ఉండే అతికొద్ది మంది స్టార్స్ లో ప్రభాస్ ఒకడని కచ్చితంగా ఒప్పుకోవాల్సిందే. అతను బయటకొచ్చాడంటే సినిమా గురించి మాత్రమే మాట్లాడుతాడు. అందుకే అందరూ డార్లింగ్ ప్రభాస్ ని అభిమానిస్తూ ఉంటారు.

ఇదిలా ఉంటే డార్లింగ్ ప్రభాస్ పుట్టిన రోజు వేడుకల కోసం రాష్ట్ర వ్యాప్తంగా అభిమానులు సిద్ధమయ్యారు. అక్టోబర్ 23న ప్రభాస్ బర్త్ డే. ఆ రోజు డార్లింగ్ నటిస్తోన్న సినిమాల నుంచి ఏవో ఒక అప్డేట్స్ వస్తాయని అభిమానులు ఎక్స్ పెక్ట్ చేస్తున్నారు. సలార్ ట్రైలర్ రిలీజ్ అవుతుందని ఆశించిన ప్రశాంత్ నీల్ నుంచి మాత్రం నిరాశే ఎదురైంది.

అయితే ఒక పోస్టర్ తో విషెస్ చెప్పే అవకాశం ఉంది. ఇదిలా ఉంటే ప్రభాస్ బర్త్ డే ట్రీట్ ఇవ్వడానికి ఫ్యాన్స్ అయితే సిద్ధమయ్యారు. హైదరాబాద్ కుకట్ పల్లి లో కైతలపూర్ గ్రౌండ్స్ లో భారీ కటౌట్ ని ఏర్పాటు చేయబోతున్నారు. ప్రపంచంలో అత్యంత పొడవైన కటౌట్ ని ఏర్పాటు చేసి సర్ప్రైజ్ చేయడానికి సిద్ధం అవుతున్నారు.

దీనికి సంబందించిన ఏర్పాట్లు చురుకుగా సాగుతున్నాయి. ఆ ఫోటోలు ఇప్పుడు సోషల్ మీడియాలో వైరల్ అవుతున్నాయి. రేపు 11 గంటలకి కటౌట్ పూర్తి స్థాయిలో ఆవిష్కరించడంతో పాటు బర్త్ డే సెలబ్రేషన్స్ గ్రాండ్ గా నిర్వహించనున్నట్లు ఫ్యాన్స్ సోషల్ మీడియాలో షేర్ చేశారు. దీంతో ఈ పిక్ కాస్తా ఇప్పుడు ట్రెండ్ అవుతోంది.