ఎన్టీఆర్ - నీల్.. ఫ్యామిలీ టైమ్!

దేవర మూవీ షూటింగ్ కంప్లీట్ చేసిన ఎన్టీఆర్ చాలా రోజుల తర్వాత కాస్తా రిలాక్స్ గా ఫ్యామిలీతో టైం స్పెండ్ చేస్తున్నట్లు కనిపిస్తోంది. ఎన్టీఆర్ తన తల్లిని ఉడిపిలోని శ్రీకృష్ణ మందిరానికి శనివారం తీసుకొని వెళ్లారు. మంగళూరు ఎయిర్ పోర్ట్ కి రిషబ్ శెట్టి నేరుగా వచ్చి ఎన్టీఆర్ కి స్వాగతం చెప్పారు. తర్వాత ఎన్టీఆర్ తల్లి భార్యతో పాటు రిషబ్ శెట్టి, ప్రశాంత్ నీల్ ఫ్యామిలీస్ అందరూ ఉడిపిలో శ్రీకృష్ణ మందిరానికి వెళ్లారు.

అక్కడ శ్రీకృష్ణుడిని దర్శించుకున్నారు. ఈ సందర్భంగా దిగిన ఫోటోలని సోషల్ మీడియాలో పంచుకున్నారు. అలాగే రిషబ్ శెట్టి, ప్రశాంత్ నీల్, ఎన్టీఆర్ అన్నదాన సత్రంలో భోజనాలకి చేయడానికి కూర్చున్న పిక్స్ ని కూడా షేర్ చేశారు. ఈ ఫోటో కూడా సోషల్ మీడియాలో వైరల్ అయ్యింది. ఈ ముగ్గురు మధ్య ఫ్రెండ్ షిప్ ఎంత స్ట్రాంగ్ గా ఉందో ఆ ఫోటోతో ఎస్టాబ్లిష్ అయ్యిందనే మాట వినిపిస్తోంది.

ఇదిలా ఉంటే జూనియర్ ఎన్టీఆర్, భార్య ప్రణతి, ప్రశాంత్ నీల్ తో పాటు అతని భార్య లిఖిత కలిసి కుండపురా బీచ్ లో సందడి చేశారు. అక్కడ ఫోటోలు తీసుకున్నారు. వీటిని కూడా సోషల్ మీడియాలో పంచుకున్నారు. అక్కడ స్టార్ హీరో, స్టార్ డైరెక్టర్ ఇద్దరు సినిమా సంగతులు పక్కన పెట్టి పూర్తిగా ఫ్యామిలీతో టైం స్పెండ్ చేసినట్లు ఈ ఫోటోల బట్టి అర్ధమవుతోంది. చాలా సరదాగా వారు కాలక్షేపం చేసినట్లు కనిపిస్తోంది.

ఎన్టీఆర్ ఫ్యాన్స్ ఈ ఫోటోలని సోషల్ మీడియాలో షేర్ చేసుకుంటూ వైరల్ చేస్తున్నారు. ఇదిలా ఉంటే జూనియర్ ఎన్టీఆర్, ప్రశాంత్ నీల్ కాంబినేషన్ లో తెరకెక్కబోయే డ్రాగన్ మూవీ మరో రెండు నెలల్లో సెట్స్ పైకి వెళ్లే అవకాశం ఉందని తెలుస్తోంది. మైత్రీ మూవీ మేకర్స్ ఈ చిత్రాన్ని భారీ బడ్జెట్ తో నిర్మిస్తోంది. ఇప్పటికే మూవీ పోస్ట్ ప్రొడక్షన్ వర్క్ జరుగుతోంది. మరో వైపు ఎన్టీఆర్ దేవర మూవీ సెప్టెంబర్ 27న రిలీజ్ కి రెడీ అవుతోంది.

ఈ సినిమా ప్రమోషన్స్ లో ఈ నెల రోజులు ఎన్టీఆర్ బిజీ కాబోతున్నట్లు తెలుస్తోంది. వీలైనంత ఎక్కువగా దేవర సినిమాని జనాల్లోకి పంపించే ప్రయత్నం చేస్తున్నారు. మరో వైపు ఎన్టీఆర్, రిషబ్ శెట్టి కలిసి తిరిగిన ఫోటోలు కన్నడనాట బాగా వైరల్ కావడంతో అక్కడి కన్నడ ప్రేక్షకులు ఎన్టీఆర్ ని తమవాడిగా మరింత ఓన్ చేసుకునే అవకాశం ఉంది. ఇది దేవర మూవీకి కన్నడంలో ప్లస్ అవుతుందని అంచనా వేస్తున్నారు.