సలార్ 2.. ఆ నవ్వుతో ఓ క్లారిటీ వచ్చేసింది

పాన్ ఇండియా స్టార్ ప్రభాస్, ప్రశాంత్ నీల్ కాంబినేషన్ లో తెరకెక్కిన సలార్ మూవీ గత ఏడాది రిలీజ్ అయ్యి హిట్ టాక్ సొంతం చేసుకుంది. దీనికి సీక్వెల్ సలార్ 2 మూవీ చేయాల్సి ఉంది. 2025 ఆగష్టులోపు సలార్ 2 మూవీ రిలీజ్ అవుతుందని నిర్మాత విజయ్ కిరంగదూర్ ఎప్పుడో ప్రకటించాడు. అయితే సినిమా షూటింగ్ పై ప్రశాంత్ నీల్ నుంచి ఎలాంటి స్పష్టత రాలేదు.

ఇదిలా ఉంటే మైత్రీ మూవీ మేకర్స్ ప్రశాంత్ నీల్, ఎన్టీఆర్ కాంబినేషన్ మూవీ షూటింగ్ ఆగష్టులో స్టార్ట్ అవుతుందని పోస్టర్ రిలీజ్ చేసి ప్రకటించారు. ఈ నేపథ్యంలో సలార్ 2 మూవీని ప్రశాంత్ నీల్ హోల్డ్ లో పెట్టాడని ప్రచారం నడిచింది. అలాగే సలార్ 2 చిత్రం పూర్తిగా ఆగిపోయిందనే టాక్ కూడా సోషల్ మీడియాలో నడిచింది. క్రియేటివ్ డిఫరెన్స్ వలన ప్రభాస్ సలార్ 2 మూవీ హోల్డ్ లో పెట్టారనే గాసిప్స్ కూడా వైరల్ అవుతున్నాయి.

వీటిపై నిర్మాణ సంస్థ హోంబలే ఫిలిమ్స్ ట్విట్టర్ లో రియాక్ట్ అయ్యింది. సలార్ షూటింగ్ సెట్ లో ప్రభాస్, ప్రశాంత్ నీల్ నవ్వుతున్న ఇమేజ్ షేర్ చేసి ఈ గాసిప్ విన్న తర్వాత వారు నవ్వు ఆపుకోలేకపోతున్నారు అంటూ ట్వీట్ చేశారు. ఈ ట్వీట్ తో సలార్ 2పై వచ్చిన రూమర్స్ లలో ఎలాంటి వాస్తవం లేదని చెప్పినట్లు అయ్యింది. సలార్ 1తో పాటు పార్ట్ 2 కి సంబంధించి 30% శాతం షూటింగ్ కంప్లీట్ అయిపోయిందంట.

ఇప్పటికే బాబీ సింహా, శ్రియా రెడ్డికి సంబందించిన సీక్వెన్స్ షూటింగ్ ప్రశాంత్ నీల్ స్టార్ట్ చేసి పూర్తి చేసే పనిలో ఉన్నాడనే మాట వినిపిస్తోంది. కల్కి మూవీ రిలీజ్ ప్రమోషన్స్ కంప్లీట్ అయిన తర్వాత ప్రభాస్ కూడా సలార్ 2 షూటింగ్ లో జాయిన్ అవుతారని సమాచారం. సలార్ 2 షూటింగ్ కంప్లీట్ చేసిన తర్వాత ప్రశాంత్ నీల్ ఎన్టీఆర్ తో సినిమాని సెట్స్ పైకి తీసుకొని వెళ్తారంట. లేదంటే రెండు ఒకేసారి సెట్స్ పైకి రావచ్చని టాక్ కూడా వస్తోంది.

మైత్రీ మూవీ మేకర్స్ వాళ్ళు ఎనౌన్స్ చేసినట్లు ఆగష్టులో తారక్-నీల్ కాంబో మూవీ షూటింగ్ స్టార్ట్ అయ్యే అవకాశం ఉండకపోవచ్చని సినీ విశ్లేషకులు అంటున్నారు. అయితే ఈ ఏడాదిలోనే ఆ చిత్రాన్ని కూడా ప్రశాంత్ నీల్ స్టార్ట్ చేస్తాడని భావిస్తున్నారు. మొత్తానికి సలార్ 2 మూవీని ప్రభాస్, నీల్ హోల్డ్ లో పెట్టారనే ప్రచారానికి అయితే నిర్మాత సంస్థ పరోక్షంగానే ఫుల్ క్లారిటీ ఇచ్చి ఒక క్లారిటీ ఇచ్చేసింది.