కేక పుట్టించేలా 'కిస్సిక్' పోజ్.. బన్నీ, శ్రీలీల అదుర్స్!

ఐకాన్ స్టార్ అల్లు అర్జున్ పుష్ప-2 కోసమే ఇప్పుడు ఎక్కడ చూసినా మాట్లాడుకుంటున్నారు. రీసెంట్ గా బిహార్ లోని పట్నాలో జరిగిన ట్రైలర్ రిలీజ్ ఈవెంట్ కు వచ్చిన రెస్పాన్స్ చూస్తుంటే.. సినిమాపై ఎలాంటి క్రేజ్ ఉందో అందరికీ అర్థమైపోతుంది. ఎప్పుడెప్పుడా అంటూ అంతా వెయిట్ చేసిన ట్రైలర్.. మూవీపై అంచనాలు భారీగా పెంచేసింది.

ఇప్పుడు అందరి దృష్టి స్పెషల్ సాంగ్ పై పడింది. డ్యాన్సింగ్ క్వీన్ శ్రీలీల, అల్లు అర్జున్ పోటీపడి మరీ డ్యాన్స్ కుమ్మేశారని ఇన్ సైడ్ టాక్. ఇప్పటికే మేకర్స్ సాంగ్ షూటింగ్ కంప్లీట్ అయిందని అనౌన్స్ చేసి.. స్పెషల్ పోస్టర్ ను రిలీజ్ చేసిన విషయం తెలిసిందే. అందులో శ్రీలీల లుక్ గురించి చెప్పనక్కర్లేదు. ఒక్క పోస్టర్ తో సాంగ్ పై వేరే లెవెల్ హైప్ క్రియేట్ అయింది.

ఇప్పుడు మరో కొత్త పోస్టర్ ను మేకర్స్ సోషల్ మీడియాలో రిలీజ్ చేశారు. డబుల్ ధమాకా అన్నట్లు బన్నీ, శ్రీలీల ఉన్న నయా పోస్టర్ అందరినీ ఆకట్టుకుంటోంది. బన్నీ కాలిపై బెండ్ అవుతూ శ్రీలీల ఇచ్చిన పోజు అదిరిపోయిందని చెప్పాలి. రాక్ స్టార్ దేవిశ్రీ ప్రసాద్ కిస్సిక్ పాటకు అందించిన ట్యూన్ డ్యాన్స్ ఫ్లోర్ పై నిప్పులు పుట్టించడం ఖాయమట!

అదిరిపోయే అవుట్ ఫిట్స్ తో బన్నీ, శ్రీలీల ఉన్న కొత్త పోస్టర్.. ఇప్పుడు సోషల్ మీడియాలో తెగ ట్రెండ్ అవుతోంది. మూవీ లవర్స్ తో పాటు ఫ్యాన్స్ ను తెగ అట్రాక్ట్ చేస్తోంది. సాంగ్ పై మరిన్ని అంచనాలు క్రియేట్ చేస్తోంది. నెట్టింట ఫుల్ ట్రెండ్ అవుతోంది. అయితే కొత్త పోస్టర్ తో మేకర్స్ సాంగ్ అప్డేట్ ఇచ్చారు. కిస్సిక్ పాట రిలీజ్ డేట్ ను అనౌన్స్ చేశారు.

నవంబర్ 24వ తేదీన సాయంత్రం 7.02 గంటలకు రిలీజ్ చేసేందుకు తాము రెడీ అని మేకర్స్ తెలిపారు. పుష్ప సినిమాలో సమంత చేసిన ఊ అంటావా మావ.. పాన్‌ ఇండియా లెవెల్ లో ఎలాంటి హిట్ అయిందో అందరికీ తెలిసిందే. ఇప్పుడు ఆ సాంగ్ కు మించి కిస్సిక్ సాంగ్.. అలరిస్తుందని అంతా ఆశిస్తున్నారు. మేకర్స్ కూడా అంతే రీతిలో వర్క్ చేశారని తెలుస్తోంది.

పుష్ప రాజ్ స్వాగ్.. శ్రీలీల డ్యాన్సింగ్ టాలెంట్.. దేవి శ్రీ ప్రసాద్‌ మార్క్‌.. సుకుమార్‌ క్రియేటివిటీ సాంగ్ లో క్లియర్ గా కనిపిస్తాయని సినీ ఇండస్ట్రీలో జోరుగా చర్చ సాగుతోంది. మొత్తానికి సాంగ్ కోసం అంతా ఈగర్ గా వెయిట్ చేస్తున్నట్లే. మరి కిస్సిక్ పాట ఎలా ఉర్రూతలూగిస్తుందో తెలియాలంటే ఇంకా కొన్ని గంటల పాటు వెయిట్ చేయాల్సిందే.