పుష్ప 2 ట్రైలర్ జాతరకు రంగం సిద్ధం

తెలుగు సినిమా అభిమానులు ఎంతో ఆసక్తిగా ఎదురుచూస్తున్న పుష్ప 2: ది రూల్ చిత్రం. ఇక ట్రైలర్ కు సంబంధించిన అనౌన్స్‌మెంట్ వచ్చేసింది. పాన్ ఇండియా స్థాయిలో మైత్రీ మూవీ మేకర్స్ నిర్మిస్తున్న ఈ సినిమా డిసెంబర్ 5న విడుదల కానున్న విషయం తెలిసిందే. కేవలం తెలుగులోనే కాకుండా నార్త్ లో కూడా సినిమాపై అంచనాలు గట్టిగానే ఉన్నాయి. ఇక రేంజ్ కు తగ్గట్టుగా 7 నగరాల్లో భారీ ఈవెంట్స్ ను ప్లాన్ చేసేందుకు సిద్ధమయ్యారు.

మొదట నవంబర్ 17న బీహార్‌లోని పట్నా గాంధీ మైదానంలో ట్రైలర్ లాంచ్ ఈవెంట్ నిర్వహించబోతున్నారు. ఈ వేడుక సాయంత్రం 5 గంటలకు ప్రారంభమవుతుంది. ఈ ఘన కార్యక్రమానికి అల్లు అర్జున్ స్వయంగా హాజరు కావడంతో ఫ్యాన్స్ ఉత్సాహంలో ఉన్నారు. పుష్ప మొదటి భాగం దేశవ్యాప్తంగా విజయవిహారం చేసిన తర్వాత, ఈ రెండో భాగం పై అంచనాలు ఒక్కసారిగా పెరిగాయి.

ట్రైలర్‌కి సంబంధించిన పోస్టర్ ఇప్పటికే అభిమానులను మరింత ఎగ్జైట్ చేయగా, పుష్పరాజ్ పాత్రలోని కొత్త స్టైల్ అందరిని ఆకట్టుకుంది. ఈ కార్యక్రమం పుష్ప 2కు మరింత హైప్ తీసుకువస్తుందని భావిస్తున్నారు. గాంధీ మైదానంలో భారీ ఎత్తున ఏర్పాటు చేయబోతున్న ఈ ఈవెంట్ పుష్ప ఫ్యాన్స్‌కు జాతర తరహాలో ఉండబోతోంది. అల్లు అర్జున్‌ తో పాటు ఈ చిత్రంలో నటించిన ఇతర ప్రధాన తారాగణం కూడా ఈ వేడుకకు హాజరుకావడానికి అవకాశం ఉందని సమాచారం.

పుష్ప 2 ట్రైలర్‌లో పుష్పరాజ్ పాత్రకు సంబంధించిన మరిన్ని ఆసక్తికర అంశాలు అభిమానులకు రివీల్ కానున్నాయి. ఇదే సమయంలో సినిమా యూనిట్ ఈ ట్రైలర్ లాంచ్‌ను మరింత ప్రత్యేకంగా నిర్వహించడానికి అన్ని ఏర్పాట్లు చేస్తోంది. మ్యూజిక్, లైవ్ పెర్ఫార్మెన్స్ లతో పాటు ప్రత్యేక సెట్ అప్ కూడా ఏర్పాటు చేయనున్నారు. గాంధీ మైదానంలో జరగబోతున్న ఈ కార్యక్రమం పుష్ప 2 సినిమా బజ్‌ను మరింత పెంచుతుందని అందరూ భావిస్తున్నారు.

ఇక ఈ సినిమాతో ఎలాగైనా బాక్స్ ఆఫీస్ వద్ద వెయ్యి కోట్ల టార్గెట్ ను అందుకోవాలి అని చిత్ర యూనిట్ ప్రణాళికలు రచిస్తున్నట్లు అర్థమవుతుంది. తప్పకుండా బాహుబలి తరువాత మళ్ళీ ఆరెంజ్ లో ఇంపాక్ట్ చూపే తెలుగు సినిమాగా పుష్ప 2 నిలుస్తుంది అని ఇది వరకే మేకర్స్ ఎంతో నమ్మకంగా తెలియజేశారు. ఇక ఈ సినిమా పై నార్త్ లో కూడా అంచనాలు గట్టిగానే ఉన్నాయి. ఫస్ట్ పార్ట్ దాదాపు 100 కోట్లకు పైగా కలెక్షన్స్ అందుకున్న విషయం తెలిసిందే.

కాబట్టి ఈసారి ఆ లెక్క అంతకుమించి ఉంటుంది అనేలా సినిమాకు పాజిటివ్ వైబ్రేషన్స్ క్రియేట్ చేస్తున్నారు. ఈ లాంచ్ తర్వాత డిసెంబర్ 5న ప్రపంచవ్యాప్తంగా పుష్ప 2 థియేటర్లలో విడుదల కాబోతోంది. అల్లు అర్జున్ సుకుమార్ కాంబినేషన్‌లో ఈ చిత్రం మరింత క్రేజ్‌ని సొంతం చేసుకుంది. ఈ సినిమాక్ ప్రమోషన్స్ కు వస్తున్న రెస్పాన్స్ చూస్తుంటే, పుష్ప 2 మరో బ్లాక్‌బస్టర్‌గా నిలుస్తుందని చెప్పవచ్చు.